عنوان الموضوع : يا إخوتي بشأن transfert الله يحفظكم
مقدم من طرف منتديات العندليب

السلام عليكم ورحمة الله

إخوتي الكرام أنا حابة نبدل التخصص تاعي

كيفاه ندير

ويقبلولي ولا لالا؟؟؟؟

من فضلكم أي معلومة وشكرا


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

و عليكم السلام أختي
سمحيلي معنديش معلومات على واش راكي تبحثي نتمنى يفيدوك باقي الاعضاء
دخلت لهنا غير على جال هادي مدة متلاقيتكش واش راكي ؟
صح فطورك

=========


>>>> الرد الثاني :

وعليكم السلام ورحنة الله وبركاته
أول حاجة روحي سجلي في التخصص تاعك و ممبعد أستناي حتى سبتمبر وديري تحويل ومسألة يقبلولك ولا لا هذيك على حساب المعريفة والمعدل تاعك
والله أعلم
بالتوفيق

=========


>>>> الرد الثالث :

أهلا بيك أخت ليندا نورتي
كيف الحال؟؟؟؟
كلشي مبروك واش من تخصص بعتوك؟؟
صح فطورك
الأخ منذر بارك الله فيك
أنا معدلي 15,12
يعني يساعدني؟؟؟؟

=========


>>>> الرد الرابع :

منوره بيك اختي
انا عطاوني لغة انجليزية ماشي طموحي مي الحمد لله

=========


>>>> الرد الخامس :

قوليلي وش بعثوك ووش حابة تديري

=========


كلشي مبروك أختي إن شاء الله يكون لك فيها خير وتتميز فيها بإذن الله


أخ منذر أنا بعتوني مدرسة تحضيرية في العلوم والتقنيات عنابة
وحابة نبدل رياضيات وإعلام آلي قسنطينة

بإذن الله تقدري
علوم وتقنيات المعدل تاعها 14.73. وmi 13.55 وأنت الله يبارك 15
علوم وتقنيات تخصص مليح بزاف مي دبري راسك
على كل حال إذا جيتي لرياضيات وإعلام آلي قسنطينة راكي تلقايني إن شاء الله ^^
بالتوفيق

السلام عليكم راني حابة نسمع رايكم أنا وجهوني للمدرسة التحضيرية في العلوم الاقتصادية بتلمسان و راني حابة نبدل طب مع العلم ان المعدل تاعي 16,09
و إذا عندكم أي معلومات عن هذه المدرسة

زميلي بعثوه تكنولوجيا ومعدلو 12,19وحاب يبدل رياضيات واعلام الي زعما يقدر ويقبلولو مع انو معدلو يلحق لهذا التخصص وما عندوش المعرفة ,,,,,,,,, جاوبوني من فضلكم

يبارك فيك
المشاركة الأصلية كتبت بواسطة سوهيون
أخ منذر أنا بعتوني مدرسة تحضيرية في العلوم والتقنيات عنابة
وحابة نبدل رياضيات وإعلام آلي قسنطينة

بالتوفيق لك ايضا
من رأيي رياضيات و اعلام الي احسن انا كنت حابة نديرها مي المعدل نتاعي مسمحليش

والله أخ منذر علابالي بالي تخصص مليح mais تاع الدار ماش عاجبتهم كي عادت بعيدة
ومانيش قادر ناقشهم ,,,غلبت
وإن شاء الله نتلاقاو خويا ,,,,,,,,معريفة خير
شكرا ليك وبارك الله فيك على المساعدة الطيبة

الأخت أميرة الألماس والله ماعلابالي سامحيني
تفضلي إلى هاد الموضوع بالاك يساعدوك الأعضاء

https://www.djelfa.info/vb/showthread.php?t=1038873

صح فطوركم

شكرا ليك أخت ليندا
موفقة إن شاء الله ما تدريش بالك ربي شاف لك فيها الخير
أتمنى لك التميز فيه وأنا متأكدة من ذلك

أميرة الألماس
أختي طب صعيبة شوية باش تبدلي ليها psk تخصص مطلوب بزااف بصح مع المعدل تاعك و شويـــــــــــــة معريفة تقدري تبدلي

ronaldo.bba
أختي واشمن رياضيات وإعلام آلي
إلى كان تاع قسنطينة ولا باب الزوار ماشكيتش لكان يقدر معدل القبول فيها طالع شوي
بصح لاكان لوخرين نورمالمون يقدر والله أعلم
وزيد الشعبة تاعو إلا كان رياضيات ولا تقني رياضي ستكون الأمور أسهل بإذن الله
والله أعلم