المحاجب بطريقتي خطوة خطوة بالصور المفصلة لكن أخواتي المطبخ الجزائري
عنوان الموضوع : المحاجب بطريقتي خطوة خطوة بالصور المفصلة لكن أخواتي المطبخ الجزائري
مقدم من طرف منتديات العندليب
السلام عليكم
واش راكم يابنات بلادي وواش راهي البلاد إن شاء الله في أحسن الأحوال
اليوم جبتلكم تشوفو طريقتي في صنع المحاجب أو المحجوبة أو المختومة و هي طريقة أمي العزيزة ملي حليت عينيا وهي درهانا هكذا مابدلتهاش أبدا لحد الآن أدعولها بالشفاء هي و أم أم ماجد و كل أمهات المسلمين ولكم بالمثل إن شاء الله
طبعا المقادير معروفة
العجين :سميد + ملح+ماء + عجن جيد
الحشو : بصل قطعتو على اللوح بالسكين لتفادي المرارة + ثوم + فلفل مقطع +طماطم مرحية + حب +كسبر + التوابل + الشحم أنا درت الزيت زوجي مايحبهاش و زدت لحم مرحي إختياري
و الطريقة موضحة بالصور :
طريقتي أني نقسم عدد كرات العجين على 2 هذيك الكبيرة تاع إبني نديرهالو شخشوخة هههه
نطيب النصف الأول شواط فوق بعضاه كما موضح هنا يعني نلوح وحدة و نقلب و نزيد نلوح فوقها و هكذا حتى نخلص الجزء الأول من العجين
ممبعد نبدأ نحل من الجزء الثاني و الصور توضح
نحط فوق العجين شواطة طايبة أي الرقاق و نضع كمية الحشو و نغلق ثم نغلق عليها العجين و نطيبها لاحظو كيفاش
ما نحكلكمش كيفاش يجو هاااايلين و مقرمشين من برا و الحشو لذيذ ممممممم رائعين بشهادة الناس لي ذاقوهم و زيد ساهلين و مايعيوش في الطياب و يحمروا الوجه قدام الضيوف و يشبعوا
إن شاء الله تجربوهم و يعجبوكم و أي سؤال أنا في الخدمة
أدعوا لوالدي لأنه في المستشفى يعالج
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
يعطيك الصحة.....يشهيو ...
__________________________________________________ __________
>>>> الرد الثاني :
ماشاء الله يعطيك الصحة
ورب يشفيلك الوالدة ويطول في عمرها اختي
__________________________________________________ __________
>>>> الرد الثالث :
جاوك روعة امممو صراحة موضوع يستاهل التثبيت وان شاالله يشفى والدك ويولي بصحتو آميين
__________________________________________________ __________
>>>> الرد الرابع :
ما شاء الله تبان بنييينة ...بارك الله فيك .... بالشفاء العاجل للام الكريمة ولام ام ماجد ولكل امهات المسلمين المرضى .....يارب
__________________________________________________ __________
>>>> الرد الخامس :
بارك الله فيك ويعطيك الصحة انت ووالديك الله يحفضهم
رد مع اقتباس
