عنوان الموضوع : يا ناس الخير وين ررررررررررراكممم ؟؟ للثانية ثانوي
مقدم من طرف منتديات العندليب

السلام عليكم خاوتي ...

الله يحفضكم ان شاء الله يا خاوتي ماكان غيركم الي يساعدني .. الوسيط تلاقيتو في بزاف تمارين و مفهمتوش ؟؟

و اذا ممكن تعاونوني في فهم المرجح معلبليش وعلاش مفهمتوش .......... !!!

اذا تقدروا تعطولي تمارين مع الحلول نفهم أكثر ... اختبار الرياضيات بالاثنين ..

بانتظار ردودكم

في أمان الله




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

واش مزلتوا مدرتوش الاختبار

=========


>>>> الرد الثاني :

مازال يا أختي حتى للثلاثاء باش نكملو و على حسب ما راني نشوف محبوش يفهموني كامل و أكيد المرجح رايح يكون من أسئلة الاختبار

معليش ادعولي

=========


>>>> الرد الثالث :

واش حاولتي فالتمارين انتاع الكتاب المدرسي

=========


>>>> الرد الرابع :

اممم واش مافهمتيش من المرجح؟؟؟؟{حنا ادينا العطلة....{}



وديري تمارين الكتاب أفضل.............
+
تحبي نعطيلك مواضيع فيها المرجح والمعادلات............

=========


>>>> الرد الخامس :

أختي بالنسبة للمرجح افضل حل تمارين الكتاب وبالنسبة للدرس لازم تفهميه يعني عاودي الامثلة لدرتوهم في القسم
بالنسبة للوسيط مقريناهش ولوكان تحبي نخدم معاك تمارين الكتاب تع المرجح بح تفهمي لوكان تواجدنا في نفس الوقت

=========


شكرا لكم يا خاوتي .. لأن أنا مكنتش فاهمة الدرس معرفتش نحل التمارين و لكن بحثت أكثر نظن أنني فهمته الحمد لله ... و مع الأسف مبقليش وقت نحل التمارين بزاف و بالنسبة للوسيط كثرة التلاميذ مدروهش ... ان شاء الله ميكونش عليه سؤال في الاختبار

عطلة سعيدة هههه


و لكن عندي سؤال فيما يخص التمرين 67 ص 199 تعيين المجموعة e1 .......... من فضلكم فهموني في السؤال !!!

سلآم...

مرتبطان خطيا معناه متوازيان
ومنه نكتب:
3MG=AB
MG=1/3AB
ومنه:
مجموعة النقط E1هي النقط التي تنتمي إلى المستقيم المعامد لـABعند النقطة 1/3
{أنا جاتني هكذا......زيدي تأكدي منها}



وبالنسبة للوسيط mème حنا درنا عليه مثال واحد فقط ومازدناش هدرنا عليه وفي الاختبار دارتولنا


مثلا إذا مدولك عبارة كثير حدود من الدرجة الثانية مثلا وقالك أوجد قيم mحتى يكون كثير الحدود من الدرجة الثانية شوفي انت لمعامل اكبر أس إذا كان من الدرجة 2 حليه على أنو لا يساوي الصفر تصيبي مجموعة قيم mوإذا كان من الدرجة 3مثلا حليه على أنو يساوي 0وحلي تع الدرجة 2 لايساوي الصفر

..نتمنى فهمتي عليا...............

+
حنا في الاختبار عطاتلنا مجموعة معادلات فيها الوسيط mوقالتلنا أوجد عدد حلول المعادلات حسب قيم m.........تحسبي دالتا وتشوفي لـmموجب أو سالب وتستنتجي إشارة دالتا حسب mوعلى هذا الأساس تعرفي شحال حلول المعادلة


بالتوفيق.....{أنا راني نراجع مات أي سؤال قوليلي تنتاقشو فيه}

بالتوفيق لـك
مع تمنياتي لك بالنجاح


المشاركة الأصلية كتبت بواسطة live & believe
سلآم...

مرتبطان خطيا معناه متوازيان
ومنه نكتب:
3MG=AB
MG=1/3AB
ومنه:
مجموعة النقط E1هي النقط التي تنتمي إلى المستقيم المعامد لـABعند النقطة 1/3
{أنا جاتني هكذا......زيدي تأكدي منها}



وبالنسبة للوسيط mème حنا درنا عليه مثال واحد فقط ومازدناش هدرنا عليه وفي الاختبار دارتولنا


مثلا إذا مدولك عبارة كثير حدود من الدرجة الثانية مثلا وقالك أوجد قيم mحتى يكون كثير الحدود من الدرجة الثانية شوفي انت لمعامل اكبر أس إذا كان من الدرجة 2 حليه على أنو لا يساوي الصفر تصيبي مجموعة قيم mوإذا كان من الدرجة 3مثلا حليه على أنو يساوي 0وحلي تع الدرجة 2 لايساوي الصفر

..نتمنى فهمتي عليا...............

+
حنا في الاختبار عطاتلنا مجموعة معادلات فيها الوسيط mوقالتلنا أوجد عدد حلول المعادلات حسب قيم m.........تحسبي دالتا وتشوفي لـmموجب أو سالب وتستنتجي إشارة دالتا حسب mوعلى هذا الأساس تعرفي شحال حلول المعادلة


بالتوفيق.....{أنا راني نراجع مات أي سؤال قوليلي تنتاقشو فيه}

الله يعطيك الصحة يا أختي ... أنا بالدالتا منعرفش نخدمها ... كنفترض أن a معدوم تبقالي معادلة من الدرجة 1 و نخدم عادي و لكن غير نلحق للدالتا نحبس من فضلك اعطيني مثال أكيد نقهم عليه

و بالنسبة الى سؤالي أنا تان خرجتلي هكذاك و لكن بطريقة أخرى المهم نفس النتيجة

شكرا لك