غراتان الشفلور جديد x جديد من مطبخي
عنوان الموضوع : غراتان الشفلور جديد x جديد من مطبخي
مقدم من طرف منتديات العندليب
السلام عليكم
اليوم فطرنا غراتان الشفلور جاء بنين و خفيف مالا حبيت نحطلكم الوصفة باه تجربوها و للامانة صور مراحل التحضير ليست من تصويري , صورت الغراتان كي خرج من الفرن فقط :
https://www.up.djelfa.info/uploads/138314388825831.jpg
نبداو بسم الله
1- نحكمو راس شفلور نقطعوه وريدات , نشلوه و نحطوه يغلي في طنجرة فيها ماء + ورقتين رند +ملح + 2 فصوص ثوم بالقشر و لي تحب تنقيه و نخليه حتى يطيب و نصفيه مباشرة باه ما يشربش الماء https://3andlib.xplainer.net/images/smilies/19.gif
https://www.muslmah.net/upload/upfiles/jkl30201.jpg
2- من جهة اخرى نقشر 4 حبات بطاطا ( ممكن اقل او اكثر حسب العائلة و لازم البطاطا تفرش كل الصينية ) , نقطعها مكعبات صغيرة و نقليها في الزيت نفرشها في الصينية و نرش قليلا من الملح على البطاطا الساخنة
https://t3.gstatic.com/images?q=tbn:...7_Py1PJaoA2s7X
3 - في مقلاة نحضر الحشوة : نذبل حبة بصل مبشورة في قليل من الزيت , نضيف اللحم المفروم او داند مفروم ( حوالي 300 غ ) او صدر دجاجة مسلوق و مفتت و نقليهم , نضيف 4 فصوص ثوم مدروش او مبشور رقيق + ملح + فلفل اسود + سكنجبير + قرفة + معدنوس و 6 و ريقات نعناع مقطع رقيق ونزيد 1/4 كاس ماء يعني الحشوة ما تكونش ناشفة بزاف نغطيها و نخليها حوالي 15 د على نار هادية .
https://bo7.net/image/%D8%B5%D9%88%D...88%D8%B1_a.jpg
4- صلصة البيشاميل : في كسرونة نذوب 80 غ مارغرين + 80 غ فرينة و نحركوها + 1 لتر حليب من الافضل ساخن و نحركوها حتى تغلي و تثقال
و نزيدو ملح و شويييية جوزة الطيب و لي تحب تزيد جبن مبشور
https://forum.hawahome.com/nupload/2...1306505946.jpg
5 - فوق البطاطا المفروشة نفرغ 6 ملاعق كبار بيشاميل ثم نفرغ الحشوة + 3 ملاعق كبار بيشاميل و نرص فوقه الشفلور ( من الافضل نزع الجذور لي من الاسفل ) نفرغ باقي صلصة البيشاميل من فوق و نزينها بالجبن المبشور , ندخلها فرن مسخن 200° مدة 20 د من الاسفل ثم نحمرها من الاعلى و تاكلوها بالصحة
https://www.up.djelfa.info/uploads/138314395580281.jpg
https://www.up.djelfa.info/uploads/138314416581461.jpg
ملاحظة : خليها تبرد شوية من بعد قطعيها باه تشد روحها
نتمنى تجربوه و تقولولي رايكم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اممممممممممم هايلة نفس طريقتي بصح منديرش بطاطا يعطيك الصحة
__________________________________________________ __________
>>>> الرد الثاني :
اممممممممممممممممممممممممم يشهي يعطيك الصحة
__________________________________________________ __________
>>>> الرد الثالث :
بارك الله فيك يا اختي
تاكلوه بالصحة والهنا
طريقة سهلة وراهي بنينة
فقط الشوفلور نحب نفورو ,باش ما يرفدليش الماء مثل اللي تغليه..
__________________________________________________ __________
>>>> الرد الرابع :
يعطيك الصحة وبارك الله فيك
__________________________________________________ __________
>>>> الرد الخامس :
يسلمك اختي sidali 2007 جربيه بالبطاطا و قوليلي رايك
يسلمك fatima fato https://3andlib.xplainer.net/images/smilies/smile.gif
يسلمك و شكرا على فكرة التفوار المرة الجاية نجربها
شكرا اختي ايمان
