من لديها عجانة كهربائية طريقة جزائرية
عنوان الموضوع : من لديها عجانة كهربائية طريقة جزائرية
مقدم من طرف منتديات العندليب
السلام عليكم ورحمة الله تعالى وبركاته
اشتريت عجانة جديدة من أجل العجين خاصة الرقاق كما نقولو حنا لبساكرة
في بعض المناطق يقولو لفطير
اريد المساعدة في طريقة العجن بها
جربت بها لكن ماعجنتليش مليح الدقيق بقى احرش
مع العلم عجانتي من نوع mega-elect ما نعرف اذا كانت لامارك مليحة هاذي اللي كتبت وفيها خلاط ومفرمة للحم
ارجو المساعدة في طريقة استعمالها .
مشكورييييين
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
عزيزتي هل حطيتي الدقيق ناشف في العجانة؟
انا نخلط كل المقادير اولا بيدي في القصعة حتى نتحصل على عجينة بدون ما نتعب روحي يعني مجرد ما نلمها بالماء و من بعد نحطها في العجانة و نخليها تعجن ببطئ و في الاخير نزيد السرعة .نتمنى تصلح معاك المرة الجاية
__________________________________________________ __________
>>>> الرد الثاني :
انا نخلط بيدي العجين ونديرو شوي ناشف ومنبعد نحط في العجانة تعجن غير بالدرجة الاولى وبشوي نزيد الماء ومنبعد نقوي السرعة بصح ماتفوتيش رقم 2 وهكى تجي روعة الله يبارك وعجانتي كانود الماركة انتاعك مانعرفهاش وحقى كيتكملي العجين مهما كان كسرة ولا رقاق خليه يرتاح شوي وانت راكي تقولي بقالك العجين حرش على خاطر ماتعجنش مليح
__________________________________________________ __________
>>>> الرد الثالث :
السلام عليكم
أولا كل شيء مبروك ...........راكي جبتي يدك اليمنى ...............
انا ثاني نعجنها بيدي في القصعة ومنباعد نحطها في العجانة وتجي معجونة bien
sinonإذا بغيتي تعجنيها direct ماتنسايش تحركي مرة على مرة العجينة من التحت parceque العجانة ماتوصلش لكل الاماكن كي يكون الدقيق ناشف............
ربي يعينك
__________________________________________________ __________
>>>> الرد الرابع :
مشكورين جدا على الردود وعلى الافادة
كما قلتي انا حسلتها يد امي اليمنى لاخاطر شريتها لأمي لكن كمعجنتش جاني احباط
رايحة نجرب و نردلكم لخبر
شكرامجددا
__________________________________________________ __________
>>>> الرد الخامس :
كيما قالو لبنات انا عندي كينوود اعجني بيدك قبل يعني بليها و ممبعد حطيها في العجانة على سرعة بطيئة و زيدي السرعة ممبعد
ما تنسايش اضافة الماء مرة على مرة
بصحتك العجانة
رد مع اقتباس
