حتى المرة هادي ما قدرتش نمدلو فرصة تم الاجابة

[imilla]

عنوان الموضوع : حتى المرة هادي ما قدرتش نمدلو فرصة تم الاجابة
مقدم من طرف منتديات العندليب

السلام عليكم
يا ليت اللي يجاوب يكون صريح و واقعي

حسب الزواج الحالي صرت على قناعة انو الزواج عن طريق شخصي افضل و انجح من الزواج عن طريق وسيط

و المشكل اني كنت ضد العلاقات و كذا
خطبتي الاولى عن طريق الاهل و الصداقات و كنا نعرفو اهلو و يعرفونا و كنت اتعس خطيبة و هو كذلك
و فسخنا الخطبة بعدما اكتشفت انو على علاقات بالنساء و الملاهي و و و مع انا نعرفوهم و يبان للناس الكل العكس

جا هذا العام خطبتي على الثاني و كانت واحدة وسيط بينا و تم كل شيئ عن طرق الصح و قلتلهم اللي باغين يروح للدار
و فعلا و تفاهمنا على كل شيئ
لكن قبل الخطبة الرسمي باسبوع اكتشفت انو متزوج و اني راح نكون زوجة ثانية بالخداع

قررت اني راح ندي واحد باختياري على الاقل ** لي ضرباتو يدو ما توجعو ** اليوم عيا شخص و انا راجعة للبيت طلب هاتفي رفضت و قتلو راك تحكي معايا قدام دارنا لانو فعلا تبعني طريق حتى وصل قريب للدار و حسبت روحي ما شفتوش لكن لما قالي اعطيني رقمك قتلو احشم راك تحكي معايا و بزيادة قدام الدار قالي صار تسكني هنا اعطيني برك الرقم رفضت بشدة

لكن
بصراحة

تمنيت نقولو هاو ليك و نعطي لروحي و نعطيه فرصة

صرت مقتنعة انو الارتباط لازم يكون عن طريق خيار شخصي

و ما نقدرش نديرها حاجة خلاص تربيت عليها نشوفها تطيح من قيمتي مع انو صارت حاجة عادية و دارجة

واش ندير تلفتلي نتاع الصح
هذا راح و ما نعرف اذا غالطة و الا صحيحة و غيرو ؟؟؟

ما نقدر نتعرف لانو خلاص تجيني حاجة كبيرة و ما تربيتش عليها و بنفس الوقت مقتنعة انها الطريقة الاصح
او الانجح و ان كانت خطا

حتى صحباتي و اهلي راني شايفة زواجهم وين الانجح ؟
و انا الوحيدة اللي بقات تعرفو علاها قالتها صاحبتي اعطي فرصة للي يحب يحكي خليها يفهمك

و انا ما والفتش و ما قدرتش

؟؟؟؟؟؟؟؟؟؟؟؟؟؟؟

قبل ما تجاوبو الله يخليكم كونو واقعيين

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم ورحمةالله وبركاته

شوفي يا أختي بعيد عن المثالية و عدم الخوض في الحلال والحرام

يبقى الزواج مكتوب

اذا كان من مكتوبك ستتزجينه مهما كانت طريقة التعرف سواء عن وساطة أو في العمل .......


وإن لم يكن قد قدره الله لك فلن تيلغيه ولو سعيت اليه حثيثا

هناك من تعارفا لسنوات ونيتهما الزواج وفي الأخير لم يقدر الله بينهما

واعرف حتى من تزوجت عن طريق التعارف ثم لم تكمل العام وتطلقت منه

يعني سواء عرفتيه أو كان عن طريق الوساطة اذا لم يكتبه الله لك زوجا فلن يكون

ربي يقدر لنا الخير حيث يكون ان شاء الله

__________________________________________________ __________

>>>> الرد الثاني :

قل لن يصيبنا اﻻ ماكتب الله لنا يعني اللي ربي راهو كاتبولك ربي زوج ليك راح تاخذيه سواء بالتعارف المسبق او عن طريق الوساطة وصدقيني كثير من الناس اللي تعارفو من قبل ماتفاهموش بعد الزواج ونعرف وحدة كانت تعرف زوجها من قبل وبعد 4 اشهر رفعت دعوة خلع بتهمة الخيانة

__________________________________________________ __________

>>>> الرد الثالث :

الســــــــــــــــــــلام عليكم ورحمة الله وبركاته

معظم شبابنا يقبع تحت العلاقات المحرمة قصد الزواج يقولك نشوفها تخرج ع عقليتي ولا لا

ومع الاسف بسبب عذر تافه نقع في المحظور ونعصو ربي

لكن من يتقي الله يجعل له مخرجا

حاجة محرمة ما نروحش بيها برجليا ،لانو ربي قال وغير متخذات أخدان

وأنتي اذا جاءك من ترضين دينه وخلقه استخيري

فالخيرة فيما اختاره الله لك

ولا تتبع خطوات الشيطان من تعارف وووو حتى تصبح عند ك حاجة عادية

كل مرة واحد وتصبحين كالبضاعة

أختي لاتستهوني الذنب مهما كان صغيرا

الحرام يبقى حرام ولو فعله الجميع فلا تتنازلي عن مبادئك

والزمي الاستغفار والدعاء أن يرزقك الله الزوج الصالح

__________________________________________________ __________

>>>> الرد الرابع :

اختي ننصحك حاجة ادعي ربي والله غير هو الي يسهلك الامور وق ما تتصوري

__________________________________________________ __________

>>>> الرد الخامس :

المشاركة الأصلية كتبت بواسطة أناييس الربيع الســــــــــــــــــــلام عليكم ورحمة الله وبركاته معظم شبابنا يقبع تحت العلاقات المحرمة قصد الزواج يقولك نشوفها تخرج ع عقليتي ولا لا ومع الاسف بسبب عذر تافه نقع في المحظور ونعصو ربي لكن من يتقي الله يجعل له مخرجا حاجة محرمة ما نروحش بيها برجليا ،لانو ربي قال وغير متخذات أخدان وأنتي اذا جاءك من ترضين دينه وخلقه استخيري فالخيرة فيما اختاره الله لك ولا تتبع خطوات الشيطان من تعارف وووو حتى تصبح عند ك حاجة عادية كل مرة واحد وتصبحين كالبضاعة أختي لاتستهوني الذنب مهما كان صغيرا الحرام يبقى حرام ولو فعله الجميع فلا تتنازلي عن مبادئك والزمي الاستغفار والدعاء أن يرزقك الله الزوج الصالح

يعطيك الصحة على لكلام الباهي