عنوان الموضوع : فقط ساعدوني للسنة 2 ثانوي
مقدم من طرف منتديات العندليب

أنا الآن راني في تسيير و اقتصاد
تنصحوني أبدلها لأني لا أستطيع ندير علوم تجريبية
لأني حاصل على تحت المعدل في المعدل السنوي تاع العلوم الرياضيات و الفزياء
هل أستطيع تغييرها الى تقني رياضي
أو لغات علما أني أخذت في المواد تاع اللغات فوق المعدل 11 و 12 و 13


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

لازم تكون مقتنع بواش دير انت ماشي غيرك

=========


>>>> الرد الثاني :

لغات احسن شعبة من تقني صعيبة بزاف الى اذا تعرف في موادها مجرد راي

=========


>>>> الرد الثالث :

تقني رياضي فور انا داروها بيا العديان وانا كنت نهبل على هندسة مدنية ....مي هيا تاني تبغي المعدل..3>

والي نعرفهم كامل دايرين الطعن جايبين 14 حتى 14.50 عطاوهم تسيير وحابين يبدلو..

ونت حر شوف الشعبة الي تساعدك وسال مليح

=========


>>>> الرد الرابع :

هل أستطيع تغييرها الى اللغات بذلك المعدل السنوي؟

=========


>>>> الرد الخامس :

السلام عليكم ..
أولا : شعبة التقني رياضي شعبة صعبة وتتطلب من التلميذ أن يكون متفوق في الرياضيات والفيزياء هذا من جهة مقارنة بشعة التسيير سهلة بالنسبة للشعب العلمية تحتاج الحسابات فقط واأظن اللغات تساعدك وزيد شوف ميولك لأي مادة ++ هذا رأي ..

=========


تستطيع التبديل الى لغات ان كنت تريد ذلك
راني نهدر مع صحبتي ضرك
قالتلي راني تبدلت لغات مع انها كانت العام ليفات جذع مشترك علوم وتكنولوجيا
انا منقدرش ننصحك بالشعب لوخرين بصح نقدر نقوللك بلي لغات هي أمتع شعبة في الثانوي
خطراكش فيها زوج لغات جديدة وتقدر تكسبهم لصالحك خطراكش رح تقرى حوايج سهلة جدا فيهم كيما التصريف وتركيب الجمل وتعتمد بشكل اساسي على الحفظ والمواد الادبية
باختصارهي أسهل وأمتع شعبة
لو كان بيدي لاخترتها
بصح أهلي مخلاونيش نتبدل ليها
وراني خايفة نندم خطراكش تبعت نصيحتهم
المهم نتا تكون مقتنع بواش رح تدير
خاصة اذا كنت حاس بلي راك ماكش رح تلقى راسك في هذي الشعبة اللي راك فيها
أحسن حاجة تتبدل قبل ماتسوء الأمور

******************
في الأخير هذا مجرد رأي من أخت لك
أتمنى أن لاتنزعج أو تحس أني أفرضه عليك
وفقك الله وسدد خطاك وأعانك على اختيار ماهو أفضل لك


المشاركة الأصلية كتبت بواسطة khadija ^^
تستطيع التبديل الى لغات ان كنت تريد ذلك
راني نهدر مع صحبتي ضرك
قالتلي راني تبدلت لغات مع انها كانت العام ليفات جذع مشترك علوم وتكنولوجيا
انا منقدرش ننصحك بالشعب لوخرين بصح نقدر نقوللك بلي لغات هي أمتع شعبة في الثانوي
خطراكش فيها زوج لغات جديدة وتقدر تكسبهم لصالحك خطراكش رح تقرى حوايج سهلة جدا فيهم كيما التصريف وتركيب الجمل وتعتمد بشكل اساسي على الحفظ والمواد الادبية
باختصارهي أسهل وأمتع شعبة
لو كان بيدي لاخترتها
بصح أهلي مخلاونيش نتبدل ليها
وراني خايفة نندم خطراكش تبعت نصيحتهم
المهم نتا تكون مقتنع بواش رح تدير
خاصة اذا كنت حاس بلي راك ماكش رح تلقى راسك في هذي الشعبة اللي راك فيها
أحسن حاجة تتبدل قبل ماتسوء الأمور

******************
في الأخير هذا مجرد رأي من أخت لك
أتمنى أن لاتنزعج أو تحس أني أفرضه عليك
وفقك الله وسدد خطاك وأعانك على اختيار ماهو أفضل لك


شكرا جزيلا
وكم المعامل
وما هي المواد الجديدة

ماعلاباليش المعدل تاعك شوا شحال جبت...؟ وزيد اذا عندك العرف ولا مدابيك وقول لباباك يجري عليك

اخي احنا مناش نهدرو على صعبة و ساهلة مكانشا لحاجة الساهلة النجاح دايما يكون بالجد والاجتهاد انت اذا حاب تقني رياضي نيشان من قلبك راه تقراها وقاع لو كانت صعبة راح تقراها بسكو تبغيها وراح تركز فيها وهاديك الصعوبة توليلك لذة تحس بالنشاط وهكا مي كون تقرى حاجة ونت مش باغيها مكان ني صعبة ني ساهلة

خلاص خطونا من هدا المنطق بسكو ماشي زعما رانا في القرن 21 ولا نو قرى حاجة راك حابها ماشي حاجة بسيف قاع تقراها وتنجح مي تحس روحك مادرت والو

وراك حر مش حابة ناثر فيك ولا نحمسك ومنبعد تندم نت سال وشوف راي صحابك ....

لا استطيع مساعدتك اسفة لانه ليس لدي اي فكرة عن هذه الشعب
شوف انت واش راك حاب بالتوفيق


هاهي المعاملات
الأدب العربي ...........5.........3سا
اللغة الفرنسية ...........5........3سا
اللغة الإنجليزية ........5.........3سا
اللغة الأجنبية الثالثة ....5.........3سا
الفلسفة ..................2.........3سا
التاريخ والجغرافيا ....2.........3سا
الرياضيات.............2.........2سا
اللغة الأمازيغية (لإختيارية )......2......2سا
العلوم الإسلامية .........2............2سا
بالاضافة الى التربية البدنية التي معاملها 1
في المجموع 30 معامل وعدد الساعات 24 ساعة اسبوعيا
اما بالنسبة للمواد الجديدة فهي اللغة الأجنبية الثالثة(اسبانية او المانية حسب المؤسسة التي تدرس فيها)بالاضافة الى الفلسفة