عنوان الموضوع : يا الخاوا عاونوني ربي يحفظكم مسابقة جديدة
مقدم من طرف منتديات العندليب

أنا اخذت الباك شعبة رياضي بــ11.92 و بعثوني هندسة الإنتاج الالي في تلمسان مع العلم أني نسكن في قسنطينة يعني +900 كم و 12 ساعة في الحافلة باش نوصل لكن هذا ماراهوش مشكل المشكل هو انو اللي نهدرو عليها مايعرفهاش بحكم انو التخصص جديد و ماكانش دفعة تخرجت منو يعني مستقبل مجهول وزيد فوق هذا البرنامج فيه ليسونس وماستر برك يعني ماكانش دوكتوراه
هنا في قسنطينةstالناس كامل تنصحني باش ندير ترونسفار ونقرا
ياجماعة كون جيتو في بلاصتي واش اديرو
وسؤال ثاني هو إذا ما قررت أندير ترونسفار نقدر نديرو مع التسجيلات أو مع الدخول الجامعي وبارك الله فيكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

السلام عليكم
كون جيت في بلاستك ندير ترونسفار st مليحة بزاف الغاشي برك مش فايقلها
الترونسفار والله أعلم يكون في الدخول الجامعي بصح لازم تروح تسجل في هندسة الانتاج أولا وممبعد تقدر تدير ترونسفار
والله أعلم

=========


>>>> الرد الثاني :

باراك الله فيك خويا

=========


>>>> الرد الثالث :

والله نصحك دير تحويل شعبة التكنولوجيا لانها من بعد تتفرع لمجموعة هندسات كانت الخاوة تتعارك اعليها مثل في السنة الثانية ST+معدل مليح تقدر تسجل التخصص الي يعجك من الهندسات المليحة والله اعلم


=========


>>>> الرد الرابع :

شكرا اخي والله راني حاير

=========


>>>> الرد الخامس :

ماتحيرش حتنا رحت لبلعباس (هندسة كهربائية ) ور حت لقيتها يقرو فيها بلفرنسية في لخر ضيعت عام

=========


اي مساعدة اخرى؟