عنوان الموضوع : لمادا هده المقارنة تم الاجابة
مقدم من طرف منتديات العندليب

نعم لمادا امي تقارن نفسها دائما بي وباختي
فمثلا كلما تكلمت عن زواجي تقارن بيني وبينها !! يخي زوجها هو ابي وهي امي
اليوم فاض بيا وكرهت مجرد حوار على عرسي وبدون اي سابق اندار قالتلي يا المقروحة واش حاسبة في روحك غير انت اللي تزوجتي
غاضتني روحي حسيت رني نهدر مع وحدة تغير مني جارة زميلة اما اني حسيت انها والدتي في هاديك الدقيقة محسيتش اصلا حياتي كاملة محسيتش بدلك لن انسى ايام طفولتي لم تعلمني الصلاة ولم تكن حتى تهتم بتدريسي بل اول يوم دراسي لي ادكر انني دهبت بمفردي ابي كان يعمل هي لم تكلف خاطرها بايصالي للمدرسة دهبت وحدي لا اخ ولا اخت تصادفت في بنت الجيرات يكثر خيرها وكي وصلت قمت بتتبع بنت جيران اخرى حتة دخلت لنفس قسمها
بعد كل هدا لااجد الا المقارنة انا بنتها ومش صاحبتها لو انها خاواتني نقول معليش بصح لمادا وفي كل مرة تقولي واش زعما ديتب ..... المسود تاعك هاداك بل توصل الحال قريت فسخت خطبتي جابتلي حكاية على شيخي بانه متزوج عى عجوزتي هدا بعد ماحكيتلها قتلها جد زوجي تزوج ربع نسا كل ميتزوج تموت زوجته ويزيد يتزوج تزوج ربعة يعني قاتلي راح شيخك متزوج زوج ورح راجلك يديرلك نفس الشيء دخلتلي وحد الوسواس لحد الان نعاني منه فسدتلي فرحتي بزواجي
علاش هكدا هل هي تكرهني


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم
نقاش عادي بين ام و ابنتها ان لم نقل تافه . مدققيش بزاف اختي عادي خليها تحكي وش تحب يخي تحكي برك معندها مدير و انت كبري بالك يعني مش من حبة ديري قبة . لانها في نهاية المطاف امك . اما بالنسبة لنهار دخولك المدرسي عادي علاش تكبري فيها كلنا عندنا ذكريات خلاتنا نتخيلو انو امهاتنا ميحبوناش و كي كبرنا فهمنا .


__________________________________________________ __________

>>>> الرد الثاني :

السلام عليكم
اختي الكريمة لما تبتعدي عن امك وابيك وبيتكم عموما ستشتاقين الى هذه الاحداث ........ اتركي والدتك تتكلم معك كما شاءت وكلميها عادي وباحترام و طاعة .............. فكم من عليل لانه يتيم الام ............. وربي يوفقك وزواج مبروك

__________________________________________________ __________

>>>> الرد الثالث :

ياليت فقط لو عاشت لي أمي لكنت خادمتها المطيعة

أختي هذا مجرد هدرة نتاع أمهات ,تفكري كي كنتي تمرضي شكون يرفدك

من علمك أولى خطواتك ,,,,,,,,,,,,ووو

مادام عندك أمك فهي تشفع لك تدعو لك ،،،،، احمدي ربي

وأكيد أمك عندها ضغوطات خلاتها تحكي معك هكذا

لازم تساعفيها وأذكريها غير بالخير

وربي يكملك زواجك ويرزقك ذرية صالحة

__________________________________________________ __________

>>>> الرد الرابع :

كاين بعض الامهات هكدا ربي يهديهم انشاء الله تزوجي تتهناي واكيد سوف تشتاقين لامك وترجع الامور مليحة ما بيناتكم

__________________________________________________ __________

>>>> الرد الخامس :

ديري روحك تشوفي في مسلسل تركي او مكسيكي. الله يهديك. خليها تففض وانت كبري بالك وضاحكيلها وخليها تفش روحها. صدقيني كلامها مجرد فضفضة لا اكثر ولا اقل.