عنوان الموضوع : عندي 2 باك اعلانات التوظيف
مقدم من طرف منتديات العندليب

انا نجحت العام اللي فات وسجلت في القبة استاذة علوم طبيعية لكن راهم حاسبيينني معيدة لأنني ماقريتش لعام وعاودت لباك


ولعام هذا سجلت هندسة معمارية وعمران


والله غير حرت وش نقرا خفت من حكاية معيدة في القبة و لاشتا يحرموني من الماجيستير

تعيشو عاونوني ماعرفت وش نخير ؟؟


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

وينكم ؟؟؟؟؟؟؟؟؟

=========


>>>> الرد الثاني :

القبــــــــة خير

=========


>>>> الرد الثالث :

الفبة خير وفور وبزور ولمن لا يعلم أحسن تخصص في الجزائر المدارس العليا للاساتذة عن تجربة ولن تندمي

=========


>>>> الرد الرابع :

moi je suis etudiante en architecture blida ben c'est une bonne filière mais l'etude et trop dure il faut que te sois trop patiente ,et biensur fiha l'avenir , mais je te conseille l kouba ç mieux wallah el3adim

=========


>>>> الرد الخامس :


السلام عليكم

صحا أختي , متحيريش روحك أنا نشوف بلي تقراي بالقبة خيــر

بصح مكانش اللعب الى زدتي عاودتي عام رحتي بالعافية

والى عادت الرغبة أنتاعك الهندسة كملي معاها

خاصة إلى عادت مدرسة تحضيرية أما إلى عادت ل م د نصيحة

من عندي ما تقرايهاش


وبالتوفيــــــــــــق,,,,,,,,,,,


=========


ولاه عاودتي لباك ودرتي تخصص الهندسة اومبعد حابة تولي للقبة
++
وفي الاختيار باينة يلا حابة تولي استادة تقري التلاميد ديري لقبة ولا حابة مهندسة ديري هندسة
والهندسة يلا تع لحراش باينة بلي الهندسة خير


هذا شي يولي ليك وش حابة تقراي

ربي يفقك

بدون اي اختاه
المدرسة العليا افضل
بالمناسبة انت متوسط ام ثانوية

انا علوم ثانوي انا كنت حابة طب بصح ربي ماكتبش عاودت على جالو

لمهم انا كنت حابة ندير ترونسفار استاذة اعلام آلي قالولي صعيبة درت ارشي قلت بلاك نقراها وكي سجلت ضرك راني مزالني حايرة

وزيد لقبة حاسبينني معيدة كون ندوبل يقولولي باي باي هههههه

السلام عليكم

هذى مداخلة صغيرة مني

شوفي نتي مدام عطاولك العام الي فات علوم قبة معنتها عندك فوق ال15 ادا كان هاك علاه متعاوديش تيري الباك نتاع ال2011 ومنبعد تسجلي به طب الاسنان ياخي راهم قابلينو ب15.18 وانشاء الله نتي في الباك نتاع العام الي فات يكون عندك كثر

هيا صح فيها شوية جريات بصح معليش وطب اسنان في بالي مليح

هدا منقدر نعاونك وراني زيد نسقسيلك

Mais pourquoi as-tu fait cela ? et combien tu as eu de moyennes le 1er et le 2ème BAC

كن بلوكيتي العام علابالك فالقبة 2 مرات تعاودي يقولولك باي باي
انا ختي تقرا لتما 5 فيزياء صعيبة بزاااف لقراية لتما
و انا هادا العام درت هندسة معمارية جامعة البليدة حابتها بزاااف بزيادة ماكاش فرق بين متخرج من جامعة ولا مدرسة انا بابا مدير مكتب دراسات قالي عمرنا ماقولنا هادا خرج من بليدة او هادا خرج من الحراش كامل كيف كيف
عندي فرصة نقرا فالقبة يقدر يدخلني استاد يقري لتما حتى انا راني حايرة برغم انا ميولي بعيد تماما عن التعليم
......حكيت حياتي هلههه
انصحك الا راكي من ولاية واحدوخرا علاخاطر تع لبلاد يحبوا بزاف التعليم او تساعدك بزاف كي تولي لداركم ديري تعليم او الا بنت العاصمة ماعليش تسوفري شوية فالهندسة
تختلف الاراء لكن القرار يعود لكي
بالتوفيق

المدرسة العليا و هندسة معمارية وعمران تخصصين رائعين شوفي ميولك

ربي يوفقك اختي