عنوان الموضوع : ندمت لأني تزوجت حياة زوجية
مقدم من طرف منتديات العندليب

السلام عليكم إخواني أخواتي
من الموضوع يتبادر إلى أذهانكم أني أنا من ندمت على الزواج
صراحة مرات نقول علاه تزوجت ومرات يعجبني الزواج كيما حالة النساء كامل
الحقيقة هي أنو المرأة تجيها حالات كيما هذي
كي تفرح يعجبها الحال وكي تتعارك مع زوجها ما يعجبهاش الحال وتقول يا ريت ما تزوجتش
ومرات تقول نروح لدار أهلي أحسن لي من المعيشة هاذي
سؤالي هل الرجال يفكروا كيفنا حنا النسا؟
وعلابالي بلي كامل الإخوة الأعضاء يقولولي هذي من وساوس الشيطان والشيطان راهو باغي يدخل طرف بينك وبين زوجك
ولكن مرات نندم على اني تزوجت


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا على الموضوع .. يسعدني نكون اول من ترد عليك ...

كيما دكرتي في كلامك عادي تصرا لنا كامل خاصة كي نزعفو حنا نساء عاطفيات و حساسات ههه .. لكن كي تلحق للصح مانتخلاوش عن ازواجنا وبيتنا وعلابلنا ثاني بلي المكانة الي خليناها في دلر بابانا ماهيش كيف كيف كي كنا عازبات .. يعني واحدة كي تعاود ترجع عند مواليها تحس وانها اصبحت عبىء ثقيل عليهم ...

ونضن حتى الرجال يشعرو بندم وسورطو كي تكون مشاكل في البيت


تقبلي مروري

__________________________________________________ __________

>>>> الرد الثاني :

[u]السلام عليكم ...وددت ان راي الخاص في ذلك كجنس خشن اختاه فمن الطبيعي ان يمر الانسان بما شعرت به وهو في تلك الحاله في حاجه الى تجديد العلاقه الزوجه من خلال اشياء ترينها عايه ولكنها قد تقضى على الرتين والملل او بما يسمى بفتور العلاقه الزوجية من خلال القيام بنزه مع افراد العالئله الصغيره حبذ لوكانت النزههالى الصحراء بعيدا عن ضوضاء البلاد وما يحد من

__________________________________________________ __________

>>>> الرد الثالث :

أنا مازلت عازب ولكن هذا هو التخمام
ولكن الندم وهاذي تاع ندمت علاه تزوجت ماتخرجش من القلب انما مؤقتة برك وسطحية فقط
ألي تخرج من القلب غير الا مابقاتش عشرة ....

__________________________________________________ __________

>>>> الرد الرابع :

لا ماراكيش وحدك كل متزوج او متزوجة كي يكونو في قمة الغضب يندمو على الزواج وغير يتصالحو يولو يقولو الحمدلله راني مع راجلي ولا يقول راني مع مرتي
هذا من وسوسة الشيطان يحب التفرقة
ربي يوفقكم ان شالله

__________________________________________________ __________

>>>> الرد الخامس :

المشاركة الأصلية كتبت بواسطة oum mane83
شكرا على الموضوع .. يسعدني نكون اول من ترد عليك ...

كيما دكرتي في كلامك عادي تصرا لنا كامل خاصة كي نزعفو حنا نساء عاطفيات و حساسات ههه .. لكن كي تلحق للصح مانتخلاوش عن ازواجنا وبيتنا وعلابلنا ثاني بلي المكانة الي خليناها في دلر بابانا ماهيش كيف كيف كي كنا عازبات .. يعني واحدة كي تعاود ترجع عند مواليها تحس وانها اصبحت عبىء ثقيل عليهم ...

ونضن حتى الرجال يشعرو بندم وسورطو كي تكون مشاكل في البيت


تقبلي مروري

شكرا أختي على الرد
نظن المرأة صح كي تغضب تندم ولكن تسامح بعدها وتنسى ولكن الرجل ما يسامحش يبقى حاكمها في قلبو بدليل أنو يفكر مرتو بالصراع القديم
إذا راني غالطة أنيروني