عنوان الموضوع : مازالت شهرين للباكالوريا.فكيف تحضر؟؟؟ تحضير بكالوريا
مقدم من طرف منتديات العندليب

السلاام عليكم

اليوم نحن في شهر مارس.....وش معناها شهر مارس....معنتها البك راه قريب

من اليوم بدا التحضير الفعال والجيد للباك...

حبيت نعرف كيفاش كل واحد فيكم باه يحضر ويراجع

كل واحد يضع طريقته حتى نستفيد من بعضنا البعض..


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

!!!!!!!!!!!!!!!!!!!!!!!!

=========


>>>> الرد الثاني :

السلام عليكم
والله انا يا اخي لحد الساعة مازلت مابديتش نحضر روحي عبالك المورال او هابط خلاه معرفتش باه نبدا مشني فارزا الدروس و حتي لي فارزتهم مشني فارزتهم بيا كيما الفلسفة مامستهاش خلااااااااه اعطيوني طريقة نديرها ربي يعيشكم عاونونييييييييي

=========


>>>> الرد الثالث :

انا راني حاطها على المواد العلميه فقط

راني ممسيتش الشريعه والفلسفه و.و.و.و.و.و.

=========


>>>> الرد الرابع :

المشاركة الأصلية كتبت بواسطة zoldek 7
انا راني حاطها على المواد العلميه فقط

راني ممسيتش الشريعه والفلسفه و.و.و.و.و.و.

و الله حتى انا مامسيتش خلاه المواد الادبية و عبالك حتى العلمية مشني فاهمتهم مليح

=========


>>>> الرد الخامس :

وعلااااااااااه مقريتيش ؟

متقرايش الدعم؟؟؟؟

=========


المشاركة الأصلية كتبت بواسطة zoldek 7
وعلااااااااااه مقريتيش ؟

متقرايش الدعم؟؟؟؟

وانا دعم ?? اليامات كل نقرا فيها مين نخرج على 8 منزيدش نرجع حتى 9 تع ليل عندي غير الجمعة لعشيا و السبت برك في هدو اليامات ساعات منقراش نحب غير نرتاح و درك ندمت خلااااه


كيفاه تقري من 8 الى 9 تع الليل ؟؟؟؟؟؟؟؟؟؟؟؟؟؟؟؟

وضحي اكثر ...

استعينا بهده المواقع
www.dzbac.com
encyeducation.com
https://bacalg.voila.net/index.html

و ربي يوفق الجميع

المشاركة الأصلية كتبت بواسطة zoldek 7
كيفاه تقري من 8 الى 9 تع الليل ؟؟؟؟؟؟؟؟؟؟؟؟؟؟؟؟

وضحي اكثر ...

نقرا من 8 حتى 5 في الليسي بعديكا عندي من 6 حتى 8.30 ليكور مات فيزيك و علوم نوصل للدار ع 9 نوصل عيانة خلاه ساعات مانتعشاش ديراكت نريح باش نقدر نقرى

oh rose اكي كيفي تماما و ايضا أنا من عنابة و ندمت لاني دخلت ليكور خاتراكش كون جيت قريت وحدي اني تقدمت و حفظت كلش
مي معليش مزال الوقت ربي يكون معانا

المشاركة الأصلية كتبت بواسطة روح المعرفة
oh rose اكي كيفي تماما و ايضا أنا من عنابة و ندمت لاني دخلت ليكور خاتراكش كون جيت قريت وحدي اني تقدمت و حفظت كلش
مي معليش مزال الوقت ربي يكون معانا

شفتي خويا و الله كون جاو يقريونا في الليسي غير مانديرها ليكور مي اخويا و الله غير يعيفو لي بروف تيعنا و زيد المشكلة فينا حنا جبناها عام كامل و حنا مخليين الدروس تتراكم حتان تبلوكينا ربي يجيب الخير و فرات

مازال الوقت ويجب علينا أن نرفع الهمة و بامكاننا تحقيق المستحيل وسر النجاح في نظري هو تنظيم الوقت لأته هو السبب في مشكلتي
لازمني نروح فيلامان ان شاء الله نزيد نتلاقاو و المورال طالع و بنتائج رائعة في اليكالوريا العمل و العمل

المشاركة الأصلية كتبت بواسطة روح المعرفة
مازال الوقت ويجب علينا أن نرفع الهمة و بامكاننا تحقيق المستحيل وسر النجاح في نظري هو تنظيم الوقت لأته هو السبب في مشكلتي
لازمني نروح فيلامان ان شاء الله نزيد نتلاقاو و المورال طالع و بنتائج رائعة في اليكالوريا العمل و العمل

اوكي خويا حتى انت ان شاء الله تفرز اومورك و يجيك كلش ساهل @+++

أنا الفصل 3 مانروح نقرى نقعد في الدار نحضر