عنوان الموضوع : علامـــاتي كارثيــة
مقدم من طرف منتديات العندليب

السلام عليكم ورحمة الله وبركاته

عساكم بخيـر جميــعا

تخيلوا ان كل علاماتي جلها تحت المعدل
خاصـة الرياضيات والفيزياء .. والامر المقلق
هو اني فـي شعبة الرياضيات التي ينبغي ان تكون
علامتي الرياضيات والفيزياء عالية جدا نظرا للمعاملات

حيرانة كثيرا فـي امري .. وافكر بتغيير الشعبة بحلول الفصل الثاني
بإذن الله تعالى ..
كنت نجييييبــة ولله الحمد
لكن انقلبت رأسا على عقب وكأني لست انا اطلآآآآاقا ..
كنت لا اتحصل ابدا على علامة تحت المعدل
واصبحت اتحصل على تحت تحت تحت المعدل والله المستعان


هل هو امر عادي وسأتقلم ؟ ام فعلا يجب ان اغيـر الشعبة كي
انتظم واعيد نشاطي مثل قبل .. ؟؟؟ واش رايكم ؟



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله اختي رانا كيفكيف مام انا كنت نجيب معدل 18 العام هادا راني من 15ماطلعتش ماشي مشكل تع شعبة خطكش انا علوم تجريبية
بصح نورمال مانيش خايفة الاختبارات نعوض ان شاء الله والفصل الثاني يكون احسن نكونو تاقلمنا اكثر على الطريقة
من راي ما تبدليش الشعبة خطكش زي بعضهم اكل وحنا علوم تجريبية خالية علينا وتقني مساكن اكثر المهم لا تستسلمي واقراي ابرك

=========


>>>> الرد الثاني :

رانا كامل كيفكيف اختي ولكن نسيوو نبدلو مخهود باش نخدمو مليح في الاختبارات ونعوضوها
واما كلامك عن تغيير الشعبة فهدا محال فلا يمكنك تغيير شعبتك الا في بداية الفصل الاول
ربي يكون معانا ومعاكم

=========


>>>> الرد الثالث :

رانا كامل كيفك ختي في الإختبارات نعوضو هاد النقاط خاطرش اللي يهم هو الإختبار ماشي الفرض

=========


>>>> الرد الرابع :

انصحك بعدم تغيير الشعبة رانا كامل ماناش خادمين في الفروض الختبارات هما لي فيهم الفايدة ان شاء الله نخدمو فيهم مليح و نعوضو نقاط الفروض
بالتوفيييييق للجميع

=========


>>>> الرد الخامس :

ماتبدليش الشعبة
مزالكم تحوسو تديو مليح ،الصـح او فلباك دركا اقراي مليح كوني روحـك

ps: رآنا كآمل كيف كيف نقآطنا تبهدل


=========


لا تغيري الشعبة نصيحة مني وحاولي استدارك ذلك مزالك في البداية ومتنسايش بلي اصعب شيء البداية === رانا كااامل كيف كيف ====


أهلا بـــــ إيمان
أنصحك بعدم تغيير الشعبة فهدا خطأ قاتل
يجب المواصلة و لكل حصان كبوة ولكل عالم هفوة
لاتيإس فلا شيئ يدعوا لدلك يمكنك التعويض في الإمتحان
أنا متلك نفس الشعبة واعاني من نفس المشاكل .....
المهم بالتوفيق لك ......
وجهزي نفسك للضربة القاضية في الإمتحان

يا أختي رانا كامل كيفكيف
علاماتنـآ كارثية
لكن لا انصحك بتغيير الشعبة
ان شاء الله تقدري تعوضي في الاختبارات

اختي اقول لك انت اتخذي الاسباب ببذل مجهودات
وترك كل شيء على الله و ليكن ايمانك بالله كبير

راناااااااااااااااااااا كامل كيفك غير ما تتقلقيش
انا كنت نجيب معدلي 18 وراني دوكا نجيب معدلي 11
شوفي الفرق شحال راه كبيييييييييييير انا تاني تقلقت في دوبو مي والفت هاد الشئ


رانا كامل كيف كيف انا نقاطي اكثر من كارثية

لم اتخيل يوما ان اصل الى هذا المستوى

فكرت نبدل الشعبة ونروح لتقني الاساتذة الي عندهم قمة

مبصح تراجعت على الفكرة


سلآم ! انا شعبة رياضيات
العام لي فات كنت المعدل 17

هاذ العام ... ماراهوش يبشر

الصح الاختبار + البآكـــ

سلام

كلنا في الهوا سوا
زعما انا . مالفة من 17 ما نهبطش في اي مادة
السنة جبت 12 و في العلوم لي معاملها 6 و الله ما فهمت ؟
و خلي الكوارث لخرى تقول لعنة طاحت عليا
المهم اللهم لك الحمد كما ينبغي لجلال وجهك و عظيم سلطانك
انشالله نعوظو في الجاي و الله المستعان

رانا كامل كيفكيف مازالو الاختبارات و العبرة في الخواتيم ختي