عنوان الموضوع : شوربة السمك لاختي ام ياسين الزهراء طبق جزائري
مقدم من طرف منتديات العندليب

اتفضلي اختي ام ياسين الزهراء و راني درتهالك في موضوع حسب رغبتك

المقادير
2 حبات قرعة اي كورجات
3 حبات لفت
3 حبات جزر
3 حبات بطاطا
حبة بصل
الكرافص
راس الحانوت
فلفل
ملح
زيت
و الحوت اللي مايكونش فيه العظم أحسن ديريه داخل لاقاز و اعقدي عليه باش العظام ما يطيحوش في الشوربة و ديري حوالي زوج حبات حوت متوسطين الحجم
3 حبات طمام
شوية قصبر
التحضير:
نقلوا كل الخضر في الزيت و البصل و نضيفوا التوابل و كي يقربوا يتقلاو نزيدولهم الكرافس و نمرقوا بالماء السخون ثم كي يولي يغلي انديرو الحوت في شاش مثقب مثل لاقاز و انديروه في المرق يطيب و الحوت ما يطولش في الطياب حوال 10 الى 15 دقيقة و نحيه وو كي اطيب الخضر ترحيها و ايذا صبتيها ناشفة زيديلها شوية ماء سخون و نقلبوها فوق النار و الحوت بعدما يبرد شوية انفتوه و انحولو العظم و انديروه في القدر مع الشوربة تاعنا
ثم نخلوها تغلي و انطفوا عليها و نزيدولها القصبر ثم انطفو عليها
و بالصحة عليكم



[IMG]


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

سلام أختي
شكرا على الوصفة
بابا يحب الحوت ان شاء الله نسييها ونذوقهالوا
بارك الله فيكي

__________________________________________________ __________

>>>> الرد الثاني :

المشاركة الأصلية كتبت بواسطة safioo
سلام أختي
شكرا على الوصفة
بابا يحب الحوت ان شاء الله نسييها ونذوقهالوا
بارك الله فيكي

و فيكي بركة اختي صافيو و ما تنسايش اديري الحوت في شاش باش العظومة ما يتسربوش للشوربة

__________________________________________________ __________

>>>> الرد الثالث :

بارك الله فيك حنونة فرحتيني ربي يفتحها عليك ويعيشلك يماك راح نجربها ونقلك الله يعطيك الصحة

__________________________________________________ __________

>>>> الرد الرابع :

المشاركة الأصلية كتبت بواسطة أم ياسين الزهراء
بارك الله فيك حنونة فرحتيني ربي يفتحها عليك ويعيشلك يماك راح نجربها ونقلك الله يعطيك الصحة

الله يسلمك اختي ام ياسين و شكرا على الدعوات الجميلة ربي يحفظك

__________________________________________________ __________

>>>> الرد الخامس :

بارك الله فيك اختي الغالية