هذا إبداعي في الخبز , و لا أحلل لأي أحد أن ينقله لأي منتدى آخر طبخ جزائري
عنوان الموضوع : هذا إبداعي في الخبز , و لا أحلل لأي أحد أن ينقله لأي منتدى آخر طبخ جزائري
مقدم من طرف منتديات العندليب
السلام عليكم و رحمة الله و بركاته
بسم الله
سامحوني على العنوان (حوحو يشكر روحه كيما تقولو) أما و الله فرحانة بإنجازي
الذي لن تجدوه في أي منتدى عربي آخر
, و لا أريده أن ينقل إلى أي مكان آخر
.
بلا إطالة ندخل للموضوع على طوووووووووووووووووووووووووووووول :
مكونات العجين :
3/4 ك حليب دافي
1/4 ك ياغرت طبيعي
م ك خميرة خبز
م ص ملح
م ص سكر
م ص كركم (اختياري للون فقط)
1/4 ك زيت نباتي
1 بيضة
من 3 إلى 3 و 1/3 ك فرينة
للدهن : أصفر بيضة, زيت, ماء
لحلان العجينة : 1/4 ك فرينة
الكوب يعادل 240 مل
و الله لترجمة الوصفة بقيت يمكن 3 أيام
الطريقة :
حطي في ماعون غارق : الحليب الدافي مع ملعقة فرينة مع الخميرة مع السكر حركيهم مليح و خليهم في مكان دافي لمدة 10 دق (راح تلاحظي بركااااااااااااان ههههههه) رد بالك .
في هذا الوقت خلطي الفرينة 3 كؤوس (و احتفظي ب 1/3 كاس) مع الملح و الكركم ثم الياغرت و البيضة و الزيت , صبي خليط الخميرة (البركان ههههههههههه) و اعجني , شوفي يمكن تحتاجي فرينة زيادة : أضيفي بالشوية من 1/3 ك اللي خليتيه قبل, حتى تتحصلي على عجينة طرية و رطبة,
ابقي اعجني فيها حتى تولي تعمل صوت فقاعات الهواء اللي فيها (الله على التفسير)
ادهنيها بالزيت و غطيها مليح بالبلاستيك في مكان دافئ لمدة ساعة,
هنا قبل التخمير :
هنا بعد ساعة :
الآن التشكيل :
قسمي العجينة على 4 متساوين ,( و خلي مقدار حبة الجوز لصنع الوردة و الأوراق)
حليهم دوائر متساوين, (يكونو قد الدائرة الصغيرة للأطباق اللي جنابهم تتنحى)
حطي فرينة في دائرة الطبق الكبيرثم حطي أول دائرة حضرتيها ادهنيها بالزيت, ثم الثانية , ادهنيها بالزيت, ثم الثالثة, ادهنيها بالزيت, و الرابعة من فوق ما تدهنيهاش. اضغطي عليهم بايديك شوية حتى يتساوى السطح و يصبحو في كبر دائرة الطبق.
حطي في الوسط أي شكل دائري حتى لا تخطئي و تقصي المكان الوسط.
خططي العجينة على 8, ثم في وسط كل جزء اعملي خط لا يصل الى الطرف الخارجي (الصورتان لمحاولة سابقة)
الآن قصي بسكينة حادة جدا. (الصورة لمحاولة سابقة)
شوفي الركنين اللي حطيت عليهم الأقلام, امسكيهم الاثنين و دخليهم من تحت و اسحبيهم لفوق من الخط الوسطي. و عاودي ابسطيهم. (الصورة لمحاولة سابقة)
كملي الأجزاء الثمانية بنفس الطريقة
و زيدي خططي الأماكن هذه بقفا سكينة أو اي شيء المهم لا يكون حاد : (الصورة لمحاولة سابقة)
في الوسط اضغطي بصوابعك حتى تعملي فراغ صغير حطي فيه أوراق ووردة, في هذه المرحلة أغلقي جوانب الطبق.
و ادهنيها ب(اصفر بيضة مع شوية ماء مع شوية زيت زيتون)
ملاحظة : حاولي تشتغلي بسرعة لأنه العجين يختمر في نفس الوقت.
شوفي الشكل اللي صنعتيه, هذا قبل التخمير
غطيه بكيس بلاستيكي لمدة ساعة , شوفيه بعد التخمير :
سخني الفرن 180 درجة (من تحت و من فوق), اطفيه من فوق و دخلي الخبزة لمدة ربع ساعة ثم ارجعي الفرن من تحت و من فوق لمدة ربع ساعة أخرى.
و هذه هي النتيجة :
ادهنيها بالزيت (اختياري) :
في الرد التالي إن شاء الله أوضح لكم كيف قدمتها
يتبع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
مرحبا بيكم مرة أخرى , هنا نكمل نوريكم طريقة تقديمي لخبزتي العزيزة (مع إنه يمكن تقديمها كما هي)
بعد فرحتي الكبيرة بالخبزة , قلت لازم نحتفلو بيها ههههههههه ( هي مش أقل من الكيكات!!!!!! صحيح و الا أنا غالطة ؟؟؟ هههههههه)
قصيتها على اثنين :
شربتهم الاثنين ( زيت زيتون و زيت التن مخلوطين)
ثم زدت شربتهم صالصة حمراء (مثل صالصة البييزا بالضبط) مفوحة بالكليل و الزعتر
زينتها بسلاطة (طماطم و فلفل و بصل مقطعين و مفوحين بالملح و زيت الزيتون)
من بعد زينتها ببطاطا و بتراف مسموطين في الماء و الملح
بيض مسموط, زيتون أخضر و أسود
و من فوق تن .
خسارة لو كان جا عندي موزاريلا راني حطيت من فوق و سخنتلها الفرن من فوق لمدة دقيقتين راهي خرجت تهبل (باقي طامعة نزيد ههههههههه)
ثم رجعت النصف اللي من فوق (نسيت نقوللكم تعملو أمارة في الخبزة قبل ما تقصوها باش ترجعوها متطابقة)
و قدمتها سندويتشات ههههههههههه
هذا في المحاولة السابقة (فاشلة نسبيا ههههه بسبب العجينة و الطبق المستعمل ) قدمتها بهذا الشكل:
إن شاء الله تكون خبزتي عجبتكم و تجربوها (موش لازم تعملوها سندويتشات هههههههه)
دعواتكم
__________________________________________________ __________
>>>> الرد الثاني :
ايه دا يا فنانة روعة والله غير تشهي يسلمو هاذوك اليديات من الان نقول عليك ملكة المعجنات
__________________________________________________ __________
>>>> الرد الثالث :
ياربي الحكاية طويلة والقصة اصبحت مثيرة وقلت انتبع النهاية وربي كبير ولقيت نهاية في القمة والمتعة تحفة وروعة بارك الله فيك في ماابدعتي وتفننتي حنونة
بيني وبينك ماتقوليش للبنات مانديرهاش انا نتقلق بلخف بصح كل مانسخف عليها نشوف تطبيقك ههههههههههههه
راح نستنى منك وصفة ساهلة وشابة كيما انت ههههههههههه
روووووووووووووووووووووووووووعة وفووووووووووووووووووووووووووووور بزاف
__________________________________________________ __________
>>>> الرد الرابع :
ابداععععععععععععععععع حقاااااااااااااا ما شاء الله
بارك الله فيك على الفن
__________________________________________________ __________
>>>> الرد الخامس :
ما شاء الله باينة هايلة يعطيك الصحة و نقول لحوس يجربها يكون تحضير مسبق فقط
وشكرا لصاحبة الوصفة انا امهم
رد مع اقتباس
