عنوان الموضوع : أنصحوني يا جماعة ..
مقدم من طرف منتديات العندليب

السلام عليكم و رحمة الله وبركاته

ديت باك 2015 بمعدل 12.60 شعبة الرياضيات .. سجلت علوم إقتصادية التسير و علوم تجارية

درت التحويل للوقاية و أمن صناعي .. ندمت بعدما سمعت أن قرايتها واعرة بزاف و زيد الخدمة قليلة وغير مضمونة

و لي يقول العكس يعطينا الدليل .. راني نفكر نرجع علوم إقتصادية ولا ندير تحويل لتكنولوجيا و نتخصص في الهندسة المدنية

كاين لي راح يقول العلوم الإقتصادية مافيهاش خدمة .. أكتب في غوغل كلمة توظيف و شوف واش من تخصص راهم طالبين

و زيد العلوم الإقتصادية تقدر تحل عند روحك .. محاسب و لا شركة صغيرة للتأمينات مثلا ..

أنصحوني يا جماعة ..


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

نصيحة لوجه الله خليك من علوم إقتصادية وتجارية خصوصا في الجامعات درسها في مدرسة العليا للتجارة ولا معهد راني معاك لكن في لجامعة غير دير تخصص علمي مدام أنك تحصلت على باك رياضيات
وربي يوفقك

=========


>>>> الرد الثاني :

كون درتي مدرسة عليا للاساتذة رام فتحو دورة استثنائية

=========


>>>> الرد الثالث :

المشاركة الأصلية كتبت بواسطة غنوة الجزائرية
نصيحة لوجه الله خليك من علوم إقتصادية وتجارية خصوصا في الجامعات درسها في مدرسة العليا للتجارة ولا معهد راني معاك لكن في لجامعة غير دير تخصص علمي مدام أنك تحصلت على باك رياضيات
وربي يوفقك

علاه واش بيها العلوم الإقتصادية في الجامعات

و زيد الشهادة لي تتخرج بيها من الجامعة ولي تتخرج بها من المعهد ماشي كيفيك

في التوظيف طالبين الشهادة الجامعية في العلوم الإقتصادية ..

=========


>>>> الرد الرابع :

خو انا نقلك رأيي ونتا دبر راسك . حكاية الخدمة في الجزائر متحكيش عليها (المعرفة . الرشوة . المحسوبية+ الاولوية للنساء . )

زيد حاجة خرى كل تخصص تلقى فيه ألوف موألفة . يعني واش رانا نشوفو مكانش افضل من مدارس العليا ( تتخرج تلقى بلاصتك طول)

شوف اذا كان عندك ارادة قوية وقادر تقرى دير تخصص صعيب شوية ويكون مليح .

واذا كان العكس اختر تخصص باش ماضيعش وقتك ومتكرهش .

ربي يوفقك انشاء الله

=========


>>>> الرد الخامس :

المشاركة الأصلية كتبت بواسطة 'مــــــــــــرجان نينو'
خو انا نقلك رأيي ونتا دبر راسك . حكاية الخدمة في الجزائر متحكيش عليها (المعرفة . الرشوة . المحسوبية+ الاولوية للنساء . )

زيد حاجة خرى كل تخصص تلقى فيه ألوف موألفة . يعني واش رانا نشوفو مكانش افضل من مدارس العليا ( تتخرج تلقى بلاصتك طول)

شوف اذا كان عندك ارادة قوية وقادر تقرى دير تخصص صعيب شوية ويكون مليح .

واذا كان العكس اختر تخصص باش ماضيعش وقتك ومتكرهش .

ربي يوفقك انشاء الله

شكراا خويا .. كيما واش تخصص صعيب شوية ويكون مليح واش تقترح ..؟

=========


يا جماعة أنا متردد أكثر ما بين الهندسة المدنية و الوقاية و الأمن الصناعي

أرجواا أن تساعدونـــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـي