عنوان الموضوع : تاهلنا للدور النهائي BaC للثانية ثانوي
مقدم من طرف منتديات العندليب

oOرانا رايحييين للباك و لازم ما نطلعوش ناقصين و نتمناو ان كل النقاط لي خسرناها هاد العام ما نخسروهاش في الباك و لهاذا لازم نبداو بسد الثغور و النواقص
-يعني واش ما فهمناهش
-واش ما استوعبناهش
-واش نسيناه
- في اي مادة عدنا مشاكل
-المنهجية في كتابة الفقرات
-الطريقة لتساعد في الدروس
--الغات و خاصة الفرنسية حذاري المواد الثانوية تجيب التقدير و تعوض الاساسية
-الفرنسية مهمة في الباك ..الحياة في الجزائر و للاسف.....الجامعة
و هذا يبقئ راي و نتوما شاركونا ارائكم و ردود الشكرو غيرها نفهمها وحدي كي تبداو المشاركات باه ما نهدروش كلام غارغ نبداوها صح و شكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بسم الله و على بركة الله

=========


>>>> الرد الثاني :

السلام عليكم ختي
ربي يوفقنا العام الجاي إن شاء الله
لازم نبداو من درك كيما قلتي في سد الثغور
أناوحدة من الناس مانيش فاهمة الفيزيك مليح ععععع تقري تقولي كلش انا والفيزيك مانتفاهموش ههههه
وفالرياضيات ناقصة شوية فالمتتالية بالرم أنو الناس تبانلهم ساهلين مي انا ماقدرتش نفهم القوانين وكلش كي نجي نطبق مانعرفش والجداء السلمي عقبتلنا الشيخة تجري فيه تاني مانيش فاهمتو مليح
لازم فالعطلة هادي نحاول نصحح الاخطاء الي فيا
وربي يوفقنا

=========


>>>> الرد الثالث :

أنا راني خااااااايفة لأننا ما كملناش البرنامج في جميع المواد
ربي يجيب الخير

=========


>>>> الرد الرابع :

مشكوورين اختي هذا واش حبيت نقصدوا حنا اخوة و نتفاهموا يا الله درك نجيبلك الدروس تاع المتتاليات و نفهمهالك
-نبدى بالعددية و لا الهندسية؟

=========


>>>> الرد الخامس :

يعطيك الصحة ختييي وبارك الله فيك
نبداو بالعددية ونكملو ^^

=========


بسم الله المتتاليات شيئ ساااهل بزاف و هس أسهل الدروس في الرياضيات أنا أكيد ما راحش نمدلك الدرس لأنوا في كراسك و لكني نمدلك تمرين و نفهمك كيفاش يكون الحل ديالوا هكذا نفهم أنا نقرا الدرس ملييح و نفهم ونكتب اهم القوانين في ورقة و نخبيها باه نراجع اللخص منها:
واش لازم تعرفي فالمتتالية (اقراي الدرس ) و لديك:
-لنكن ( Un) أو ( Vn ) أو(nW) متتالية عددية معرفة على ℕ
-يعني المتتاليات تكون دايما بين قوسين و الحد العام يكون بلا قوسين و المتتاليات تتعرف دايما على ℕ و مش ℝ لان الاعداد في المتتاليات تكون طبيعية
نكمل والمتتالية معرفة كما يلي (Un=(n+1)/(n+2
-احسب U₀ ، U₁ ، U₂ ، U₃
*هنا لازم نعوض0-1-2-3 فيn الموجود في التتالية اعتبي هاد الممتالية و كأنها دالة و اعتبري n هو x و عوضي كيما تحسبي الصورة
هاكذا ديري CodeCogsEqn.gif
وشكرا


أختي قةليلي اذا فهمتي و لا لا باش نعاود نفهمك و لا نكمل الدرس معاك؟؟؟؟ رد بلييز؟

بارك الله فيك ختي
فهمت عليك
كمليلي مشكوووورة ^^

بالبركة...
انتم السابقون ونحن اللاحقون

بـآلتوفيق ليكم ..العام الجاي احنا نكون في هذا الوقت في نفس وقفكم



تلميذة 1 ثآنوي

أنا عندي مشكلة في النهايات ,الزوايا الموجهة و الجداء السلمي نتمنى تعاونوني please