2في 1 فطير القدرة + مسمن مركب من مطبخي, طبخ جزائري

عنوان الموضوع : 2في 1 فطير القدرة + مسمن مركب من مطبخي, طبخ جزائري
مقدم من طرف منتديات العندليب

السلام عليكم ورحمة الله و بركاته

اليوم جبتلكم وصفة تقليدية كانت ديرها امي ربي يرحمها و لكن انا حبيت نغير فيها شوي وزدت اضافات جعلت من الطبق اروع طبق ممكن تقدميه في فصل الشتاء

فطير القدر او ثمقزرث (بالقبائلية)+ مسمن مركب بنفس العجينة كثرت شوي الدقيق لان فطير القدرة مترفدش كمية كبيرة من العجين

نطيبو لغدا و نخمو في حاجة اخرى في نفس الوقت باه كاروحو من المدرسة يلقاو وش يوكلو ,,,,,


المقداير

https://im37.gulfup.com/FHYUq.png
نقيلو البصل في زيت و ثوم ومن المفروض اكون فيها شوي قديد و انا معنديش عوضت بشوي شحم وايضا لازم شوي فول مدشش قدر حفنة اكون مشمخ في الماء ليلة من قبل و انا معنديش عملت غير الحمص


ومبعد نظيف المكونات الاخرى و التوابل لهي ملح فلفل اسود فلفل عكري و راس الحانوت و نخليو البطاطا والطماطم و اللحمم المفروم

https://im37.gulfup.com/w1AC3.png

نمرق بعد ما تتقلى مليح بكمية كبيرة من الماء حتى منزيدش نمرق و تسماط الاكلة من بعد


مبعد نلوح كرات اللحم تكون موجدة بملح و شوية فلفل اسود و ارز مرحي اعجنيها مليح و كوريها صغيرة جدا قد حبة الزيتون و لوحي حبة طماطم بقشورها و البطاطا وكتنضج الطماطم نخرجها نحيلها القشرة نرحيها و نزيد ملعقة كبيرة طماطم مصبرة و نزيدها على المرق مع البطاطا و كل هذا كراح نبداو نولوحو العجينة في القدر


https://im33.gulfup.com/nH1T0.jpg


نوجدو العجينة

كيلة سميد و كيلة فرينة و ملح و ماء فاتر



مديروش بزاف لان الاكلة لاتحتاج الى كمية كبيرة من العجين

https://im37.gulfup.com/RFyOM.png
نتحصل على عجينة طرية نكورها صغار خلاص لان القدرة لازم تكون كبيرة مليح و بما انيمعنديش قدرة كبيرة نصغر حجم الكويرات نقرصهم و نحط فوقهم شوي زيت و ماء باه متعملش القشرة و نغطيهم يرتاحو


https://im37.gulfup.com/txbWc.png


نفتحوهم بالزيت و منكثروش بزاف حتى لا تكون الاكلة دسمة كثيرااا

https://im37.gulfup.com/6OaWO.png
نهزهم بالوحدة و نلوحها في المرق الغزير و نقصي على النار و بالملعقة الخشبية كتبدا طيب الورقة غطسيها مع التقطيع في المرق و لوحي وحدة اخرى
https://im36.gulfup.com/ZUIUs.png





و كتشوفي المرقة نشفت تقدري تزيدش شوي ماء و متكثريش الكرات و انت وش تحبي كون تحبي مرق كثير و عجينة قليلة نقصي العجين و العكس

هذا شكلها بعد مطيب تحبي زيت الزيتون حطي انا منحبهاش يالزيت و لتحب الحار ايضا او لهريسة تقدر تحط

https://im36.gulfup.com/askL3.png

جربوه ورودولي لخبر رائع فعلا وهو جيد للنفساء
و الان لمسمن لمركب كورتها قبيل كرات اكبر من كرات لفطير

نحل نص الكمية و نطبقها بالزيت و نطيبها و نخليها على جنب

https://im36.gulfup.com/x95Zh.png

و مبعد ديري نصف الكمية الاهرى كما في الصورة وحدة طايبة في وحدة نية مع رشة سكر فوق الوحدة الطايبة

https://im36.gulfup.com/ftV1X.png


و نزيد نغلق و نكثر فوقها الزيت باه طيب ذهبية

و هاهو شكلها النهائي

https://im36.gulfup.com/L3y2I.png



بالصحة و العافية


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة تبان تشهي

__________________________________________________ __________

>>>> الرد الثاني :

يعطيك الصحة
الفطير المركب هاااااايل ويبان مورق
الفطير فى القدر هاااايل اول مرة نشوفو

__________________________________________________ __________

>>>> الرد الثالث :

المسمن ذقتو عند عاءلة زوجي اممممممممم يحب بنييييين
ام الطبق الاول مازال ما ذقتوش وباوك الله فيك

__________________________________________________ __________

>>>> الرد الرابع :

يا عمري على ثمغزرث طبقنا التقليدي المفضل في الشتاء يعطيك الصحه حتى ومنعملوش بنفس الطريقه

__________________________________________________ __________

>>>> الرد الخامس :

مممممممممممممممم بارك الله فيك