عنوان الموضوع : مشكلة مبكية مضحكة ارواحو تجرو ................. تم حل المشكلة
مقدم من طرف منتديات العندليب

السلام عليكم

إعتدنا دوما في قسم المشاكل الإجتماعية على مشاكل محزنة وأمور إجتماعية وعلاقات أسرية تفطر القلوب

لكنني اليوم سأقص عليكم مشكلة

مبكية مضحكة

هل سمعتم آخر الأخبار؟


مريم جائها عريس نعم خاطب منذ أيام قليلة ..... لالا إنتظرو لا تباركو حتى اكمل القصة للأخير
عريسنا وتابعو القصة جيدا سانقلها لكم كما حدثت بالتفصيل ولكم الحكم بما انكم بمكانة اهلي وإخوتي اتمنى مشورتكم ولو انني تصرفت لكن لكم الحكم بكل مصداقية

العريس قال إنو منذ مدة يراقبني وين نروح يكون ورايا وانا لا خبر ولا شفتو ولا حتى نعرف شكلو
المهم هو يراقبني ممكن من حقو حتى يعرف مليح الفتاة اللي إختارها
وبعد ان عرف كل المعلومات ذهب إلى مقر عمل امي حتى يكلّمها طبعا تحدث مع أمي ولو تضحكون امي اول ما قال لها انا قاصدك نجيب دارنا ونخطب بنتك امي نساتني قاتلو ما عنديش طفلة للزواج أمي في بالها انا مريضة ونسينا موضوع الزواج نهائيا المهم قالها بنتك وشفتها معاك وسقسيت عليها المهم وضّح نيتو قاتلو امي انا خاطيني المهم موافقتها هي ولو نصارحك الطفلة مريضة وماراناش نخمو نزوّجوها

المهم خلالها رقم الهاتف وقالها كان وافقتو إتصلو بيا حتى نجيب دارنا
المهم امي جات من الخدمة قاتلي جا واحد عندي يخطبك انا قتلها شكون هذا ومن وين قلت يا مريم هل من معجب من المنتدى المهم خبرتني بكل معلومات واش قاللها وسالتني امي قتلها انا مريضة وتعرفي موضوع الزواج رافضاتو طبعا بدات إتصالات أمي بوزير الداخلية وهي اختي المتزوجة التي سارعت للقبول وقاتلها خليها تفرح كان قابلها مريضة خليها تتزوج

انا رفضت الزواج إتصلت امي به قاتلو انا قبلت ولكنها رفضت بسبب المرض طلب الإذن من امي ليكلمني ويقنعني ويحضر اهله لكنني أردت الكلام معه حتى يبتعد عني ولا يعود لطرح الفكرة وهنا بدأ المسلسل
تخيلو اول ما كلمتو سالني عن احوالي وغيرو من الأسئلة قتلو من فضلك شكرا على نواياك ولكن انا ما نتزوجش وبارك الله فيك وربي يجيبلك مباشرة قالي انا ما يهمنيش إنك مريضة وعندي مدة نراقبك وإنت شريكة حياتي وهات يا رومانسية وكانو انا والسيد هذا شاركنا في مسلسل تركي وحتى انا من زوّار تركيا
المهم حاول إقناعي وانه يريدني ولا يهمه اي امر قلت يا مريم هذا ملاك وليس رجل
ولكن الكارثة ما قاله بعدها كلام لا يخطر على بال وهنا المضحك والمبكي يا جماعة بعد كل هاته المقدمة تخيلو شروطه قالي لي شروط
لا هاتف ولا صديقات ولا دخول ولا خروج إلا معي وهنا عادي من حقّه وبدأ بعد ان اخطبك الاكبد ان مسؤول عنك وكل امورك لانك زوجتي سألني هل عندما اخطبك آتي لزيارتك كل يوم وآراك فانا اشتاق لك هنا صاعقة الملاك تحول إلى رجل ككل الرجال ولكنه وقح زيادة قلت له لا ابدا من مناسبة لمناسبة وبوجود امك او اختك امي ترفض قال هذا من حقي ولازم نشوفك قتلو لالا ماشي لازم .. قالي خلاص خلاص من بعد نهدرو عليها قتلو لالا الهدرة الآن تخيلو ردو ... اووووووف وشعال مقلقة خلينا فالمفيد يا حوجي يانا هذا خطيب هذا راه حسبني مرتو عندو فالدار وقاعد ينسف عليا وفي اول إتصال بيني وبينو

بعدها قالي ولما نجي نزورك واش تلبسي قتلو عفوا ما فهمتش واش نلبس ؟ قالي انا نحب خطيبتي تكون شابة على جالي قتلو هذي خطيبتك لازم تكون هكذا هذي امور إنت لا دخل لك فيها هذا هندامها وما تنساش نكونو مجرد مخطوبين كل شي عندو حدود قالي علاه واش من حدود نتوما تفكرو هكذا اواه لالا انا لما نخطبك اللي نهدرها تمشي نحب المرا كي نقولها موتي تموت ............. ويا صفارة القطار نتاع مريم بدات تعيط وقلت هذا اليوم فيا او فيه نخليه يندم إنو فكر يخطبني

