عنوان الموضوع : كيف هي تجهيزاتكم وتحضيراتكم للبكلوريا .... ارجوكم ادخلوا
مقدم من طرف منتديات العندليب

سلام عليكم
اصدقائي كيفاش راكم مع التحضيرات لشاهدة البكالوريا
اما انا ماعندي مانهدر في البداية كنت متحمسة وجبدت كاع شتى عندي اوكي وصل الصح برد قلبي ضربة وحدة على القراية الفلسفة الي كنت نموت عليها هملتها او ماعدتش نخمم فيها كامل حتى في دارنا راهم دهشنين فيا تقول انت ماعندي باك لا محزنون والمشكلة كي تروح لثانوية وتقولك وحدة واش كش قراية وتقالها انت والله والو تحسبك راك تكذب عليها وتقلك ايه راكي خايفة لايعينوك على واش يعينوني يرحم بوك ,,,المهم شوفلي كاش حل غير انا راني هكا ولا كين كيفي( احساس رهيب انك تكون تحضر اوكي يوصل صح يذوب كل شي)

لا تبخلو بالردود =


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

أرجو منكم المساعدة العاااااااااااجلة أخوتي

=========


>>>> الرد الثاني :

سلام اختي
تصرا حالات هكدا نتمنى تفوت عليك
وتستعيدي حيويتك ونشاطك يارب
متخافيش توكلي على ربي وكلشي ساهل ان شاء الله
متقلقي ماوالو ربي هو علابالو بكل شيء شدي فيه ومتخافيش

=========


>>>> الرد الثالث :

قتاش وقتاش...؟؟؟ تأمنوا بلي مانيش نروح لليسي وزيادة على ذا ماني ندير والوا في الدار

=========


>>>> الرد الرابع :

و الله راني كيفك كنت متحمس و نسهر حتى ل 1 و نوض على 5 مي راني طلقت روحي نرقد على 10 و نوض على 7 و نقرا وحد 3 سوايع ول 4 برك فالنهار

=========


>>>> الرد الخامس :

مالنا غير لطف ربي بينا الرقاد راه يغلبني ومانيش نوض قاع بكري

=========


الي مازالوا شاد وعندو الكوراج يعطينا نصائح ربي يخليكم ويقلنا كيفاه راه ينظم وقتوا


المشاركة الأصلية كتبت بواسطة hiba6
قتاش وقتاش...؟؟؟ تأمنوا بلي مانيش نروح لليسي وزيادة على ذا ماني ندير والوا في الدار

وقتاش؟؟؟؟
اسمحيلي بالصح انتيا ديري وحاولي تجوزي على هذه الفترة
علاش تربعي يديك تشربي؟؟؟؟
انتيا ديري لي عليك خطوة صغيرة من عندك وتوفيق كبييييييير من عند ربي
بالتوفيييييق

السلام عليكم
اولا اختي اسغفري الله ودايما تفكري فالايجابيات تفكري كي تربحي لباك وتروحي للجامعه وتحقي طموحاتك حاولي تحفزي روحك
بروحك وتفكري هذا غير شهر زيري فيه وان شاء الله مايضيعش يعبك وان الله لايضيع اجر المحسنين وربي يوفقنا ان شاء الله

فكري في يوم النتائجو كيف ستكون ردة فعلك و فعل والديك

[size="7"][/size]ياربي نجحنا يارب

هو أولا ما تلعبيش بالساعات النوم تاع الانسان لانو كل ما قللتيهم كل ما تفقدي تركيز واللي راكي فيه حتى انا فات عليا مي خممي برك انو شهر و يروح كل شئ
عني أنا دايرة برنامج 7 أيام منظمة ساعات لكل مادة و دايرة فاصل بيناتهم
العلوم مثلا 7 وحدات كل يوم ديري وحدة مدة ساعتين مثلا من 8 - 10
بداية اقراي الحصيلة اللي ف الكتاب بعدها حلي تمارين أو أنشطة الكتاب وما تنسايش تركزي ع الرسومات
مواد الحفظ كل واحد و طريقة حفظو أنا شخصيا التواريخ نكتبهم ع النافذة كل مرة نشوف معاهم و مين نضرب راسي نلقاهم يدخلو سيف
يلزمك تعرفي واش رح تقراي و كيفاش راح تقراي و بواش تقراي
تاني ما تعتمديش ع مصادر متنوعة
وماكلاه تخافي اذا ضبطتي روحك ال10 ايام هذو صاي يبقالك غير تحلي نماذج مبعد
أهم حاجة تديري جدول باه تعرفي واش راكي تديري وتعطي كل مادة حقها
والفلسفة اذا باغية نعطيك دروس صوتية فادتني
أي حاجة خلاف راني هنا
بالتوفيق
ودي
^^

laaa madirich kima hak

rouhi 9ray 9oraan w mn ba3d fakriiiiii f 7oulm ta3ek w belli maba9ich bazaf w tfar7i waldik
w sabri hada ghi ch'har sabriii maalich
bon courage


المشاركة الأصلية كتبت بواسطة hiba6
سلام عليكم


اصدقائي كيفاش راكم مع التحضيرات لشاهدة البكالوريا
اما انا ماعندي مانهدر في البداية كنت متحمسة وجبدت كاع شتى عندي اوكي وصل الصح برد قلبي ضربة وحدة على القراية الفلسفة الي كنت نموت عليها هملتها او ماعدتش نخمم فيها كامل حتى في دارنا راهم دهشنين فيا تقول انت ماعندي باك لا محزنون والمشكلة كي تروح لثانوية وتقولك وحدة واش كش قراية وتقالها انت والله والو تحسبك راك تكذب عليها وتقلك ايه راكي خايفة لايعينوك على واش يعينوني يرحم بوك ,,,المهم شوفلي كاش حل غير انا راني هكا ولا كين كيفي( احساس رهيب انك تكون تحضر اوكي يوصل صح يذوب كل شي)


لا تبخلو بالردود =



بلاك الخلعة دارتلك هاك و خلطتلك كلش


الله يعطيكم الصحة وربي يوفقكم لانكم وقفتوا معايا وقفة
ربي يحققلكم ما تتمناو ان شاء الله ربي يكون معانا ويعاونا