عنوان الموضوع : الخطبة تم حل المشكلة
مقدم من طرف منتديات العندليب

السلام عليكم و رحمة الله


تقدم شاب لخطبتي من اسرة محترمة جات مرت عمو و قالتلي راه بعثتني نشوف رايك فيه و انا ما نعرفوش شكراتو بزاف و المرا عجوز كبيرة رزينة و


مدينة المهم و زدت سقسيت عليه كامل شكروه و مدحو في اخلاقو


بعد يومين راحت يما لمرت عمو جارتنا و قالتلها قوليلو يي نديرو رؤية شرعية يشوفو بعضاهم و يقررو واش يحبو قالتلها ايه راهي حابة تجي اختو و مرت


خوه معاه قالتها يما مرحبا بيكم ا

اليوم عشرين يوم من الحكاية هاذي مكاين حتى خبر اذا عندهم ظروف ولا بطل عليا خلاوني معلقة بلا ما نعرف حتى حاجة يما قالتلي يوم المعة نروح لمرت

عمو و نقوللها واش بيههم ما جاوش و اذا بطلو علاش ما ردوش خبر


انا ما قبلتش تروح جاتني كبيرة في حقي تقول راح نجري موراه و المفروض يردو هوما الخبر خير ولا شر اذا بطل مااشي عيب و زيد مزال ما شافنيش حتى يقرر

دبرو عليا واش ندير


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بالك حاب يسقسي علييك قبل ما يجي و طول شوي

كاين بزاف شباب حاب يبعث يشوف اذا موافقين باش يجي يشوف باش يبدا يسقسي عليها

المهم نتي ديري كي شغل ما كان والو اذا جاك خاطب وحد أخر قوليل لمرت عمو اذا مش جايين نخلي خاطب لخر يجي و خلاص مكش مشكل

__________________________________________________ __________

>>>> الرد الثاني :

غالب الظن أنهم بطلو
ونتي أحكمي مك ماتروحش
ماتصلحش تروح تباني تستناي فيهم وأدللي بروحك
كاين عايلات لوكان يجي بعد ال20 يوم هاذي يردوه من الباب ...
واش سوق هذا ادخل واخرج وطبطب الوقت ألي بغيت ولا ؟؟؟؟


__________________________________________________ __________

>>>> الرد الثالث :



الخطبة هي وعد بالزواج فقط

من الاوصول و الاعراف ان يرد عليكي في وقت قريب

و ادا حاب تنحي الشك كيما قالك الاخ ديري مكاين والوا

اذا جاك خاطب جديد خبريهم وفقط

منها تقعد كرامتك محفوظة و تمي علي حسب الاوصول

و ما تسرعيش بالاك راه يسقسي عليك و علي فامليا نتاعك

__________________________________________________ __________

>>>> الرد الرابع :

استخيري والله ربي يسرها لفيها خير وتبانلك في الحين


__________________________________________________ __________

>>>> الرد الخامس :

شحال نكره اللقطة هدي صراتلي بزاف الي يجي يهدر ويروح حتى راني نخمم نرقي روحي.