قتلو شوف يا السي خاطب يا عزرئيل يا اللي تقول للناس موتو يموتو عندك يماك قالي نعم الحمد لله قتلو اما مقلقة وقادرة نضربها قالي عادي نساعفك كلنا مقلقين
قتلو باباك موجود وخاوتك قالي نعم ونسكنو معاهم حد وين نكمل البنيان قتلو انا ماتعرفش حاجة واسمها السترة قالي عادي خذي راحتك بابا يتفهم إنو عرسان وتلبسي على جالي ........واع هذا ديناصور ماشي راجل
كل كلامي نوضح فيهم سلبياتي ونزيد وهو موافق بينلي إنو مختل عقليا وصلت الدرجة وين قالي راكي مع راجل يعني لو تتفهميني وتكوني حنينة معايا وممكن نغلطو انا وإنت كوني اكيدة راح نتحمل مسؤوليتي ونتزوجك قتلو واش نغلطو وواش تتحمل مسؤوليتك واش هذا الوقاحة نتاعك شوف إمالا ردي على الزواج منك

إنت ماشي تحوس تتزوج إنت تحوس عشيقة وراك غلطت فالعنوان وآخر مرة تتصل برقم امي وإنت من رأي روح إنتحر أو شوف طبيب نفسي لانك مريض نفسي ولو تتصل راح نوصلك للمشاكل وكوبيت في وجهو

تخيلو الخاطب المريض جا قدام باب دارنا نعم روميو مريم المريض جا امام بيت منزلنا وانا ما نعرفوش اول ما فتحت الباب حتى نسيق حاشاكم لقيت شاب امام دارنا كنت بحجابي وخماري طبعا جيت داخلة قالي إسمحيلي هنا دار خالتي فلانة على امي قتلو نعم قالي انا هو اللي جيت نخطبك

قولولي نبكي او نضحك او واش ندير دهشت لوقاحتو او هو مريض لا ادري قتلو واش راك دير قدام دارنا ومن فضلك روح منا قالي إسمعي أقبلي على قاع واش قتلك وحاجة ما تخصك معايا وغدوة دارنا راهم جايين قتلو ما تفهمش كيفاه يجو داركم مباشرة وانا راني رافضة وما نتزوجش بيك روح ربي يجبلك تتخيلو سبني بإسم الله وكلام لا يقال وقالي إنت وحدة معقدة وجاتك فرصة وراطيتيها حملت الهاتف إتصلت بزوج اختي جا وطبعا ضربو دابزو وهنا هل تضنو إنو راح لا ابدا مازال يراقبني امام باب بيتنا

خبروني واش رايكم

وكيفاه ندير انا ضرك لو نوصلها للمشاكل الناس ما ترحمش قادرين يقولك هي تعرفو
لو نسكت امي تروح للخدمة بكري بزاف وانا نظل وحدي ونخاف لانو بانلي ماراهش عادي
واش ندير انا

قصتي مبكية مضحكة ولكنها ضحكتني صدقوني مهبوووووووووووووووووول
خبروني يا رجال هذا رجل او وقح وانا واش ذنبي في عقليات متخلفة
عذرا طولت عليكم لكن كان لازم نحكيلكم كل شي




>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

والله ضحكت حتان شبعت اسف مي ضحكت حتى انكمشت هههههههههههههه
الرسومات يعني في محلها من الاعراب وكل رسم يحكي قصة

هذا انسان صعلوك بحق

لي عودة لللتفصيل


__________________________________________________ __________

>>>> الرد الثاني :

المشاركة الأصلية كتبت بواسطة الغريب المنسي
والله ضحكت حتان شبعت اسف مي ضحكت حتى انكمشت هههههههههههههه
الرسومات يعني في محلها من الاعراب وكل رسم يحكي قصة

هذا انسان صعلوك بحق

لي عودة لللتفصيل

السلام عليكم اخي
وانا كتبتو ونضحك تعرف هم يبكي ويضحك وحبيت نضحك الاعضاء مش كل المشاكل تحزن كاين مرات مشاكل تخليك تضحك من قلبك
ناس مهابل وقالك اسيدي جاتني فرصة وراطيتها
الله يشفيه
شكرا وانتظر رأيك وكيف اتصرف لو عاد وعارفاتو يرجع عند دارنا خايفة نكبر المشكل او نضربو نقتلو شكرا لك


__________________________________________________ __________

>>>> الرد الثالث :

ههههههههههه
ما فهمت هادا عشق ولا سحر اصابو ربي يصبرو مسكين صرى ليه كيما انا غير انو هوفقد عقلو وانا بقى لي شوي ربي يقدر الخير

__________________________________________________ __________

>>>> الرد الرابع :

يا مريم ربي يكون معاك حنونة اعتبريه فاتحة خير وربي قادر على كل شيء كيما جابلك هذا قادر يجيب ما أحسن منه قريبا ان شاء الله ...لاتيأس من رحمته وأفرحي وأضحكي فغدا يوم اخر

__________________________________________________ __________

>>>> الرد الخامس :

basiti wekhlass rabi m3ak okhti 3andek hel wahed selli istikhara wed3i rebi ibaynlek inchallah