عنوان الموضوع : كيفاش ندير مع طفلي في دار العائلة لتربية جيدة
مقدم من طرف منتديات العندليب

السلام عليكم و رحمة الله تعالى و بركاته
طفلي عمره عام و 7 اشهر و نسكن مع العائلة عندو وليد عمو عمره عامين و نصف و قبيح فوق ما تتصورو فوق ما راه حارمنا من النوم ليل و نهار عندو عادات سيئة و كلام سيئ و على طول يعيط و كل حاجة نشريها لوليدي يحب يديها يصرا دواس و غضب مرت العم و الجدة وليدي واش يدير يعاود من وراه حتى الاكل يرميه من فمه كنت نغلق عليه في الغرفة و ضرك يحب يخرج يلعب بعثتو عند اهلي ما صبرش عليا يرضع صدري و جديه ما عجبهمش الحال قالو راكي تفرقي بينهم قولولي كيفاش ندير مع انو وليدي كان عكسو تماما حلاص نفذ صبري و نقص وزني بزاف و راني قريب نقتل وليدي رجعت نضربو ضرب مبرح انا و باباه
سلكوني بسرعة الله يسلكم


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

نقولك حاجة وليد كى تشريلوا حاجة حطيها في غرفة نتاعك ورحى اهزى وليد اعطهولوا وياكله

__________________________________________________ __________

>>>> الرد الثاني :

سلام اختى العزيزة فكرتيني في روحي كنت اكثر منك بنت سلفي تموت غيرة من بننتي لدرجة كنت خايفا دزهالي من دروح تقتلها والحمد لله خرجو هما من الدار هدا وين رتحت انا وبنتي
مي ماتضلميش ولدك انا تاني عقدت بنتي مسكينة مي نهار الي هنانا ربي رجع كلش نرمال والحمد لللللله العاقبة ليك تخرجي ولا يخرجووووووووووووو راني حاسة بيك كنت نعيش على اعصابي

__________________________________________________ __________

>>>> الرد الثالث :

السلام عليكم ورحمة الله وبركاته ان شاء الله راكي بخير
المهم اختي ضرب طفلك في هذه السن غير مقبول والله اعلم حني عليه قد ما تقدري فانت المنبع الوحيد لذلك اتخيلي اذا انت امو وتضربيه هل تستناي من الناس تحن عليه مثلا ؟؟؟ على كل حال انا ننصحك تخلي طفلك دائما بجنبك اين ما ذهبت فهو بحاجة الى رعايتك حتى واذا كنت مشغولة قعديه قدامك وعسيه مليح
اي حاجة جيبيهالو اعطيهالو كي تكونو وحدكم فالغرفة مثلا واذا تقدري اشري كذلك للطفل الاخر
بالنسبة للطفل الاخر قولي ليماه تعسو شويا او هناك طريقة اخرى ممكن تفيدك وهي انو تجمعيهم في زوج وتقرايلهم قصة مثلا هكدا يوالفو بعضاهم والله اعلم

__________________________________________________ __________

>>>> الرد الرابع :

كان عندي نفس المشكلة انا بنتي قد بنت سلفتي واحنا ساكنين كيفكيف في طابق واحد .يالطيف المهيم انا كنت انحب بنتي تلعب مع بنتها ولكن هي العكس كانت اتقول لبنتها متدخليش لدار الناس واذا شافتها دخلت العندي تدربها وتحاوز بنتي وكانت دايما تشكي من بنتي .الوغ انا اجمعت كع القوة اديالي وخليت بنتي انسانة وحدوخرها خليتها كي تشوفهم ادور راسها ومتهدرش معاهم وهي هذاك الوقت كان عندها 2عامين ونص وفي نفس الوقت كنت نضربها اذا غلطت وخزرت برك من جيهتهم ...............على كل حال انا مننصحكش بهذا الاسلوب لاني مرت بمراحل جنون خلوني نستعمل هذي الطريقة ...............زيد اني علمت لبنتي النت والالعاب والان عندها 5 سنوات وانا الحمد لله لحد الان ماعنديش مشاكل من هذه الناحية

__________________________________________________ __________

>>>> الرد الخامس :

السلام عليكم.اختي انا ساكنة في داري وحدي والحمد لله . بنتي عام ونصف العابها دايما مرميين ما تلعبش بيهم . تحب تلعب مع الاولاد. وصرت نكثر من الدهاب لدار شيخي باش بنتي تلعب في الجنان مع اولاد اعمامها مع انها تطيح في التراب واحيانا يضربوها لكن هكدا احسن تتعلم.ربي سهدينا ويقدرنا على التربية