عنوان الموضوع : شكون بنتها ولا وليدها كيما بنتي
مقدم من طرف منتديات العندليب

عندي بنتي 3 سنوات و رهي مزالها ترضع فأصبعها كيما درت حرت.
حبيت نعرف كاش أم جربت مع بنتها ولا وليدها حاجة ناجعة و حبس يرضع فأصبعو.
و الله غير رني مقلقة منها سورتو كي بداو يتعوجو سنيها مع أنها عندها سنيها شبان ما شاء الله.


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

خيتي هذا المشكل حتى انا نعاني منو وراني كيفك ديرت نداء اغاثة
الى الاطباء النفسيين و الامهات الى قدرو يتخلصو من هذه العادة السيئه
ويعطيك الصحة راكي نبهتيني الى حاجة مهمة وهي الاسنان ، عندي مدة من شفت بلي سنان ولدي القداميين طلعو الى الفوق شوي
مع انهم في الاول كانو صغار ومسويين
واش نقدر نقوللك
رانا كلنا نستنو في الردود والحلول ويا رب نصيبو الحل
امييييييييييييييييييييين

__________________________________________________ __________

>>>> الرد الثاني :

و الله غير حرت أم عبودة جربت شحال من حاجة الثوم درتو فأصبعها،لصقة تع الجرح،وحد السائل يتباع عندنا مر دفلة اليومين الأولين مقبلاتوش و من بعد وليت أنا نديرلها من ديراكت تحط صبعها ففمها,جربت قفازات يتباعو خصيصا والو درك رهي نصحتني وحدة بالهريسة و أنا ما دخلتش لراسي فكرة لهريسة....

__________________________________________________ __________

>>>> الرد الثالث :

انا ايضا ابني لديه عادة اكل اظافره،حماتي قالت بان اضع له مر الصبر في يديه وهي قد جربتعا مع ابنائها ونجحت، جربي فهو غير ضار.

__________________________________________________ __________

>>>> الرد الرابع :

الهريسة لا لا والله نولي في السبيطار
ونزيد نبهك الى حاجة اخرى وهي اللوزتين تنفخو
كيما والدي عنده 5سنين العام كامل وهما منفخين
اوووووه لازمنا حل حل حل

__________________________________________________ __________

>>>> الرد الخامس :

المشاركة الأصلية كتبت بواسطة om-sanad
انا ايضا ابني لديه عادة اكل اظافره،حماتي قالت بان اضع له مر الصبر في يديه وهي قد جربتعا مع ابنائها ونجحت، جربي فهو غير ضار.



خلاص باذن الله رك نقول لماما تبعثلي إن شاء الله خير