عنوان الموضوع : ~ْ°♥ بعد السـلاأمـ....مـــن السبــب؟؟♥°~
مقدم من طرف منتديات العندليب

الســـــــــــــــــلامـ عليـــــــــــــــــــكمــ
كيف حالــكمـ؟؟؟

بقدر محبتي لدراستي احب هدا المنتدى الذي اصبح وسيلة للتواصل معاكم يامن وجدت معكم سر النجاح
سر السعادة الحقيقة نعم انتم يااعضاء منتديات العندليب واصدقائي


حبيت نتنفس شوي واتمنى منكم سماعي والله
انا هي التلميذة المجتهدة المعروفة عند الجميع بعد تحصلي على 18 في شهادة البيام كنت طالما اطمح لتحقيق الكثير من نجاحات
طلعت لاولى ثانوي ونجحت وحققت ماعندي
وجا الوقت لي خيرت فيه شعبة الرياضيات بعد مابكيت لربي سبحانه وبفضلو هو خيرت شعبتي
وصعدت للثانية وكانو اساتذتي فعلا يحفزوني للدراسة من معاملة ومن مساعدة
وفعلا تحصلت على معدل مليح والحمدلله كنت متميزة في جميع المواد عدا العلوم هههههههههههههههههههه
بصح الثلاثي هذا حسسيت روحي هبطت شوي
صدقوني لو قلتلكم مش انا السبب الوحيد وربي يعلم
شحال تعبت كنت نسهر ل12 والله وتخيلو نقرى لي كور في بلاصة اخرى راح نفهمكم انا مانسكنش في الولاية نتاعي بعد يعني في دائرة وكنت كل جمعة وسبت نمشي انا وصديقتي المقربة في الحافلة قدر20 كيلو اي نصف ساعة باش نلحق
نهار جمعة نقرى على 8 نخرج من دار6.30 ونهار سبت على 10 نخرج8.30
فعلا تعبت بصح كنت نلقى تمييز من اساتذتي لي اعتبرتهم قدوتي عاتبرتهم يخدمو بضمير ولكن للاسف خيبو املي
استاذ فيزيا مانفهمش عندو ف قسم كيفاه يحبني ندير عندو كور وعاد شاريهالنا لي يقرو عندو كور يدو مليح مي حنا للاسف والو .................الخ واستاذ نعود انا وواحدة من صديقاتي نفس الخطأ نلقاه انا منقصلي وهي لا
واسكتو كون نحكيلكم على الفقرة لي عادت هي الفاصل لي يتحكو فيه يلقوني صحيحة ف كلش يحكمو ينحولي بزاف على الفقرة المشكلة اني واثقة ف قدراتي بصح علاش هكا يااساتذة وينهم ضمائركم ماعندكمش ولاد ماتحسوش
والاخيرة المرة لولة اساتذة مايعرفوناش بصراحة انا كي قرات اختي قبلي وكانت لولة يعرفوني منها هي
وباقي مايعرفوش
ومن تلاثي لول عرفو لول نتاعنا بداو كشتا غالط لازم يطلعوه هو لول والله راني بلا راس
وكاين اساتدة ربي يبارك مي صدقوني لي حسبتو موسى طلع فرعون
وبصراحة الشي لي قالتهولي ماما واحبابي واستادتي المفضلة نتاع الفرنسي بلي انا قادرة وهاد شيء يكفيني يكفيني اني فاهمة واني مستوعبة
واني قادرة على موادي الاساسية ولغاتي الاجنبية والحمدلله
وراح نثبتلهم بقدرة ربي شحال انا نقدر والحمدلله



نتمنالكم التوفيق ومتاكدة راح نجد نفس معاناتي عندكم




شكرا على خاطر سمعتولي



بالتوفييييييييييق♥♥♥


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم و رحمة الله و بركاته و بعد أختاه

فأعلمي أنك من يرسم طريقك و من يقررمصيرك فالانسان مخير غير مسير

و اعلمي أن هذه العوائق ما هي الا تمارين تقويك و تكسبك خبرة في الحياة فالعالم المثالي في الجنة و ليس في هذه الدار

و حالي لا يختلف عن حالك كثيرا إلا أني أحب نصائح أستاذ الرياضيات خاصة "أنا أيضا رياضي" الذي أخبرنا بأن في هذه الشعبة

الكثير من التناقضات فمرة تحصل على 20 و مرة على 8...يعني هو يطلعلنا في المورال بصح أنا حاب نقولك ما تخاليهمش يأثروا عليك و

