عاونوني راح نتبهدل طبخ جزائري
عنوان الموضوع : عاونوني راح نتبهدل طبخ جزائري
مقدم من طرف منتديات العندليب
سلاااام
اخواتي وحتى امهاتي حبيت تعاونوني
انا غير ماكملت قراية تخطبت يعني عمري كامل قراية والطبخ نعرف غير حجات خفيفة يعني ماشي طباخة مليحة وراني نخمم نهار نروح لداري كيفاه ندير اكيد راح نتبهدل
وخطيبي شحال من مرة يسالني ادا تعرفي طيبي نقلو لالا نحسو مايعجبوش الحال وهو عندو حق مايعجبوش بصح الله غالب
يعني منا على عامين نكون تعلمت بادن الله
وماشاء الله راني نشوف فنانات في الطبخ هنا
حبيتكم تعطوني نصائح في الطبخ طرق جديدة وباهية
مانيش عارفة اي حاجة او نصيحة تعاونوني بيها وجزاكم الله خيرا يا ربي ويعطيكم ماتتمناو
تديو اجر فيا علموني والا قولولي كيفاه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
https://www.djelfa.info/vb/showthread.php?t=1416245
شوفي هاد الموضوع مفيد جدا شرا لزهور الفل
__________________________________________________ __________
>>>> الرد الثاني :
ربي يعطيك ماتتمناي
راني شفت الصفحة 1 ماشاء اللع نصائح رائعة
__________________________________________________ __________
>>>> الرد الثالث :
يااا أختي ان شاء الله ما تتبهدلي ما والو
انا تاني كيما انتِ و اكثر ،، خاااطيني خلاص ،، صح نحب ندخل للكوزينة ،، و نجرب ،، بصح نكذب عليك نقولك تنجح الوصفة 100/100
و اذا خرجت بنينة (( الشكل مايشبه لوالو))
و مع الوقت الحمد لله ،، بديت نتعلم وصفات جديدة ،، طبخ و حلويات (( سلامة أم رامي و أم أماني ،، نتبع فيهم فالمنتدى
يعني يا حبيبتي ،، شوية شوية تتعلمي ،، غير سيي و ماتخافيش ،، و ان شاء الله يجي نهار و تشبه لماكلة العيباد ههههههههههههه (( هاذي راني نمعني عليا
موفقة حبيبتي ،، و ربي يهنيك ان شاء الله
__________________________________________________ __________
>>>> الرد الرابع :
اخنى الطبخ حب و ممارسة وحدة ماتعلمت بين نهار وليلة و زيد لقراية معندها حتى دخل انا الى تعلمتو كامل فى الفترة المتوسط و الثانوى فى العطل الصيفية انا نشد الكوزينا
__________________________________________________ __________
>>>> الرد الخامس :
اختي المرا لي متدخلش للكوزينا منسموهاش مرا ولكن حبيتي تتعلمي ديري في قلبك ونحي الخوف زيري الطابلية وشمري على دراعاتك ودخلي للكوزينة باش تتعلمي يليقلك المداومة اختي وماتكرهيش اذا ماصدقتش حاجة لا لازم تعاوديها حتى تنجح ونتي تغلبي .كل حاجا تخدميها ديريها من قلبك وعطيها وقتها متنوضيش ياله ياله وتقولي مضدقتش .نتمنى فهمتيني ونتمنالك النجاح فكل حياتك والله يكمل بلخير .تعيدي بصحة حاولي نتي لي تقومي بالكبش هاد لعام متفوتيش هاد الفرصة ربي يقدرك
رد مع اقتباس
