عنوان الموضوع : روز مندي خليجي لعيون أم كوثر من مطبخي المطبخ الجزائري
مقدم من طرف منتديات العندليب

بسم الله الرحمان الرحيم


السلام عليكم يا رواد منتديات العندليب قسم الطبخ

اليوم جبتلكم أكله خليجية ولاكن أصلها هندي .وهدا بطلب من الغالية العزيزة أم كوثر .هاقد وعدت وأوفيت وعقبال أكلات أخرى .إنتضريني فقط

نبداو على بركت الله

المقادير : كالآتي أنا نسعملت مقدار تاع نفرين فقط : روز بسمتي هندي أبو حبه طويلة .هو لمخير وهو متوفر الأن في الجزائر .ولي ملقاش تستعمل الموجود بصح مانضمنلهاش نتيجة كيما تع البسمتي .لأني كنت نعملوا بالعادي وماكنش يجيني كيما تع البسمتي
أنا إستعملة نصف كأس كبير بصح الوكال ممكن كاس إلا ربع

دجاج أو لحم ولاكن الأحسن أكثر دجاج .نصف حبه بصل مقطعة شرائح . زيت أو زبدة
توابل الرز ( هيل حب . فلفل أسود حب .قرنفل حب . عود قرفة صغير . زنجبيل .حبه لومي لي هي ليمونة جاف )

توابل الدجاج ( كمون مطحون .فلفل أحمر حار . طماطم مصبرة . ليمون .وثوم مطحون أو بدرة الثوم .كركم )



الطريقة : في قدر نحط الزبدة أو الزيت ونحط معاها التوابل الحب كلها (فلفل أسود وقرفة وهيل ولومي وقرنفل .) نحركوهم شوية في الزيت حتى تحسي بريحة التوابل طلعت .ضيفيلهم البصل المقطع شرائح . والدجاج .ونخليهم يتقلاو مليح على نار هادئة



وبعدين كي يدبل البصل مليح نضيف مقدار من الماء الساخن . والقليل من الزنجبيل ونخليوا الدجاج يطيب



في تلك اللحظة نسخن ماء ونحط الروز نتاعي يتنقع في الماء الحار .مانغليهش .نخليه يتنفخ شوية فقط .ثم نصفيه مثل هده الصورة



بعدما يطيب الدجاج .نصفوه ونخليوه يبرد .نجيبوا صحن فرن وندهنوه ونحطوا فيه الأرز + مرق الدجاج المصفى . أنا كيلة زوج كيسان روز بعدما نقعتوا في الماء بكأس ونصف مرق وكي تشوفيه نشف تقدري تزيديلوا .يكون ناقص أحسن من الزائد .باش حبتوا تقعد حاكمة روحها



بعدين نغطيوا الصحن بورق الألمنيوم .ونعملوا فيه ثقوب صغيرة بالإبرة حتى الروز يقدر يتنفس ثم ندخلوه للفور ونخليوه يطيب ويتشرب كل المرق .حتى ينشف .




نخليو الروز يطيب ونروحوا لتحمير الدجاج

أولا نخدموا الدرسه تاع الدجاج (كمون + فلفل حار أحمر + كركم +ثوم + ليمون + ملح + طماطم علب + قليل جدا من زيت الزيتون )

نخلطها مليح ونتبل بيها الدجاج .ثم ندخلها للفور ونحمرها فقط . لأنها طيبة من قبل






نروحوا لحاجة الثانية وهي تحمير البصل في قليل من الزبدة وكي تدبل نضيفلها القليل من السكر بش نكرملها .حتى تعطيني اللون البني الجميل

ثم نستعملوها في تزين صحن الأرز في الأخير



وهده بعدما طاب الروز وتحمر الدجاج




إن شاء الله يكون الشرح واضح وتعجبكم الوصفة .سموا بسم الله وتفضلوا تتغداوا معي




هنا في الخليج يكلوا أوراق الجرجير مع الأروز تعطيه نكهة رائعة ويفتح الشهية هو والبصل .ويحطوا معاه عصير الطماطم بالفلفل الحار .لي مايحبوش ناشف يضيف الطماطم أو سلطة الخيار والطماطم تكون مقطعة قطع صغيرة .وفي الأخير يشربوا لبن نسيت ماحطتش اللبن


ملاحظة .نسيت ماقلتهاش

بعدما نخرج الروز من الفرن نعملوا حفرة ونحط في وسطه كأس قابل للحرارة أو أي حجة قابلة للحرارة ونحطوا فيها زيت حار جدا ثم فحمة صغيرة .ونرجعوا نغطيوا الصحن بالورق الألمنيوم ونخليو ريحة الفحم تنتشر في الصح

تحسي راكي تكلي روز مجمر على الفحم .وهدا سر بنته .

هده الصورة رفدتها من النات .نسيت أنا مصورتش هده المرحلة





بصحة وعافية


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة

__________________________________________________ __________

>>>> الرد الثاني :

مممممممممممممممممممممممممم يعطيك الصحة

__________________________________________________ __________

>>>> الرد الثالث :

يعطيك الصحة اختي يشهي كيديريلو الفحم حسيت دوقو كيما المندي احنا نطيبو الانواع هدو بزاف بصح اللومي معنديش من قبل كيرحت لسوريا جبت كمية مليحة وجبت بهارات الارز ودك خلاصلي انتي من وين شريتيه اختي؟؟؟

__________________________________________________ __________

>>>> الرد الرابع :

يعطيك الصحه يهبل

__________________________________________________ __________

>>>> الرد الخامس :

هاااااااااااااااااااااااااايل بصحتكم