عنوان الموضوع : روز جربي : روز تونسي بالدجاج و الخضار
مقدم من طرف منتديات العندليب

السلام عليكم و رحمة الله و بركاته

بسم الله



اليوم وصفة جديدة عليكم : أرز (روز) جربي , تونسي , بالخضر و الدجاج. إن شاء الله يعجبكم و تجربوه, هو صحي جدا جدا و بنين برشة.

ملاحظة : الكمية هنا كبيرة, تقدرو تقسمو كل المكونات للنصف. و تقدرو تتصرفو في المكونات حسب الموجود عندكم. و اللي عندو لحم علوش و كبدة يكون أفضل من الدجاج.



المكونات : ربطة سلق, ربطة معدنوس, ربطة شبت, ربطة بصل أخضر, خضار : بطاطا, لفت, جزر, حمص منقوع, لفت. (ورقتين رند للمرحلة الأخيرة)




أغسليهم و قطعي الخضار مكعبات, و الأوراق قصيهم رقاق و حطيهم في قصعة كبيرة





بقية المكونات : من 500 ل 600 غ روز شايح موش مغسول. 3 صدور دجاج مقطعين, من 2 إلى 3 م ك طماطم معجونة, 2 م ص فلفل أحمر, 1 م ص فلفل أسود, 2 م ص قرفة مرحية, 1 م ص كزبر و كروية مرحين, 1 م ص كركم, نصف كاس نعناع شايح, 2 فناجن زيت زيتونة, 2 م ص ملح أو حسب الذوق.






قبل ما تزيدي ورقتين الرند, أعجني كل المكونات بيدك مدة 5 دق حتى يتجانس الخليط (أعجني بكل قوة ما ترحميش ههههه)

و بعد حطي ورقتين الرند




حطي الخليط في الكسكاس و عبي المقفول من تحت بالماء مع 2 اعواد قرفة, حطيه على النار يفور مدة نصف ساعة و هبطيه في القصعة حركيه شوية و بعد رجعيه يفور مرة أخرى.





لما يطيب الرز تكون هذه النتيجة





و صحة و بالشفاء , نتمنى تجربوه .


ملاحظات أخرى : بالنسبة للي تجربو و تلقاه خذا وقت طويل في الطياب , في مرة أخرى تزيد من كمية السلق (لأنه أنواع الروز تفرق, يمكن النوع اللي عندها يشرب أكثر)

بالنسبة للي ما عندهاش نعناع شايح تقدر تعوضو بأوراق النعناع الاخضر و تقطعو مع الخضر الاخرين

اللي ما تحبش القرفة تقدر تستغنى عليها.

اللي نجحت فيه 100% نتمنى انها تجربوالمرة الجاية بلحم العلوش و الكبدة





>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

شكرا لك و جزاك الله خيرا


__________________________________________________ __________

>>>> الرد الثاني :

هايل يعطيك الصحة

__________________________________________________ __________

>>>> الرد الثالث :

يعطيك الصحة هايل الله يبارك بصح نسقسيك مانديرولوش قع الما كي نهبطوه في القصعة؟ وشحال من مرة نفوروه

__________________________________________________ __________

>>>> الرد الرابع :

ما شاء الله وصفة هايلة سلمت يداك

__________________________________________________ __________

>>>> الرد الخامس :

الحمد لله على سلامتك هذي غيبة نورتي منتدى ويعطيك الصحة على روز وهذي طريقة
ورتهالي طفلتي متزوجة في تونس فعلا لذيذة لكن نفورها حتى طيب نص طياب نحطها في الجفنة
نزيدلها قليلا من ماء نضوقها نعدلها في ملح وحرور وشيئ نقصها نزيدلها نعود نرجعها تفور تكمل طيابها
مرة اخرى شكرا