عنوان الموضوع : نجحت في مسابقة رئيس محقق رئيسي للمنافسة مسابقة جديدة
مقدم من طرف منتديات العندليب

السلام عليكم
انا اليوم عيطولي و قالولي نجحتي في مسابقة رئيس محقق رئيسي للمنافسة و التحقيقات الاقتصادية و قالولي ربحتي ، الحمد لله
بصح خوفوني من هذي الخدمة و قالولي ماشي مليحة للاناث انا راني حايرة و معرفتش واش ندير بغيت منكم كاش واحد يخدم نفس الخدمة يقولي و خاصة البنات


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

bel barak alik bessah wach men wilaya

=========


>>>> الرد الثاني :

ولاية مستغانم اخي

=========


>>>> الرد الثالث :

فقط لا تستمعي لمثل هذه الاقاويل و الهدف منها داخل الادارة هي ابعاد العنصر النسوي لانها عاطفية نوعا ما اكثر من الرجال مما يؤثر على عملها . و هذا نظريا اما تطبيقيا امر اخر .
ما يهمناش من الاقاويل لكن عمل المرأة في هذا المجال افضل من الرجل من نواحي لا اذكرها و ستعرفين ذلك مع الوقت في العمل .
و تذكري دائما هذا الموضوع في الرابط و كيف كنت تبحثين ههههههههههه
https://www.djelfa.info/vb/showthread.php?t=1657804

=========


>>>> الرد الرابع :

شكرا اخي ربي يحفظك

=========


>>>> الرد الخامس :

مبروك عليك اختي

=========


bel barakka 3lik khti


مبروك عليك أختي

المشاركة الأصلية كتبت بواسطة فرناس وهران
فقط لا تستمعي لمثل هذه الاقاويل و الهدف منها داخل الادارة هي ابعاد العنصر النسوي لانها عاطفية نوعا ما اكثر من الرجال مما يؤثر على عملها . و هذا نظريا اما تطبيقيا امر اخر .
ما يهمناش من الاقاويل لكن عمل المرأة في هذا المجال افضل من الرجل من نواحي لا اذكرها و ستعرفين ذلك مع الوقت في العمل .
و تذكري دائما هذا الموضوع في الرابط و كيف كنت تبحثين ههههههههههه
https://www.djelfa.info/vb/showthread.php?t=1657804

الاخ فرناس راك تشجع في جنس اللطيف الله يهديك

المشاركة الأصلية كتبت بواسطة amine eco
الاخ فرناس راك تشجع في جنس اللطيف الله يهديك

ههههههههه ليس تشجيع اخي و انما هي خطة فرناسية جديدة مغزاها ادخال العنصر النسوي الى مجالات العمل الصعب مثل المفتش و المراقب و الشرطي لكي تعرف العمل تع الصح ...الشر تاني مليح في بعض الاحيان أمين و هذا للمصلحة العامة . و زيد هي ربحت ربحت ها زوقلها شوية و خليها تعوم سبحان الله راهي عضو معانا اللا ... كنت نقارع في واحد يدخل يهدر هاذ الهدرة ...قارع التالية.

خدمة مليحة راقدة و تمونجي عندك محاضر كل 15 يوم تحاسبي بيهم و ارقدي
الراتب 32800 دج المنحة 15000 كل 3 أشهر و 10000 كل 6 اشهر
ماكيش ملزمة باه تعملي في المكتب 80 بالمئة في الخارج
المهم نوصيك حاجة مهمة كي تنطلقي في العمل ردي بالك يخرجوك في مهمة مراقبة بدون أمر بمهمة أو قبل ما يخدمولك البطاقة تاعك الخاصة بالتفويض بالعمل
أي استفسار تفضل راني فس الوظيفة
أتمنى ان اكو افدت الجميع و الف مبروك للناجحين

المشاركة الأصلية كتبت بواسطة amir 004
خدمة مليحة راقدة و تمونجي عندك محاضر كل 15 يوم تحاسبي بيهم و ارقدي
الراتب 32800 دج المنحة 15000 كل 3 أشهر و 10000 كل 6 اشهر
ماكيش ملزمة باه تعملي في المكتب 80 بالمئة في الخارج
المهم نوصيك حاجة مهمة كي تنطلقي في العمل ردي بالك يخرجوك في مهمة مراقبة بدون أمر بمهمة أو قبل ما يخدمولك البطاقة تاعك الخاصة بالتفويض بالعمل
أي استفسار تفضل راني فس الوظيفة
أتمنى ان اكو افدت الجميع و الف مبروك للناجحين

احرزي روحك...ماكانش خدمة في الجزاير الواحد ما يحرزش روحه ...لانك تتعامل مع جزائري

004 امير شكرا اخي بصح حبيت نسقسيك وين نخدم في المديرية و لا في البلدية نتاعي
و سؤال اخر نخرجوا كل يوم للمراقبة

انتقلي الموضوع التالي و ضعي تساؤلاتك هناك واطلعي عليه من البداية الى النهاية
https://www.djelfa.info/vb/showthread.php?t=1667717

بالنسبة لمكان العمل كل مديرية و كيفاه خاصة لك على الاغلب يكون كالتالي :
كي يعيطولك تمضي محضر التنصيب و هذا يعني انك حكمتي الخدمة 100 بالمئة و ممكن يطلبو عليك ملف تكمليه
تقدري تخدمي في المديرية الولائية لعدة أيام و ثم تقدمي طلي تبديل أو نقل و تكون عملية سهلة اذا عندك معريفة أو تتكلمي مع المدير مباشرة و تقدري تخدمي لعدة أشهر و من ثم تطلبي التبديل و احتمال اخر في حالة كاين منصب فارغ في المفتشية الموجودة في البلدية تاعك مباشرة يعينوك فيها و تتهناي ..هذه جميع الاحتمالات
بالنسبة للعمل في المديرية هذا سيكون حسب طبيعة المكتب لي يحطوك فيه ممكن مصلحة النزاعات ممكن الاسواق و الفضاءات التجارية و فيها حوايج ملاح مثلا تكوني على اطلاع بكل صغيرة و كبيرة المسابقات الترقيات الخ
في المفتشية مقسمة الى فرق يعني تخدمي مع راجل او امراة حسب اختيارك بالتشاور مع رئيس المفتشية
بالنسبة للعمل ماتخرجيش كل يوم لازمك تشتغلي بذكاء نهار تخرجي للمراقبة و تحرير الاستدعاءات و تمدي موعد للتجار و تحدي النهار لي تستقبلي فيه التاجر لي عندو كلش مليح يروح يروح و لي عندو مخالفة تهزي المعلومات تاعو
كي تكملي تختاري الوقت لي تحري فيه المحاضر و باقي الوقت تقراي الجريدة ...
هذا بصفةعامة و عندك مثلا تخدمي اسادعاءات لمراقبة الحسابات الاجتماعية للشركات و مراقبة المقاولين للاسمنت هذا الامور تتعلميها بالدرجة و الممارسة و حسب التخصص لي تحكميه في المديرية
لكن حاليا بما انك جديدة و ما عندكش بطاقة التفويض بعمل تقدري تقدمي المساعدة و تتعلمي فقط لانك ماكيش محمية قانونيا