عنوان الموضوع : شكون اللي دارولهم العفسة تاع موضوعين لتحضير البكالوريا
مقدم من طرف منتديات العندليب

السلام عليكم
انتهت اختباراتنا للفصل الثاني والله كانو عبئ كبير وانزاح الحمد لله ان شاء الله تكونو خدمتو ا
في بعض المواد مدولنا موضوعين و احنا نخيروا يعني كيمة الباك هي عفسة مليحة مي والله صعييبة بزاف باش نخيروا نص ساعة ماتكفيش راني بديت نخلع من الحكاية هذي مثلا في الاجتماعيات عمبالكم شحال حكمت الوقت باش خيرت الموضوع ....والله ساعة غير ربع ....مالقيتش روحي خلاص مافهمتش واش راح ندير فالباك كيمة قلتلكم هي عفسة هايلة باش نتعودوا مي صعيبة
ياي و فالادب صرا فينا لعجب الفوج نتاعنا برك .. مالا قالتلنا الاستاذة تاعنا راح يجيكم زوج مواضيع و انتوما تخيرو الاول شعر و الثاني نثر مالا الاستاذة اللي عستنا ماعلابالهاش شافت الموضوع الاول مدتهولنا و الثاني ماوزعاتوش قاعدا تتفرج فيه قراتو مليح و مبعدا حطاتو مافاقتش بلي دارولنا زوج مواضيع و الصدفة انو وزعت الشعر و النثر هو اللي نساتو و النثر جا سلهل و الشعر جا شويا صعيب و اتحتمت علينا نجاوبو على الشعر لمحمود درويش و مبعدا كي بقات نصف ساعة الاخيرة جاو التلاميذ اللي عقبو معانا و كملو خرجو و سمعو باللي لحكاية فيها موضوعين رجعو قالو للاستاذة قالتلهم شفت الموضوع الثاني بصح ماكتبوش عليه يجب على الطالب ان يختار احد الموضوعين و قالتلنا نتوما علاه ماقلتوليش قلنالها حنا قلنا بالاك الاستاذة تاعنا بدلت رايها و دارت فرد موضوع المهم مابغاتش تمدلنا الموضوع الثاني حتى نكملو و اللي يكمل يروح باش يحط الورقة تاعو تمدهولو هدية و تقولو حاول فيه فالدار
ههه و الله حالة و حويلة
طولت عليكم المهم قولولي شكون اللي دارو كيمة حنا
وواش رايكم فيها كيفاش جاتكم صعيبة و لا ساهلة
ربي يوفقكم و الاختبارات تاعنا اليوم نحطهملكم ان شاء الله باش تستفادو منهم انتظروني
في امان الله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

انا تاني صراتلي
حنا كونا علابلنا بلي كاين زوج مواضيع بصح الي عستنا ماعلابلهاش
وزعت الموضوع الخاص بالشعر والنثر شداتو عندها
حنا قعدنا نشوفو فيها ومستغرين منها حتى فاتت نص ساعة باش نطق واحد وقالها
مبعد باش وزعت الموضوع التاني

=========


>>>> الرد الثاني :

المشاركة الأصلية كتبت بواسطة the black perl
انا تاني صراتلي
حنا كونا علابلنا بلي كاين زوج مواضيع بصح الي عستنا ماعلابلهاش
وزعت الموضوع الخاص بالشعر والنثر شداتو عندها
حنا قعدنا نشوفو فيها ومستغرين منها حتى فاتت نص ساعة باش نطق واحد وقالها
مبعد باش وزعت الموضوع التاني

سبحان الله حنا حتى بقات نص ساعة باش فاقو و كيمة قلت المشكل انو اللي وزعاتو الشعر و جانا شوي صعيب و الغاشي فالاقسام الاخرى كامل خيرو النثر باسكو ساهل
المهم واش رايك فالعفسة تاع موضوعين مليحة

=========


>>>> الرد الثالث :

السلام عليكم معاك يوسف من ولاية البيض
احنا في الاختبارات كان موضوع واحد ....... لكن المواضيع كلها كانت صعبة ...علاش ؟؟؟؟؟ ..... علا خاطرش ماكانش تحديد للدروس اي من كل وحدة تمرين ذاك لي خلاني أنا وزملائي نتائجنا كارثية
وعلى كل حال ربي يجيب الخير انشاله لي يحب يتواصل معايا :https://www.********.com/profile.php...21&ref=tn_tnmn

=========


>>>> الرد الرابع :

المشاركة الأصلية كتبت بواسطة babdar
السلام عليكم معاك يوسف من ولاية البيض
احنا في الاختبارات كان موضوع واحد ....... لكن المواضيع كلها كانت صعبة ...علاش ؟؟؟؟؟ ..... علا خاطرش ماكانش تحديد للدروس اي من كل وحدة تمرين ذاك لي خلاني أنا وزملائي نتائجنا كارثية
وعلى كل حال ربي يجيب الخير انشاله لي يحب يتواصل معايا :https://www.********.com/profile.php...21&ref=tn_tnmn

شكرااا على المرور حنا تاني ماكانش تحديد دروس من اول درس لاخر درس و زادو من الفوق زوج مواضيع
ربي يوفقفك

=========


>>>> الرد الخامس :


=========