عنوان الموضوع : غراتان جلبانة وبطاطا بنة وسهولة....... من مطبخي
مقدم من طرف منتديات العندليب

رمضانكن كريم اخواتي الحبيبات كل عام وانتن الى الله اقرب

تقبل الله منا ومنكن الصيام والقيام وجعلنا من عباده المتقين الصالحين

غراتان خفيف مناسب لموائدنا الرمضانية يتقدم كمقبلة اذا كان ناشف او طبق رئيسي او جانبي اذا رافقتيه بالمرق
نحضرو مرق ابيض بالجلبانة وصدر دجاج او اي اطراف تفضليها في الدجاجة:زيت+بصل+ثوم+صدر نقلو مليح نفوحو :ملح +فلفل اكحل +كسبر كركم نضيفو الجلبانة ونمرقو وkخليوها حتى يطيب الدجاج وينقص المرق
نصفيو الجلبانة والدجاج ونبداو طبقات الغراتان

نسلو اللحم من العظم (واذاكان صدر نقطعوه) نضيفولو زيتون اخضر وشوية معنوس او دبشة+بطاطا مكعبات مقلية+الجلبانة الطايبة

في مول مدهون زبدة نحطو على التوالى :جلبانة ،خليط اللحم والزيتون والمعدنوس(وممكن تزيدو فرماج مثلثات او مربعات يجي هايل) واخيرا البطاطا



ناخذو louche من المرق اللي طابت فيه الجلبانة نزيدولو5 بيضات ،ملح وفلفل اكحل ونضربو بالفرشيطة ونصبوه في المول
ثم الى فرن مسخن



بعدما ينشف الغراتان نخرجوه ونزيدولو فورماج رابي ونرجعوه للفرن ونطفيو راح يذوب مباشرة


بعدما يبرد قطعي الغراتان بالشكل اللي تحبيه وقدميه ناشف كمقبلة رفقة مخللات مثلا


او مرفق بالمرق الابيض مع جزء من الدجاج يكون محمر وشرائح الليمون


لاتنسوني من صالح دعائكن اخواتي ربي يبارك فيكن

هنيئا لكن الافطار




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

ما شاء الله طبق يشهي بصحتكم اختي صح فطورك و رمضان كريم

__________________________________________________ __________

>>>> الرد الثاني :

وااااااااااااااااااااااااااااو هااايل حبيبتي طبق يشهي اعطيك الصحة

__________________________________________________ __________

>>>> الرد الثالث :

يعطيك الصحة هاااااااااايل


__________________________________________________ __________

>>>> الرد الرابع :

واو روعة أختي يعطيك الصحة

__________________________________________________ __________

>>>> الرد الخامس :

رائع

بارك الله فيك