عنوان الموضوع : نصيحة مني إلى كل متقدم لشهادة البكالورية
مقدم من طرف منتديات العندليب

السلام عليكم إخوتي
صح عيدكم وكل عام وأنتم بألف خير إن شاء الله العام المقبل أجدكم أهنى وأسعد وكل واحد فيكم تتحققلوا أمنيات ديالوا نتوم وكل الأمة الإسلامية
المهم أنا تقدمت لشهادة بكالورية 2015 ومانجحتج أول سنة أعيد فيها ورايحا نعاود في 2015
حبيت لغلطة لغلطتها أنا مايغلطها حتى واحد وما نرضها لحتى واحد
• الدراسة تبدى من أول يوم لدراسة
• أقراو عادي و ماتقلقوش رواحكم نقلكم أي واحد يقرى لكل فصل بجد ويتعامل معاه على أساس سنة عادية مثل العادة ويراجع للفروض ويحط روحوا يسحق العلامة هذيل سول تاع المادة ولا المعدل العام رايح ينجح بالتأكيد لأنوا ديما رايح يبقى يذكر شيء لقراه
• ما تهملوا حتى مادة خاصتا الفلسفة الإنجليزية والفرنسية
• بالنسبة للإنجليزية والفرنسية اللي مايعرفوهمش مشي متراجعوهمش كامل وتقولوا نعوض في مواد الأساسية كاين أشياء في هذي المواد ثابتة بدوم يحطوها فالمواضيع تاع لباق في القواعد أحفظوهم مع الأسئلة تاع النص رايح تلم نقطة ولي أكيد تحتاجها
• فالفلسفة الله غالب أنا مازالي ملقيتش لحل تاعها هبطتني لعام ليفات لعند الحل ديالها يقولي -الفائدة تجي حتى من الصغير -
• متخالطوش أصحاب السوء بالعكس تقدر تنصحهم بصح ماشي تبعهم
•مديروش لمان بزااف سوا بنات ولا دراري ديررت لمان في صحاباتي و عطيتهم كلش دوقا مام با سامعين بيا ولا يسقسيو هما فالجامعة وأنا فالليسي - لا أحد يبقى لأحد كنوا متأكدين ..... هذا راي من خلال تجارب كثيرة - وكل واحد ورأيواا
• هذا العام ماشي كيما لعيمان ليفاتوا لازم دير أستاذ ديالك كيما صاحبك تحل تمارين فالدار وتعطيلوا يصححلك بلاما يقولك هوا
•وليمايقدرش يقرى في مجموعة ميقراش هكذيك على جال صحابوا بيسك يطفرها غير في روحوا الدراسة الفردية أفضل

.............................................وبالت وفيق للجميع تمنياتي لكم بتلك الفرحة التي أعرف قيمتها وأقول لكم لكل من لا يحب الدراسة أنتا وصلت لهذي سنا قول الحمد الله أبدل جهدك وفرح والديك هذاك نهار لي زغرتوا فيه امهات صحابك
خلي والديك يفرحوا والله تلك اللحظات لا توصف ..........الدراسة هي مستقبلك
سلام وإن شاء الله أكون أفدتكم ولو بكلمة صحيح مما قلت


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سلام اختي وصحا عيدك وكل عام وانت بخير كلام لي قلتيه انا رانا معاك فيه 100/100 انا تاني نفس تجربتك تقريبا
ربي يوفقك ان شاء الله هدا لعام ويوفقنا كامل ومرسي على النصيحة القيمة

=========


>>>> الرد الثاني :

يعطيك الصحة ختي على هذ النصائح القيمة وربي ينجحنا كامل ان شاء الله يا ربي

=========


>>>> الرد الثالث :

انا لا علاقة ب الفرنسة
هل تعرفين قواعد تابت على الاقل اخد بعض النقاط
في هاده المادة

=========


>>>> الرد الرابع :

merci ma soeur nchalaah natal3o kamel kifkiffff l universite b mention mlihaaaa
bon courage

=========


>>>> الرد الخامس :

شكراا لمروركم ولردودكم العطرة
إن شاء الله بالتوفيق للجميع

=========


disaster تفضل
أمممم معنديش معلومات بزاف بصح إن شاء الله تفيدك
تقريبا دائما فيها فالوضعية الإدماجية زوج مواضيع واحد تعبير كتابي واحد
Compte rendu
وشيء ليفيه ثابت وأي واحد يقدر يخدموا شوف هذا الموضوع بلاك يفيدك وكاين مواضيع أخرى فالنت تشرح طرقة العمل تاعوا
https://www.djelfa.info/vb/showthread.php?t=1441520
عندك خلاف مطبوعات تاع كليك فيها تلخيص لدروس القواعد تعاونك بزااف
هذا الموقع فيه الأسئلة ليموالفين يحطوهوم فالمواضيع تاع ليباك والأجوبة ديالهم طيليشارجي هذا الملف
https://3as.ency-education.com/upload...frequentes.rar
شوف هذا الموقع بالاك يفيد ك فيه طريقة تاع تلخيص ......
https://3as.ency-education.com/157516...716101577.html
أممم وخلاف طيليشارجي لمواضيع تاع الباك اللغة الفرنسية والحل ديالهم وقراهم مرا على مرا راح توالف وتتعود على هذوك الأسئلة ويجيوك ساهلين في الباك
وإذا تفكرت حاجة من بعد ولا قالتهالنا الأستاذة رايحا نحطهالك هنا
سلام بالتوفيق


فعلا كلامك صواب حت انا نفس وضعك و سنهنئ بعضنا ان شاء الله يوم صدور نتائج باعلى معدلات و اي مساعدة في فلسفة انا هنا كوني ادرس اداب و فلسفة موفقة ان شاء الله لي و لكم النجاح

قريب بكاتني الفقرة تاعك لخرة
بربي ان شاء الله نديروا اللي علينا


بَاركـ الله فيكِي أُختـــِي ..

عَلى نَصَائحَكـي ووَفقَكي الله اْن شاَء ..فْي هَذا العَام ...

صَادِقة بْمَا قًلته ..فلاَ أَحد سَيبقَى لاَحد

تَحِيـــــــــــــَاتي..


شكراا إيمان لمرورك
إن شاء الله حنونة
نهار نراجعها رايحا نقولك نقاط الضعف وشكراا مسبقاا لكرمك حبيبتي

tistissa dj-tissou Mie Misaki

مشكورين بنات على مرووركم العطر جزاك الله خيرااا