مشكلة مبكية مضحكة ارواحو تجرو ................. تم حل المشكلة
عنوان الموضوع : مشكلة مبكية مضحكة ارواحو تجرو ................. تم حل المشكلة
مقدم من طرف منتديات العندليب
السلام عليكم
إعتدنا دوما في قسم المشاكل الإجتماعية على مشاكل محزنة وأمور إجتماعية وعلاقات أسرية تفطر القلوب
لكنني اليوم سأقص عليكم مشكلة
مبكية مضحكة
المهم هو يراقبني ممكن من حقو حتى يعرف مليح الفتاة اللي إختارها https://eemoticons.net/Upload/Anne%2...0165%20(2).gif
انا رفضت الزواج إتصلت امي به قاتلو انا قبلت ولكنها رفضت بسبب المرض طلب الإذن من امي ليكلمني ويقنعني ويحضر اهلهhttps://dc01.arabsh.com/i/00077/8vg8xmmi67i9.gif لكنني أردت الكلام معه حتى يبتعد عني ولا يعود لطرح الفكرة وهنا بدأ المسلسل https://eemoticons.net/Upload/little...tleGirl113.gif
تخيلو اول ما كلمتو سالني عن احوالي وغيرو من الأسئلة قتلو من فضلك شكرا على نواياك ولكن انا ما نتزوجش وبارك الله فيك وربي يجيبلك مباشرة قالي انا ما يهمنيش إنك مريضة وعندي مدة نراقبك وإنت شريكة حياتي https://eemoticons.net/Upload/Baby%20Soldier/23.gifوهات يا رومانسية وكانو انا والسيد هذا شاركنا في مسلسل تركي وحتى انا من زوّار تركيا https://eemoticons.net/Upload/little...tleGirl010.gif
المهم حاول إقناعي وانه يريدني ولا يهمه اي امر قلت يا مريم هذا ملاك وليس رجل https://eemoticons.net/Upload/Baby%20Soldier/17.gif
ولكن الكارثة ما قاله بعدها كلام لا يخطر على بال وهنا المضحك والمبكي يا جماعة بعد كل هاته المقدمة تخيلو شروطه قالي لي شروط
لا هاتف ولا صديقات ولا دخول ولا خروج إلا معي وهنا عادي من حقّه وبدأ بعد ان اخطبك الاكبد ان مسؤول عنك وكل امورك لانك زوجتي سألني هل عندما اخطبك آتي لزيارتك كل يوم https://dc02.arabsh.com/i/00095/7jbl83520y39.gifوآراك فانا اشتاق لك هنا صاعقة الملاك تحول إلى رجل ككل الرجال ولكنه وقح زيادة قلت له لا ابدا من مناسبة لمناسبة وبوجود امك او اختك امي ترفض قال هذا من حقي ولازم نشوفك قتلو لالا ماشي لازم .. قالي خلاص خلاص من بعد نهدرو عليها قتلو لالا الهدرة الآن تخيلو ردو ... اووووووف وشعال مقلقة خلينا فالمفيدhttps://dc02.arabsh.com/i/00095/29rbzifwjjs0.gif يا حوجي يانا هذا خطيب هذا راه حسبني مرتو عندو فالدار وقاعد ينسف عليا وفي اول إتصال بيني وبينو https://eemoticons.net/Upload/Baby%20Soldier/104.gif
بعدها قالي ولما نجي نزورك واش تلبسي قتلو عفوا ما فهمتش واش نلبس ؟ قالي انا نحب خطيبتي تكون شابة على جالي قتلو هذي خطيبتك لازم تكون هكذا هذي امور إنت لا دخل لك فيها هذا هندامها وما تنساش نكونو مجرد مخطوبين كل شي عندو حدود قالي علاه واش من حدود نتوما تفكرو هكذا اواه لالا انا لما نخطبك اللي نهدرها تمشي نحب المرا كي نقولها موتي تموت ............. ويا صفارة القطار نتاع مريم بدات تعيط وقلت هذا اليوم فيا او فيه نخليه يندم إنو فكر يخطبني https://dc02.arabsh.com/i/00095/0bhr55yyrekg.gif
قتلو شوف يا السي خاطب يا عزرئيل يا اللي تقول للناس موتو يموتو عندك يماك قالي نعم الحمد لله قتلو اما مقلقة وقادرة نضربها قالي عادي نساعفك كلنا مقلقين https://dc02.arabsh.com/i/00095/zigv3b5ab3vc.gif
قتلو باباك موجود وخاوتك قالي نعم ونسكنو معاهم حد وين نكمل البنيان قتلو انا ماتعرفش حاجة واسمها السترة قالي عادي خذي راحتك بابا يتفهم إنو عرسان وتلبسي على جالي ........واع هذا ديناصور ماشي راجل https://eemoticons.net/Upload/Baby%20Soldier/40.gif
