عنوان الموضوع : بخصوص الشبه طبي اعلان توظيف
مقدم من طرف منتديات العندليب

صديقتي تم توجيهها للمدرسة التحضيرية للعلوم الاقتصادية و التجارية وعلوم التسيير و هي الان تريد ان تقوم بالتحويل للشبه طبي مع العلم ان معدلها في الباك 13 فهل هذا ممكن وان كان نعم فكيف
ارجو المساعدة واجر الجميع على الله


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

تسجل عادي في الشبه الطبي ثم عند قبولها يعطوها ورقة باش تجيب بيها باك الاصلية من لمدرسة التحضيرية للعلوم الاقتصادية و التجارية وعلوم التسيير و تتم التسجيل

=========


>>>> الرد الثاني :

المشاركة الأصلية كتبت بواسطة abdou 07
تسجل عادي في الشبه الطبي ثم عند قبولها يعطوها ورقة باش تجيب بيها باك الاصلية من لمدرسة التحضيرية للعلوم الاقتصادية و التجارية وعلوم التسيير و تتم التسجيل



شكرا جزيلا بصح كيفاه دير يعني تسجل عادي بدون ان تضع طلب تحويل او ما شابه وان كان كذلك فماهي الوثائق اللازمة لذلك مع العلم اننا من ولاية البرج

=========


>>>> الرد الثالث :

ختي واش من شعبة صاحبتك هذي لي باغبيا تسجل شبه طبي قصدي اذا كانت لغات و لا ادبي ولا تسيير فهذه الشعب الثلاثة غير مرغوب فيها هذا العام و اذا كانت غير هذه الشعب فالتسجيل جد بيسط تروح لمعهد الشبه الطبي الخاص بالولاية تاعها مرفوقة ب :
1/ نسخة مصادق عليها لكشف النقاط
2/ نسخة مصادق عليها لشهادة النجاح
3/ شهادة طبية ( صدرية و عامة )
4/ طلب خطي للمشاركة مرفوق برقم الهاتف ( لانو الناجحين يتصلوا بيهم هاتفيا )
5/ ظرف بريدي معنون لازم يكون معاه تامبر تاع 15 دج
و في حال قبولها تسحب كشف النقاط الاصلي من المدرسة اللتحضيرية و تزيدلهم شويا كواغط كيما الجنسية و كازي جوديسيار ... الخ

سلام

=========


>>>> الرد الرابع :

تروح تسجل في الباراميديكال وكي يقبلوها يعكوها ورقة قبول تديها الى للمدرسة التحضيرية للعلوم الاقتصادية و التجارية وعلوم التسيير وكي تعطيهالهم يمدولها شهادة الباكالوريا تاعها ومن بعد تديها الى باراميديكال هذا ماكان و انشاء الله يقبلوها معدلها مليح

=========


>>>> الرد الخامس :

شكرا على المعلومات ربي يعطيكم ما تتمنونه

=========


صحيح ان مدرسة تحضرية متعبة وفيها دراسة كثيرة وفرنسية بصعوبة
لكن المستقبل يكمن هناك
كم من واحد يعمل في قطاع صحة ينصحني نصيحة يعني كبير لصغير ان لاادخل هذا القطاع
هرج يومي + شهرية تدخل بعد 5 اشهر بعد سنة لامسؤوولين
لامبالاة واهمال
مسؤوولية كبيرة
ارجوا التفكير من صديقتك فالمدرسة تحضيرية مستقبل واعد
التعب ينتج عنه المستقبل الرائع


المشاركة الأصلية كتبت بواسطة kaka9999
صحيح ان مدرسة تحضرية متعبة وفيها دراسة كثيرة وفرنسية بصعوبة
لكن المستقبل يكمن هناك
كم من واحد يعمل في قطاع صحة ينصحني نصيحة يعني كبير لصغير ان لاادخل هذا القطاع
هرج يومي + شهرية تدخل بعد 5 اشهر بعد سنة لامسؤوولين
لامبالاة واهمال
مسؤوولية كبيرة
ارجوا التفكير من صديقتك فالمدرسة تحضيرية مستقبل واعد
التعب ينتج عنه المستقبل الرائع




لكن ماهو هذا المستقبل? فلا شيء هناك مضمون ايضا يعني تخاطر بعام من حياتها من اجل شيء غير مضمون فهناك يجب ان تنجح في جميع المواد يعني لا يكفي ان تتتحصل على المعدل لتنتقل و الاكثر من ذلك اذا رسبت يعاد توجيهها =اي تخاطر بعام من حياتها