عنوان الموضوع : 5 كلمات تُكلف الزوجة 5 اشهر مقاطعة من زوجها
مقدم من طرف منتديات العندليب

السلام عليكم

لدي صديق 29 سنة متزوج ( لا ادري إن كان لفظ متزوج يصف حالته فعلاً) زوجته 27 سنة

يحكيلي قصته بتأثر و حُزن شديد

خرج ذات يوم مع زوجته للتسوق

مرّعليهما شُرطيان يمشين في الطريق ( عادي )

فقالت الزوجة لزوجها ( صديقي) : شوف البوليسي هذاك شحال شباب ( انظر للشرطي كم هُو وسيم)


يحكيلي صديقي انه من يومها لم يكلمها اكثر من 30 ثانية متواصلة

يعني السلام عليكم ...و عليكم السلام ..... صباح الخير ...مساء الخير ... وش نجيب ...وش تحتاجو... جيب الحليب و الخبز ... جيب كذا جيب كذا..... شكون عندنا ... و كلام امام الاهل فقط ...


هي حاولت كم من مرة ان تكلمه و تُصلح الوضع ...لكنه يرفض...يرفض ان يتجاوز تلك النقطة



القصة هاذي حدثت قبل 5 اشهر ...حاولت نصيحته و تغيير رأيه

ولكنه يقول : مادام البوليسي عاجبها...تطلب الطلاق و تتزوج بيه..


.و مادام انا مش عاجبها علاه تقبل بيا من الاصل؟؟؟


هو لا يريد التطليق من طرفه و لكنه لن يمانع إذا طلبت

...ولكنها تعتبر الامر زلة لسان و غلطة و يجب ان تصبر لعل الله يجعل لها مخرج


منذ 5 اشهر

لا كلام ككل الازواج و لا معاشرة و لا شيء

يدخل ياكل يشرب يرقد في مكان مستقل عنها...و فقط



ما رأيكم ؟؟؟ و هل من حل لهذا المُشكل ؟؟؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

الله يهديهم ويصلح احوالهم

وربي يقدرهم ويفوتو هاد المرحلة

__________________________________________________ __________

>>>> الرد الثاني :

هي صح غلطت مي ماشي لهد الدرجة 5 اشهر عقاب كبير انصحو يعيد التفكير جيدا والله مرة زوجة قالي على هيام تاع حريم الشلطان جمالها خلاب قتلو كي جمالها خلاب كنت تتزوج بيها ماشي بيا ودرت وخليتو
ابقى وراه وحاول تصلح بيناتهم بكل الطرق حتى لوكان تدي امام بينك وبنهم يكون صالح ويعرف يهدر وربما تصلح الامور هي زلة لسان والله المسعان

__________________________________________________ __________

>>>> الرد الثالث :

واعرة بزاف الكلام قدام زوجها بصح ما توصلش للطلاق حاولو معاه واستعينو بامام اوشيخ والله يهديه خراب البيوت صعيب وزلة اللسان وين توصل

__________________________________________________ __________

>>>> الرد الرابع :

السلام عليكم
بارك الله فيك لانك تحاول الصلح بينهم
هي صحيح كلمة لن تعجب اي رجل ولكنها زلة لسان ولو انه عملها حفلة نتاع زوج دقايق وتفوت على الاقل يكون خرج اللي في قلبو وهي ماتزيدش تعاود

هي الان تعلم حسب مافهمت بان زوجها زعف تحاول ترضيه وتعتذر وتقنعو بانها مجرد غلطة غير مقصودة وهو ايضا لازم يفهمها حتى ماتعاودهاش
يبدو انهم عرسان جدد مادارش عليهم العام

اخي واصل محاولة الصلح لعلك تكسب اجرا

__________________________________________________ __________

>>>> الرد الخامس :

ربي يهديهم ويصلح حالهم خليك محضر خير وهذي راها تعاقبت 5 شهور خلاص يفوتها هو ثاني قادر يغلط ربي يهدينا