عنوان الموضوع : اللحم محمر امممممممم وبالفحم طبخ جزائري
مقدم من طرف منتديات العندليب

السلام عليكم جبتلكم اليوم طريقتي في تحمير اللحم هايلة
المقادير
قطع لحم غنمي حسب افراد العائلة انا كثرت شوية هههههههههه
5 سنينات ثوم مسكرفجين
1/2 حبة قارص
1 م ص توابل الشاورما
ملح وفلفل اسود
4م ك زيت باش تلصق التتبيلة
1 ياورت طبيعي انا نستعمل صومام
قطعة فحم متوسطة

نخلط مقادير التتبيلة ونفرغها على اللحم ونغطيها بفيلم اليمنتار وندخلها للثلاجة ليلة كاملة انا درنو البارح وطيبتو اليوم للفطور



وفى الغد ندخلها لفرن200 درجة بلا ما نغطيه حتى يولي يغلي مليح نخرجو ونضيفلو 1 م ص موتارد+1/2 م ص توابل الشاورما+1م ص ملح+1 كاس ماء نخلطهم مليح بفرشيطة ونفرغهم على اللحم ونغطيه بالالمنيوم ونرجعوا للفرن حتى يطيب نحيلو الالمنيوم ونخليه يتحمر وفي هذا الوت نقي البطاطا ونقطعها دوائر ونقليها بصح كي يطيب اللحم



كي يطيب اللحم نخرجوا ونستف معاه البطاطا المقلية وهنا تبدا خدمت البنة اللي تسحر هههههههههههه
نحكمو قطعة من ورق الالمنيوم ونخدمها كيما العش ونكون درت ب15 دقيقة الفحمة على النار ونخليها تشعل مليح ونكون مغلفة الصينية على جهة بالالمنيوم اللي كنا مغطين بيها من قبل ثم نحط هداك الفحمة فى العش ونفرغ شوية فقط زيت يبدا يطلع الدخان غير تفرغي غمي مليح باش ما يخرجش الدخان يبنن اللحم والبطاطا بريحة الفحم اممممممممممممممممم ذوق والله العظيم احسن الف مرة من الشوى تاع برا لي جي فيه بنة البنزين فى اغلب الاحيان
وكي تبدا الريحة تطلع ما نقولكش الحومة كامل تحسبك حليتي شواي ههههههههههههههههه





هذي الصورة تاع الفحمة كي خرجت كامل دخاخنها


الحمد لله راني كملت كامل الصور علبالي كترت بزاف بصح معليش هههههههههههه
ملاحظة بالنسبة لتوابل الشاورما خدمتهم فى الدار شريت كل التوابل حب وطحنتهم باش جي ريحتهم قاوية وهايلة مكوناتها هي 1 م ك كمون+1 م ك قصبر يايس+ 1 م ك ثوم ناشف+1/2 م ك عكري حلو+ 1م ص كركم+1 م ص فلفل اسود+1م ص زنجبيل ناشف مرحي+1/2 م ص قرنفل مرحي +1/2 م ص فلفل ابيض +1/2 م ص قرفة تخلط كامل مع بعض وتوضع فى بلارة انا نضاعف الكمية وهذي الطريقة لقيتها فى النت
نتمنى تعجبكم وصفة اللحم المحمر وجربوها واكيد انكم ما تولش تصبروا عليها
نسيت البطاطا سقوها شوية بواش قعد من المرقة عند التقديم
الحمد لله والسلام عليكم ورحمة الله وبركاته
صح رمضانكم كل عام وانتم الى الله اقرب


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اول المعلقات هايل ما شاء الله

__________________________________________________ __________

>>>> الرد الثاني :

اول المعلقات ماشاء الله هايل يعطيك الصحة

__________________________________________________ __________

>>>> الرد الثالث :

ماشاء الله يعطيك الصحة

__________________________________________________ __________

>>>> الرد الرابع :

شكرا جزيلاااااااااااااا والله غير فورررررررررررررر

__________________________________________________ __________

>>>> الرد الخامس :

ya3tiiiiik saha wallah nafss tarikati fi tahdir
w nzid nakad beli tokhraj bninaaaaaa bezaffffff
chokrane ala wasfa habibati fi intidare el mazid