عنوان الموضوع : cupcake مـــــــــــــــــــالح طبق جزائري
مقدم من طرف منتديات العندليب

السلام عليكم و رحمة الله و بركاته
أمس خدمت كاب كيك مالح و كانت البنة ما شاء الله حوحو
المهم هذه الطريقة و المقادير و الصور
المقادير:
4بيضات
فنجال زيت
زوج مغارف حليب سائل
واحد خمارة
واحد قطعة جمبو دجاج
رشة سكر
مبشور قارص
فرينة
و الحشو
جلبانة مفورة
جزر مقطعة صغير و مفورة
زيتون مقطع صغير
و فرماج قطع و مراpي
الطريقة:
تخلطي البيض بالباتور مليح بعدها تضيفي الزيت و و جمبو مراpي و الخمارة و السكر و مبشور القارص و تخلطي مليح بعدها ضيفي الفرينة مش ياسر المهم توصلي يكون الخليط كيما الموسكوتشو سائل بصح مش خفيف و مش ثقيل كي تكملي ضيفي الجلبانة و الجزر و الزيتون و عمري في الكيسات تاع المادلين و قطعي
فرماج و لوحي في كل واحد و راpي من فوق شوية فرماج و حطيها في الكوشة 20 دقيقة و بصحتكم
للعلم الكيسات كنت حطيتهم فوق مولات صغار تاع المنيوم تاع مادلين












>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ما عجبكمش!!!!!!!!!

__________________________________________________ __________

>>>> الرد الثاني :

المشاركة الأصلية كتبت بواسطة نجمة ساطعة
ما عجبكمش!!!!!!!!!

لآ ابدا يهبل كيما نتي ^^

__________________________________________________ __________

>>>> الرد الثالث :

المشاركة الأصلية كتبت بواسطة ام تسنيم.
لآ ابدا يهبل كيما نتي ^^

الله يهنيك اختي ام تسنيم شكرا على التشجيع _ تحية الى أهل التعليم_

__________________________________________________ __________

>>>> الرد الرابع :

رائع كروعتك اختى شكراااااااااااااا

__________________________________________________ __________

>>>> الرد الخامس :

الله يبــــــــــــــــارك ما شــــــــــاء الله

بصــــــــحــتـــكم