عنوان الموضوع : عطلة قبل الأوان عندنا صدقوا أو لا تصدقوا
مقدم من طرف منتديات العندليب

صباح الخير اخوتي
وش نحكيلكم وش نخلي بينما انتم اليوم راكم تعقبوا في امتحانات الفصل الاول
حنا دينا عطلة غير محدددة وقابلة للتمديد في اي لحظة
علابالي مافهمتو فيها والو ا القصة ومافيها انه في ثانويتنا ضاربو زوج مناطق عروشية وبالطبع انا انتمي لاحداهما
صارت معركة فالثانوية كيما تع باب الحارة وعلى مر التاريخ وحنا نضاربو بش تعرفوا مدى التخلف الذي نعيشه
واخنا مناش نروحو خطكش تحلفو منا ينتقموا وقالونا ماجيوش عندنا زعما تع بيانهم بصح عندهم الحق الاكتظاظ بزاف وتاعنا محبوش يحلو الثانوية
المهم باركولي على العطلة مدتها الرسمية 15يوم بانتظار التمديد
وادعيو يزربو يفتحولنا الثانوية تاعنا
بالتوفيق لكم فالاختبارات


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اقراي على روحك في الدار غير التلاميد لي يخلصوها

=========


>>>> الرد الثاني :

مطفرة غي في التلميـــذ ،،

حاولي تقراي فالدار من الكتب و النت و ان شاءء الله تلقاو حل

=========


>>>> الرد الثالث :

السلام عليكم..مؤسف للغاية ما يحدث في ثانويتك اختي ...لكن حاولي تدرسي وحدك او مع زميلاتك ...او النت....اتمنالك التوفيق

=========


>>>> الرد الرابع :

استغلي الوقت الحالي و حضري نفسك
و اذا فاتك اي شيئ في الدراسة حوالي تعوضيه
و ربي يصلح أحوالكم

=========


>>>> الرد الخامس :

والله غير عندكم الزهر هاكدا تراجعوا للإختبارات براحتكم بدون ضغط
ولكن المهم أقراي في الدار و راجعي مليييح

=========


كاين شيئ يسمونه شرطة !
لماذا لم يتدخلوا ا في الامر


هل معقول مازال في وقتنا صراع بين الاعراش وان كان كذلك فاين كباركم لتهدئة الوضع اين المسؤول في منطقتكم اين الشرطة ؟؟؟ هذا اعتبره فكر تخلف وسبب في اننا مازلنا في مرتبة البلدان النامية

ههههههه نفس الشي صرا في مناطق جوارنا وبعثولنا طلبة ثانوية احد المنطقتين واحنا رانا في اكتظاظ و التحقوا مأخرا وطفرت في تلاميد مالا غير اجري على صلاحك