عنوان الموضوع : الحريرة تاعي من طبخي
مقدم من طرف منتديات العندليب

بسم الله الرحمان الرحيم
اولا هاد الحريره درتها للاخت الي طلبتني ام ابراهيم واحده اخرى نسيت اسمها تعذرني
قررت نديرها موضوع
مقادير وطريقة التحضير
لحم الي عندك انا درت دجاج طرف -2جزر-2طماطم-2بطاطة صغيره-1لفت-كمشة حمص مشمخ مغسول
بصلة -ملعقة كبيرة طماطم علب - التوابل كاين راس الحانوت تاع الحريرة
والي ما عندهاش دير
قسبر مرحي -كمون -قرويه - فلفل اكحل- شوي قرفه - زعفران شوي زريعه البسباس مع حبة حلاوة ادا كاين
انا مرات نديرهم يعطو طعم -فلفل حار اخضر -قسبر اخضر -سنات ثوم -وحده جمبو دجاج
نقلي كل شيئ مع شوي زيت ومن بعد نسقي بالما حتى نعمر الكوكط
نخليها طيب تقريبا نصف ساعة حتى 45د
ونفتحها ونطحن الخضار ما عاد الحمص راه يثقلها
ونرجعها على النار ونضيف تشيشه تاع الشعير وادا مكانش ندير الفرينة
انا نفضل تشيشه
درت 3ملاعق كبار ونغسلها ونحطها فيها تغلي
ونوجد ثوم وقسبر دبشه وندقهم مع وحده شومبو تاع دجاج
وكي تغلي الحريرة نرميهم معاهم وحده فلفل حار اخضر
ونغليها طيب حتى تعقد ادا شفتيها ما عقدتش وتشيشه طابت زيدي شوي فرينه حليها في ماء






هنا كي طابت






هاهي تشيشه تاع الشعير 3معالق كبار ونغسلها







هنا راني دقيت الثوم وجومبو والقسبر




هاهي حريرتي واجده نتمنى تعجبكم وتجربوها




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بارك الله فيك

__________________________________________________ __________

>>>> الرد الثاني :

بارك الله فيك.
انا متتبعة دائمة لوصفاتك يعطيك الصحة

__________________________________________________ __________

>>>> الرد الثالث :

امممممممممممم امنياتي باينة بنينة يعطيك الصحة حنا مانديرهاش نديرو غير شوبة الفريك ولا نتاع الفرميسيال

__________________________________________________ __________

>>>> الرد الرابع :

بارك الله فيك على المجهودات المبدولة دمت متالقة كالعادة

__________________________________________________ __________

>>>> الرد الخامس :

بارك الله فيك