عنوان الموضوع : كيف اساعد ابنتي لتربية جيدة
مقدم من طرف منتديات العندليب

السلام عليكم ورحمة الله وبركاته
عندي بنتي عمرها 2.و9 اشهر وراهي جايتها اخرى في الشهرا القادم باذن الله....حبيتكم تساعدوني كيفاه الهي بنتي باش ماتغيرش من ختها ةتعوج تاكل وتشرب وترقد ...يعني باه ما تحسش وكي نروح للمستشفى نقولو يجيبهالي ولا لا اعطوني طريقة كيف اتعامل معها مع انها هده المدة راهيه غير لاصقة فيا وتفرض في رايها راهي عياتني بزاف مع انني مفهمتها وهكذاك غايرة
ارجو منكم الافادة...بارك الله فيكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ربي يطيك سويعة خفيفة و تقومي بالسلامة يا رب
ختي معندك مديري أنا راني حاصلة كي كنت حامل كنت نهدر معاها و نفهمها بلي هي الكبيرة و العاقلة ...... المهم هدرت كلشي
بصح والو كانت تحب نرفدها و كي تجي ترقد لازم ترقد في حجري و خطرات كي تكون متكسلة حدي تضربني للبطن و تقولي متجيش ختي لازم نبقى وحدي و نساعفها و نهدر معاها و تتفاهم بصح بعد مدة نفس النتيجة مترضاش و ضوكا كي راها معاها زدت هبلت معاها تحب يقولو عليها هي الشابة و اللبسة و ليجوي تحب غير ليها
صراحة أنا مقدرتش عليها و قالولي تبقى تغير من ختها حتى تكبر كيما هي
معليهش حتي لازم نصبرو و نكبروهم حنا ثان فوتوها والدينا معانا
متتقلقيش و ربي يكون فالعون

__________________________________________________ __________

>>>> الرد الثاني :

ربي يسلك وحلك ويحفضلك اولادك يا اختي الغيرة امر طبيعي بين الاولاد لازم ماتحسسيهاش باللي اختها داتلها بلاصتها لازم تبقاي مطهلين فيها اكثر برك حتان يكبرو

__________________________________________________ __________

>>>> الرد الثالث :

باركالله فيكم على الرد.....والله شي يخوف ...ربي يقدرنا

__________________________________________________ __________

>>>> الرد الرابع :

لازم تفهميها بلي هي الكبيرة هي اللي تعود تحرس اختها و تعاونك فيها و تغنيلها كي تبكي و طيش الكوشة و قبل ما تولدي اشري هدية لبنتك الكبيرة و كي يجيبهالك لسبيطار اعطيهالها قلها البيبي الصغير جابهالك خاطر يحبك وانتي اخته الكبيرة
و الله انا كنت كل يوم نحكي لبنتي على اختها كي زادت ما كانتش عدوانية معاها بصح رجعت عدوانية معانا و طباعها كلها تبدلت ربي يسلكك على خير و نبهي الناس اللي يجيوك يصقصيو سع على الكبيرة و تفادي المقارنات نتاع الشكل و خلي راجلك يعونك في الكبيرة و يرقدها معاه باه نتي تقدري تريحي

__________________________________________________ __________

>>>> الرد الخامس :

ايه ان شاء الله بارك الله فيكي اختي ام اصيل.......ربي يحفظك