ديري لي عليك و خلي الباقي للباقي
.................
و السلام

=========


>>>> الرد الثاني :

سلااااام اختي

واش راح نقولك و الله نفس المشكل و لوكان تروحي تشوفي مواضيعي تلقايني دايرة موضوع كيفو

واش راح نقولك كلشي على الباك بويسك في الباك ماراحش يصحولنا نفس الاساتذة

و تما يظهر كلشئ

و ماتزعفيش روحك و الله انا نعاني من نفس المشكل

مي كالوروزمو الله غالب

مي دير في بالك حاجة مادام عندك قدرات ماتخافيش

و انا والدي توجور ينصحوني

و ربي يكون في عونك

=========


>>>> الرد الثالث :

المشاركة الأصلية كتبت بواسطة salah salilou
السلام عليكم و رحمة الله و بركاته و بعد أختاه

فأعلمي أنك من يرسم طريقك و من يقررمصيرك فالانسان مخير غير مسير

و اعلمي أن هذه العوائق ما هي الا تمارين تقويك و تكسبك خبرة في الحياة فالعالم المثالي في الجنة و ليس في هذه الدار

و حالي لا يختلف عن حالك كثيرا إلا أني أحب نصائح أستاذ الرياضيات خاصة "أنا أيضا رياضي" الذي أخبرنا بأن في هذه الشعبة

الكثير من التناقضات فمرة تحصل على 20 و مرة على 8...يعني هو يطلعلنا في المورال بصح أنا حاب نقولك ما تخاليهمش يأثروا عليك و

ديري لي عليك و خلي الباقي للباقي
.................
و السلام

~°سلامـ°~
بارك الله فيك اخي صلاح كلامك جواهر
فعلا كلامك منطقي وكيما اسبقت الذكر واثقة ف قدراتي والحمدلله
وكيما قلت انت ساعة مليح وساعة لا مي هم يزيدو علينا
ربي يوفقك ويسددلك خطاك
بوركت
بالتوفيقـ
.
.
.
.
.
.
.
♥

=========


>>>> الرد الرابع :

المشاركة الأصلية كتبت بواسطة old young miss
سلااااام اختي

واش راح نقولك و الله نفس المشكل و لوكان تروحي تشوفي مواضيعي تلقايني دايرة موضوع كيفو

واش راح نقولك كلشي على الباك بويسك في الباك ماراحش يصحولنا نفس الاساتذة

و تما يظهر كلشئ

و ماتزعفيش روحك و الله انا نعاني من نفس المشكل

مي كالوروزمو الله غالب

مي دير في بالك حاجة مادام عندك قدرات ماتخافيش

و انا والدي توجور ينصحوني

و ربي يكون في عونك


آآميـــــــــــن وفي عونكـ صديقتي♥♥

بارك الله فيكي وكما اسبقت الذكر اعلم باني لست الوحيدة
والحمدلله على كل حــــــــــأآل
موفقة باذن الله عزيزتــي ولاتبالي فمثلنا كثير وكما قلتي الشهادة ستثبت ذلكـ

حظ موفــق

تحيـــأآتـ]يـ~~°
.
.
.
.
.
.
.
♥♥
♥♥♥
♥♥♥♥

=========


>>>> الرد الخامس :

هههههههههههه حتى حنا عندنا نفس المشكل مع الاستاذ بصح واش راح نقولك ديري الكوراج و خلاص و ربي يوفقك و يوفقنا معاك

=========


rabi m3ana kamal rana n3aniw m3a tamyiz el 3ounsouri 7na fel leyce ta3na dayrin classa fiha kamal chyoukh el mla7 mais talamid bla manahdar wlid serviellent wlid l moudir ou wlid flan ou ............ bla mankamal ou 7na math tiknik ali nourmalment yathalaw fina madoulna chyoukha makanach manhoum ga3 ali yagassar m3ak 3la clasicou ali may7awassch 3lik kamal ali yadkhal ymanchar fi chikh sa7bou 3am sna rabi yfawtou 3la khier ncha allah
rabi m3ana


