عنوان الموضوع : الى الاخت ام رمزي وكل من طلبت مني طريقة عجن المطلوع ....شرح وتفصيل بالصور من اول خطوة الى اخرها طريقة جزائرية
مقدم من طرف منتديات العندليب
السلام عليكم ورحمة الله وبركاته
حبيباتي رغبة الى طلب الاخت ام رمزي وكل من احبت ان تتعلم طريقة عجني للمطلوع اقدم اليكن التفاصيل بالشرح والصورة
بداية مع المقادير
فرينة حسب الحاجة ..البارحة اكثرت كان عندي ضيوف بالرغم من ذلك لم يبق منها شيء +الملح +خميرة الخبز+خميرة الدار +حب الطيبة او البعض يسميه السانوج +ماء بارد .....استثناء في الصيف والعكس في الشتاء تكون بماء دافئ
https://store2.up-00.com/Apr13/0pv64049.jpg
اضيفي لها الماء
https://store2.up-00.com/Apr13/Mwb64049.jpg
بعدها لايميها ملزمش تكون جارية في الاول باه تقدري تدلكيها شوية مشي بزاف
https://store2.up-00.com/Apr13/72864049.jpg
وبعدها بيدك اضيفي الماء ودبزيها كما في الصورة
https://store2.up-00.com/Apr13/Rs764049.jpg
ثم قومي برفعها من الاسفل الى الاعلى ومن كل جانب
https://store2.up-00.com/Apr13/mi564290.jpg
وبعدها زيدي ديري يديك في زوج ورفعيها باش يدخل فيها الهوا وتجيك خفيفة وهشة
https://store2.up-00.com/Apr13/WoB64290.jpg
بعدها غطيها وخليها تريح فترة قصيرة يعني حوالي 15 د في هذ الفترة مسحي السنياوات بالزيت ورشيهم بالسميد مخلط بالفرينة
https://store2.up-00.com/Apr13/86b64290.jpg
بعدها عاودي فشيلها الطلوع وليميها ثم عاودي ارفعيها من الاسفل الى الاعلى ومتنسايش ديما تشمخي يدك بالماء ومتكثريش باه ماتجيكش جارية والعكس متخليهاش يابسة وناشفة عينك هي ميزانك وعاودي غطيها وخليها ترتاح حتى كي تشوفيها طلعت عاودي نحيلها الطلوع وليميها كما في الصورة وديري الفرينة بالجنب باه تقطعي فوقها الخبز نتاع الكسرة
https://store2.up-00.com/Apr13/uzC64290.jpg
بعدها قطعي بيدك العجينة حسب حجم السني نتاعك كما في الصورة ثم ليميها في نقطة واحدة على الفرينة
https://store2.up-00.com/Apr13/C6C64272.jpg
ثم احميلها بيدك ونفضيها من الفرينة وحطيها في السنيوة وكملي مع باقي العجين باه تقعدك القصعة خاوية وتقدري تخبزي فيها
https://store2.up-00.com/Apr13/7Dm64272.jpg
حطيها في السنيوة وزيدي الباقي يعني متخبزيش حتى تكملي كامل العجين
https://store2.up-00.com/Apr13/ZON64272.jpg
بعدها نحيها من السنيوة وخبزيها غير شوي يعني متخليها تكبرلك في القصعة
https://store2.up-00.com/Apr13/zxk64272.jpg
ثم رفعيها بيدك وشيليها كيما البيتزا ...باه تجي خفيفة مش غليطة وتجي هشة من الداخل لهذا قلت لك ماتخبزيهاش بزاف في القصعة يعني متكبريهاش باه كي تشيليها بين يديك متفقديش السيطرة عليها
https://store2.up-00.com/Apr13/s7l64904.jpg
https://store2.up-00.com/Apr13/Ycb64904.jpg
https://store2.up-00.com/Apr13/hlh64904.jpg
تحطيها في السني مباشرة وكملي مع الباقي نفس الطريقة ...
ملاحظة :
كي تخبزي الكسرة نتاعك عمرك لا تقويلها الفرينة باه تخليلها شكل شباب كي تطيب يعني متجيكش شهبة بالفرينة
بعدها غطيها مليح بكتانة وفوقها زيدي جلد نتاع الطابلة غطي بيه باه المطلوع نتاعك مايضربوش الهوا وتجيك مشلحة
كي تشوفي العجينة طلعت ...يعني دخليشوية من صبعك فوقها وشوفي اذا هبط وبلخف طلع اعرفي بلي خلاص راهي واجدة واذا انت كثرتي مثلي العجين طيبي الاوائل والباقي ديريه في الثلاج وغطيه باه مايخسرلهاش الطلوع من السخانة
https://store2.up-00.com/Apr13/b3w64904.jpg
وهذا شكلها وهي تطيب في الكوشة
https://store2.up-00.com/Apr13/ChQ66847.jpg
وهذا بعد ما طيبتهم كامل
والباقي استمتعو به بعدما قطعتو وحطيتو على طاولة الافطار
https://store2.up-00.com/Apr13/wA966847.jpg
https://store2.up-00.com/Apr13/rlf66847.jpg
https://store2.up-00.com/Apr13/2Qm66847.jpg
شهية طيبة وان شاء الله تعجبكم
ارجوا ان تدعوا لامي بالشفاء العاجل يارب
فهي من علمني هذه الطريقة في العجينة
الحمد لله على كل حال ونعوذ بالله من سوء الاحوال
صح صيامكم وربي يتقبل منا ومنكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
امممممممممممم مطلوع وعليه الكلام
يعطيك الصحة حبيبة ربي يخليك
__________________________________________________ __________
>>>> الرد الثاني :
العفو حبيبتي
ربي يجازيك كل خير ويحققلك مبتغاك في القريب العاجل يارب
__________________________________________________ __________
>>>> الرد الثالث :
__________________________________________________ __________
>>>> الرد الرابع :
السلام و عليكم ختي حنا في تبسة هاذي الكسرة نقولولها كسرة الكوشة اما المطلوع هو الي تطلع و طيب في الطاجين المرقوم تاع الطين
__________________________________________________ __________
>>>> الرد الخامس :
[quote=الجوهرة النادرة;1053805571]العفو حبيبتي[/quo
ربي يجازيك كل خير ويحققلك مبتغاك في القريب العاجل يارب
أمين يـــــــــــــــــــــــــــــــــارب
تسلمي حبيبتيhttps://3andlib.xplainer.net/images/smilies/smile.gif