كل كلامي نوضح فيهم سلبياتي ونزيد وهو موافق بينلي إنو مختل عقليا وصلت الدرجة وين قالي راكي مع راجل يعني لو تتفهميني وتكوني حنينة معايا وممكن نغلطو انا وإنت كوني اكيدة راح نتحمل مسؤوليتي ونتزوجك قتلو واش نغلطو وواش تتحمل مسؤوليتك واش هذا الوقاحة نتاعك https://dc02.arabsh.com/i/00095/sma080kwnrcd.gif شوف إمالا ردي على الزواج منك
إنت ماشي تحوس تتزوج إنت تحوس عشيقة وراك غلطت فالعنوان وآخر مرة تتصل برقم امي وإنت من رأي روح إنتحر أو شوف طبيب نفسي لانك مريض نفسي ولو تتصل راح نوصلك للمشاكل وكوبيت في وجهو
تخيلو الخاطب المريض جا قدام باب دارنا نعم روميو مريم المريض جا امام بيت منزلنا https://dc02.arabsh.com/i/00095/1m54t9u9f0r3.gifوانا ما نعرفوش اول ما فتحت الباب حتى نسيق حاشاكم لقيت شاب امام دارنا كنت بحجابي وخماري طبعا جيت داخلة قالي إسمحيلي هنا دار خالتي فلانة على امي قتلو نعم قالي انا هو اللي جيت نخطبك https://dc02.arabsh.com/i/00095/4a4ue7d2zpjc.gif
قولولي نبكي او نضحك او واش ندير دهشت لوقاحتو او هو مريض لا ادري قتلو واش راك دير قدام دارنا ومن فضلك روح منا قالي إسمعي أقبلي على قاع واش قتلك وحاجة ما تخصك معايا وغدوة دارنا راهم جايين قتلو ما تفهمش كيفاه يجو داركم مباشرة وانا راني رافضة وما نتزوجش بيك روح ربي يجبلك تتخيلو سبني بإسم الله وكلام لا يقال وقالي إنت وحدة معقدة وجاتك فرصة وراطيتيها حملت الهاتف إتصلت بزوج اختي جا وطبعا ضربو دابزو وهنا هل تضنو إنو راح لا ابدا مازال يراقبني امام باب بيتنا
خبروني واش رايكم
وكيفاه ندير انا ضرك لو نوصلها للمشاكل الناس ما ترحمش قادرين يقولك هي تعرفو
لو نسكت امي تروح للخدمة بكري بزاف وانا نظل وحدي ونخاف لانو بانلي ماراهش عادي
واش ندير انا
قصتي مبكية مضحكة ولكنها ضحكتني صدقوني مهبوووووووووووووووووول
خبروني يا رجال هذا رجل او وقح وانا واش ذنبي في عقليات متخلفة
عذرا طولت عليكم لكن كان لازم نحكيلكم كل شي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
والله ضحكت حتان شبعت اسف مي ضحكت حتى انكمشت هههههههههههههه
الرسومات يعني في محلها من الاعراب وكل رسم يحكي قصة
هذا انسان صعلوك بحق
لي عودة لللتفصيل
__________________________________________________ __________
>>>> الرد الثاني :
السلام عليكم اخي
وانا كتبتو ونضحك تعرف هم يبكي ويضحك وحبيت نضحك الاعضاء مش كل المشاكل تحزن كاين مرات مشاكل تخليك تضحك من قلبك
ناس مهابل وقالك اسيدي جاتني فرصة وراطيتها https://3andlib.xplainer.net/images/smilies/1.gifhttps://3andlib.xplainer.net/images/smilies/1.gif
الله يشفيه
شكرا وانتظر رأيك وكيف اتصرف لو عاد وعارفاتو يرجع عند دارنا خايفة نكبر المشكل او نضربو نقتلو https://3andlib.xplainer.net/images/smilies/1.gif شكرا لك
__________________________________________________ __________
>>>> الرد الثالث :
ههههههههههه
ما فهمت هادا عشق ولا سحر اصابو ربي يصبرو مسكين صرى ليه كيما انا غير انو هوفقد عقلو وانا بقى لي شوي ربي يقدر الخير
__________________________________________________ __________
>>>> الرد الرابع :
يا مريم ربي يكون معاك حنونة اعتبريه فاتحة خير وربي قادر على كل شيء كيما جابلك هذا قادر يجيب ما أحسن منه قريبا ان شاء الله ...لاتيأس من رحمته وأفرحي وأضحكي فغدا يوم اخر
__________________________________________________ __________
>>>> الرد الخامس :
basiti wekhlass rabi m3ak okhti 3andek hel wahed selli istikhara wed3i rebi ibaynlek inchallah