صديقتي كوني قوية و اصمدي في وجه من اراد تثبيط عزيمتك و توكلي على الله الى الامام الى الامام واعلمي ان الشجرة المثمرة هي التي تتعرض للاذى ثقي بنفسك و اتركي كل ما يؤلمك ورائك
و فيما ارى انها اصبحت ظاهرة منتشرة عند الاساتذة ان يساعدوا الذين يدرسونهن بالنقود و كما قال احد تلاميذ قسمنا -ولاو يشوفونا 1000دج-
المهم انك فاهمة دروسك و اتركي الباقي على الله
ربي يهدي ما خلق و ربي ينجحك و يوفقنا و اياك الى ما يحب و يرضى

هادي ولات خارجة موضة في المدارس
الاستاد مايفهمش في القسم
ويحب يدير لي كور
باش يدي الدراهم وفوقها يولي يفهم مليح
وفي الدعم التلاميد ماشي بزاف ماشي كيما في الكلاصة
يعني هو يحب يخلص مرتين
دراهم تاع لي كور
ودراهم اللي يدي فيها في ليكول

بصح حنا دايما نوكلو ربي عليهم وصايي
واللي علينا نديروه
والباقي راهو يعلم بيه ربي سبحانو

واش نقلك
ربي يهديهم و ربي يصبرك عليهم

و كيما قالتلك يماك المهم انك فاهمة العام الجاي هذاك الرسمي تاع الصح

المشاركة الأصلية كتبت بواسطة الجزائرية 2010
هادي ولات خارجة موضة في المدارس
الاستاد مايفهمش في القسم
ويحب يدير لي كور
باش يدي الدراهم وفوقها يولي يفهم مليح
وفي الدعم التلاميد ماشي بزاف ماشي كيما في الكلاصة
يعني هو يحب يخلص مرتين
دراهم تاع لي كور
ودراهم اللي يدي فيها في ليكول

بصح حنا دايما نوكلو ربي عليهم وصايي
واللي علينا نديروه
والباقي راهو يعلم بيه ربي سبحانو

آسفة على التدخل بصح راكي غالطة هههههههههههه
حنا في القسم 36 تلميذ وفي ليكور كثر من 150 تلميذ هههههههههههه
لي عودة للموضوع لافرغ قلبي
شكراا

ههههههههههههههههههفرغي قلبك حنان مليح


شكرا صديقاتي واصدقائي والله معاكم حق
وزدتو شجعتوني والله
.
.
.
♥

المشاركة الأصلية كتبت بواسطة imen sciens
صديقتي كوني قوية و اصمدي في وجه من اراد تثبيط عزيمتك و توكلي على الله الى الامام الى الامام واعلمي ان الشجرة المثمرة هي التي تتعرض للاذى ثقي بنفسك و اتركي كل ما يؤلمك ورائك
و فيما ارى انها اصبحت ظاهرة منتشرة عند الاساتذة ان يساعدوا الذين يدرسونهن بالنقود و كما قال احد تلاميذ قسمنا -ولاو يشوفونا 1000دج-
المهم انك فاهمة دروسك و اتركي الباقي على الله
ربي يهدي ما خلق و ربي ينجحك و يوفقنا و اياك الى ما يحب و يرضى

كلامك جواهر لانك جوهرة
بارك الله فيكي ديقتي
والله ضحكت صح عليهم بويسك عادو شافيني دنيتهم مش مدايرين فيها الاتقان والضمير ويحوسو الاخرة حاسبين الدين صوم وزكاة وحج الدين معاملة واحسان
استغفر الله
فعلا عادو يشوفونا 1000دج

المشاركة الأصلية كتبت بواسطة الجزائرية 2010
هادي ولات خارجة موضة في المدارس
الاستاد مايفهمش في القسم
ويحب يدير لي كور
باش يدي الدراهم وفوقها يولي يفهم مليح
وفي الدعم التلاميد ماشي بزاف ماشي كيما في الكلاصة
يعني هو يحب يخلص مرتين
دراهم تاع لي كور
ودراهم اللي يدي فيها في ليكول

بصح حنا دايما نوكلو ربي عليهم وصايي
واللي علينا نديروه
والباقي راهو يعلم بيه ربي سبحانو

فعلا معاك حق عزيزتي
بوركتي
.
.
.
♥

معضم الطلااب يعااانون نفس المشكل
الله غاالب
لييكوور هدااا داار فيناا حااله
الاسااتده عااد همهم الوحيد السوااارد السواارد السواارد وبرك
ربي يهدي من خلق
عادو ماا يقريوش في القسم بااه يديروو عندهم ليكوور
عادت لاموود في بلااادناا
عييش تسمع عييش تشوووووووف
مشكووور ه ع الموضضع