عنوان الموضوع : سؤال للمتزوجين
مقدم من طرف منتديات العندليب

السؤال موجه للنساء و الرجال
حبيت نعرف كل زوج كيفاش راه يقضي وقتو بين الخدمة و الاصدقاء و البيت و الزوجة و الاولاد في الايام العدية و في رمضان
و الزوجات يقولولي كيفاش رجالهم يقسمو وقتهم بين برا و الدار و هل راكم راضيين و مكتفين و حاسين باشباع من هاذ الناحية او انكم تحسو بالاهمال و ان الزوج مش عاطي وقت كافي للبيت و العائلة او الوقت اللي يكونو في البيت يكون سلبي يعني يدخل و يقعد ساكت و يمضي وقتو بين التلفاز و الجريدة و النوم
ارجوك ايها الزوج جاوب عن نفسك بكل صراحة
ارجوك ايتها الزوجة جاوبي عن زوجك بكل موضوعية
محتاجة نعرف الاجابة و ياريت الاجابات ماتكونش مثالية و مزخرفة يا ريت تكون فعلا من الواقع


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سلام اختي انا في رمضان قريب منشوفش راجلي كامل ينودا صباح يروح يخدم وهو معندوش وقت بزاف باش يقعد معيا لخاطر ديما خدام خطرات غير يدخل يعودو يعيطوالو يخرج لخاطر يخدم في الدرك الوطني نرجو قواتلك يرقد شوية يزيد ينود يخرج باراج برا من بعد يدخل قبل المغرب ب 10دقايق يفطر يرياح شوية يعود يخرج يخدم 4سوايع خطرات يكمال وخطرات منشوفاش كامل وادا كمال بكري يدخل يقعد معايا شوي من بعد يخرج يقعد مع صحابو انا كونت نزاف منو من بعد حسنة عوانو قوالت مسكين هو قع ميقعدش وكي تجيه هديك الفرصة نقعد نحرام عليه ايا واليت نخليه على راحتو الوقت لي داخل هداك هو ونزيداك حاجة ختي راجالي عندو نهار في 15 يوما راحة لي نقدرو نخرجو فيه راني حكيتالك يومياتي بتفصيل الممل ختي لازم تحسني العون ششوية تاع الرجال

__________________________________________________ __________

>>>> الرد الثاني :

انا راجلي في الايام العادية يخدم نص نهار برك و لعشية عندو خدام يروح على 12 نص نهار يتغدى برك و يعاود يخرج يروح يقعد مع صحابو عشية كامل مايروحش حتى بعد اذان العشاء يتعشى و راهو سهران مع التلفاز و انا نلتهى مع ولدي الصغير مايجي يرقد نكون تعبت و نعست
يعني تخيلي من الواحدة ظهرا حتى ما بعد العشاء و هو مع صحابو يروح غلبان و مش حاب يسمع الحس و حتى يوم الجمعة يخرج من الدار على 7 و نص تاع صباح ميوليش حتى الغداء يجي يتغذى و يروح يصلي و مايروحش حتى الليل هذا كامل مع صحابو
اما في رمضان البرنامج هو كي ينوض صباح على التاسعة يروح يخدم و من بعد يقفل حانوتو وقت مايحب و يروح مباشرة عند صحابو يعني مايروحش خلاص للدار حتى قبل المغرب بدقائق يفطر و من بعد مباشرة من فوق الطاولة يخرج برا يعني مايقعدش يا لوكان 5 دقايق نتقهواو فيهم مع بعض يروح يتقهوا برا و يصلي التراويح و من بعد يكمل سهرة تاعو برا حتى الوحدة تاع الليل و يروح يلقاني انا عين مغمضة و عين محلولة
و حتى كي توالي بالعطل و فصل الربيع وين العائلات يخرجو يحوسو مع بعض كي نطلب منو مايحبش و يروح دايما يحوس مع صحابو
قولولي هاذ الوضع عادي والا انا لي راني تبالي مش نورمال و الا الناس كامل عايشين هكذاو الا كيفاش راني رايحة نهبل من اهمال زوجي ليا و لدارو و لولدو

__________________________________________________ __________

>>>> الرد الثالث :

المشاركة الأصلية كتبت بواسطة سامية لولي
انا راجلي في الايام العادية يخدم نص نهار برك و لعشية عندو خدام يروح على 12 نص نهار يتغدى برك و يعاود يخرج يروح يقعد مع صحابو عشية كامل مايروحش حتى بعد اذان العشاء يتعشى و راهو سهران مع التلفاز و انا نلتهى مع ولدي الصغير مايجي يرقد نكون تعبت و نعست
يعني تخيلي من الواحدة ظهرا حتى ما بعد العشاء و هو مع صحابو يروح غلبان و مش حاب يسمع الحس و حتى يوم الجمعة يخرج من الدار على 7 و نص تاع صباح ميوليش حتى الغداء يجي يتغذى و يروح يصلي و مايروحش حتى الليل هذا كامل مع صحابو
اما في رمضان البرنامج هو كي ينوض صباح على التاسعة يروح يخدم و من بعد يقفل حانوتو وقت مايحب و يروح مباشرة عند صحابو يعني مايروحش خلاص للدار حتى قبل المغرب بدقائق يفطر و من بعد مباشرة من فوق الطاولة يخرج برا يعني مايقعدش يا لوكان 5 دقايق نتقهواو فيهم مع بعض يروح يتقهوا برا و يصلي التراويح و من بعد يكمل سهرة تاعو برا حتى الوحدة تاع الليل و يروح يلقاني انا عين مغمضة و عين محلولة
و حتى كي توالي بالعطل و فصل الربيع وين العائلات يخرجو يحوسو مع بعض كي نطلب منو مايحبش و يروح دايما يحوس مع صحابو
قولولي هاذ الوضع عادي والا انا لي راني تبالي مش نورمال و الا الناس كامل عايشين هكذاو الا كيفاش راني رايحة نهبل من اهمال زوجي ليا و لدارو و لولدو

ربي يهدي زوجك اختي هذا الوضع ماش نورمال لان زوجك متزوج باصدقائه سؤال فقط اختي ماهو سن زوجك
لان حسب القصة اظن ان زوجك عند مخ تاع و احد في عمر20سنة
فانا عمري 24 سنة لكن انظم حياتي جيد كل حاجة في وقتها
وهناك اوقات افضل البقاء مع امي او ابي للحديث معهم فهم يكبرون ولا اريد ان اندم بعد وفاتهما اذا قدر الله

__________________________________________________ __________

>>>> الرد الرابع :

اختي الله يعينك
لازم يكون لغة حوار بيناتكم
ممكن يحب انك تلبسيلو ملابس مغرية جدا هكا تقدري ىجلبي انتباهو
كلام حلو ومعسل وهكا تعرفي علاواه راه يدير هكا
اختي كيف تزوجتي به ممكن تقولينا

__________________________________________________ __________

>>>> الرد الخامس :

يا اختي لازم تخدمي راسك وتكوني ذكية شوية....
..

ما كانش مشكل ما عندوش حل...
..

تقدري تنسيه فالعالم الخرارجي وترجعيه يقلق واقتاش يدخل لدارك...
...
كلش معاملة وواش يحب وواش يكره...
..


...