شوربة السمك لاختي ام ياسين الزهراء طبق جزائري
عنوان الموضوع : شوربة السمك لاختي ام ياسين الزهراء طبق جزائري
مقدم من طرف منتديات العندليب
اتفضلي اختي ام ياسين الزهراء و راني درتهالك في موضوع حسب رغبتك
المقادير
2 حبات قرعة اي كورجات
3 حبات لفت
3 حبات جزر
3 حبات بطاطا
حبة بصل
الكرافص
راس الحانوت
فلفل
ملح
زيت
و الحوت اللي مايكونش فيه العظم أحسن ديريه داخل لاقاز و اعقدي عليه باش العظام ما يطيحوش في الشوربة و ديري حوالي زوج حبات حوت متوسطين الحجم
3 حبات طمام
شوية قصبر
التحضير:
نقلوا كل الخضر في الزيت و البصل و نضيفوا التوابل و كي يقربوا يتقلاو نزيدولهم الكرافس و نمرقوا بالماء السخون ثم كي يولي يغلي انديرو الحوت في شاش مثقب مثل لاقاز و انديروه في المرق يطيب و الحوت ما يطولش في الطياب حوال 10 الى 15 دقيقة و نحيه وو كي اطيب الخضر ترحيها و ايذا صبتيها ناشفة زيديلها شوية ماء سخون و نقلبوها فوق النار و الحوت بعدما يبرد شوية انفتوه و انحولو العظم و انديروه في القدر مع الشوربة تاعنا
ثم نخلوها تغلي و انطفوا عليها و نزيدولها القصبر ثم انطفو عليها
و بالصحة عليكم
https://store2.up-00.com/May12/Bte03837.png
[IMG]https://store2.up-00.com/May12/vyL03498.png[/IMG
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
سلام أختي
شكرا على الوصفة
بابا يحب الحوت ان شاء الله نسييها ونذوقهالوا
بارك الله فيكي
__________________________________________________ __________
>>>> الرد الثاني :
و فيكي بركة اختي صافيو و ما تنسايش اديري الحوت في شاش باش العظومة ما يتسربوش للشوربة
__________________________________________________ __________
>>>> الرد الثالث :
بارك الله فيك حنونة فرحتيني ربي يفتحها عليك ويعيشلك يماك راح نجربها ونقلك الله يعطيك الصحة
__________________________________________________ __________
>>>> الرد الرابع :
الله يسلمك اختي ام ياسين و شكرا على الدعوات الجميلة ربي يحفظك
__________________________________________________ __________
>>>> الرد الخامس :
بارك الله فيك اختي الغالية
