عنوان الموضوع : تقاليد يوم عاشوراء من قضايا حواء
مقدم من طرف منتديات العندليب

: dj_17:

مادا تفعلون يوم عاشوراء ؟





كل واحدة تقول وش دير



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

حنا نديرو كسكس باللحم وباللحم اليابس تاع العيد
ويتلمو قاع العائلة ويتعشاو كيف كيف
ولي بغا يصوم يوم 9و10 او 10 و11 من شهر محرم المهم يصوم عاشورة ونهار قبل او بعد ولي مقدرش نورمال

عاشورة مبارة عليكم وعلى قاع الامة الاسلامية
وانتم واش نديرو

وشكرا

__________________________________________________ __________

>>>> الرد الثاني :

السلام عليكم .....



احنا في قسنطينة نصوموا و نديروا العشاء كسكس و لا - الشخشوخة - و في سهرة عاشوراء عندنا حنا عادة و هي اننا نشريو المكسرات ماتعرف باسم - القشقشة -


عاشوراء مباركة على جميع الامة الاسلامية ان شاء الله

__________________________________________________ __________

>>>> الرد الثالث :

حنا عندنا نديرو الكسكس باللحم اليابس نخليوه من العيد دار كل تصوم و نديرو ليلة عاشورا الكحل في الاعين و نقطعو شوية من شعرنا باه يطوال هكدا جدودنا قالو

__________________________________________________ __________

>>>> الرد الرابع :

احنا في تنس نديرو طاجين بالدجاج وكاين لي يعمرو الدجاج بالروز

__________________________________________________ __________

>>>> الرد الخامس :

حنا في عاشوراء نديرو الرشتة باللحم
و فالليل نديرا الكحل و نقطعوا شويا من شعرنا باه يطوال تمتم
صح فطوركم

(^_^)