عنوان الموضوع : ظاهرة نخلي الورقة فارغة ونخدم في البكالوريا تحضير بكالوريا
مقدم من طرف منتديات العندليب

السلام عليكم،،

اليوم كملنا اختبارات الفصل الأول والحمد لله، الظاهرة اللي لفتت انتباهي في وقت الاختبارات أنه هناك نسبة معتبرة من التلاميذ (من كلا الجنسين) يتركون الأوراق الإجابة فارغة أو يعملون بغير جدية و اللي تسأله يقولك الصح فالباك!!

و فيه اللي يقولك راني نبعد فالعين

واش رأيكم في هاذي الظاهرة؟ و هل أنتم من هذا النوع أو لا؟



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مليون مرة هادي فطرة خااااااااااااااطئة جدااااااا لانو يا اخي الكريم يلزم تقيم مستواك من درك باش تعرف الاخطاء و تصححها من درك
و شكرا لطرح هذا الموضوع القيم

=========


>>>> الرد الثاني :

انا ضد هذي الفكرة الخدمة نتاع الصح تبدى من ضرك

=========


>>>> الرد الثالث :

انا كنت اخرج في الساعة الاولى في المواد الثانوية
في العلوم الشرعية نصف ساعة استعملت المسودة مرتين في الفيزياء والفلسفة فقط
لكن لم اترك الورقة فارغة فلقد اجبت عن جميع الاسئلة ومن دون اي تشطيب
او تراجع
اتدرب على الحل السريع والمنظم

=========


>>>> الرد الرابع :

ابدااا انا لست من هذا النوع اعمل بجدية واضع نفسي وكانني في الباك لكي اقيم نفسي واصحح الاخطاء التي وقعت فيها كي لا اكررها في الباك انشاء الله

=========


>>>> الرد الخامس :

نخلي الورقة فارغة ؟؟؟؟؟؟؟؟؟؟؟ما نقدرش الخوف قتلني تقول انا نجوز في الباك
ديجا راني مقلقة .................. ما خدمتش مليح

=========


هاذي فكرة خاطئة

الصح الامابديتهش من درك ناكدلك غادي تحصل في لاديغنياغ باسكو مهما الصح كان في الاخير لاباز اتاعه دوكا

تقبل مروري


تفكير لاعقلاني

شكرا على التفاعل،،

مشاهدة نتائج الإستطلاع: في امتحانات الفصول..
أعمل بجدية 6 100.00%
أعمل بإستهزاء 0 0%
أترك الورقة فارغة 0 0%
نتيجة مثيرة للاهتمام

لازم تخدم مليح في الامتحان باه تقيم مستواك إذا تقدر على الباك ولا لا
هاذي اللي يخرج حقيقة يخمم برجلو

درتها بزاااف في سنوات سبقت

ليست لعدم قدرتي على الاجابة بل نظرا
لعقلية الاساتذة نتاع الشحان


مي هذا العام راني نعود في روحي نخدم في اسرع وقت وبتركيز
والحمد لله رغم شكوى جميع اللذين يدرسون معي ان المواضيع صعبة والوقت لم يكفي
اني لم اتلقى اي احراج في فك شيفراتها

شكرا لك أخي على الطرح المميز
انا شخصيا عمري مفكرت بهذي الطريقة
بالعكس أنا أمتحن وكأنني في البكالوريا لكي أتعود وحتى لا تكون لدي إشكالية مع الوقت في الباك
++++++++++++++
جميع الذكور لي يقراو معنا هكا يخرجوا ويخليو الورقة فارغة
ربي يهدي ماخلق


تمنياتي للجميع بالنجاح والتوفيق

هده الفكرة خاطئة رغم اني درتها


يجب ان نعود أنفسنا على مثل هده الاختبارات

لأنها تفيدنا في أخر السنة

انا ضد هاد الفكرة خلاص الواحد يفوت الامتحان عادي وكانو في باك باه يقيم نفسو اسكو يدر للباك ولالا وزيد يتعلم على الاخطاء الي دارهم في الامتحان هدا باش في الباك مايغلطش
حنا كاين ولاد في كلاستنا مهمش اكل يخرجوا هكاك يحطوا الورقة فارغة ولا يحلو التمرين الي جاهم ساهل ويخرجوا واكين اخرين مايجيوش قع للامتحان ايه واش نقولك ربي يهديهم فرات مزالو ميعرفوش صلاحهم كي ميديوش الباك دروك يفيقو بعمرهم ويولي يا ليتني
ربي يفقنا انشاء الله

السلام عليكم ,
نعم هذه الظاهرة جد منتشرة خاصة في الآونة الاخيرة,لكن تالله ما تسمن ولا تغني من جوع , فالطالب سيغش نفسه لا غير
وما هذه الاختبارات الا تجربة مسبقة نستفيد من خلالها فنعرف الخطا ونصححه ونحتفظ بالصحيح لذا فلا تتركوا اوراق اجابتكم فاغة
ف 5 بعرق الجبين انبل من 18 بالنقل و 3 افضل من لا شيء وقد سبق وقد تركت ورقة الفرض فارغة وندمت عليها لكن لم اتركها في الاختبار ...