♥► مـــــ(2)ـــن مطبخي : شــبــاح الصفـــــــرة ◄♥ من مطبخي
عنوان الموضوع : ♥► مـــــ(2)ـــن مطبخي : شــبــاح الصفـــــــرة ◄♥ من مطبخي
مقدم من طرف منتديات العندليب
https://files2.fatakat.com/2016/8/1282426464.gif
أهلا بي عندكم وأهلا بكم في مطبخي
أمممم هاذي أول مشاركة ليا في هاذا القسم تع الأكلات
وتاني حبيت نبداها بحاجة حلوة ههه باه ندخل عليكم بلباراكة زعما احم احم
هاذي يعني ماهيش أكلة رئيسة
وماتندارش على أنها طبق يعني تع عشا متلا
هي تؤكل فن كيما نقولو ههه وتكون طبق اضافي يعني بعد ماتكوني تعشيتي
هنا الاغلبية نديروها في الاعراس كطبق ثالث
ولا في عرضة ولا في رمضان
الشبـــــــــاح الصـــــفـــــــــرة
آسفة المراحل مش ح يكونو مصورين بكل
ومام الصور لي كاينين راني هزيتهم من فيديو ( كي درناها فلعرس)
يعني لاكاليتي جات عيانة
بالصح المهم تفهمووو
نبداو بسم الله:
وش تحتاجي :
3 كيلات لوز مرحييي رقييييق خلاص
كيلة سكر
وتجمعي بصفار البيض
البياض نحتاجوه مبعدا في القلي
الطريقة :
نخلطو 3 كيلات لوز مع الكيلة تع السكر حتى يولي خليط متجانس
ونبداو نضيفو بالصفار الواحد
حتى تتلمنا العجينة وتعود سهلة التشكيل
هوا الشكل المتداول تاعها مثلث
تقدري ديري تاني هلال , نجمة , قلب ...
وتستعملي تاني الطوابع أحسن من التشكيل بليد
https://im33.gulfup.com/CrLVV.png
تجيك حبة وحدة ومتحوفة
بعدما نخلصي التشكيل
نروحو للقلي
نحطوها في بياض البيض
https://im33.gulfup.com/85l31.png
تم نقليوها في مقلة تيفال فيها زيت ديجا سخون
باه الحبة وحدها تطفو يعني ماتلصقلكش
https://im33.gulfup.com/zeBwI.png
هاذي القلية الأولى
نمسحوها بسارفيات تاع الورق (ماتكونش من لخفاف لي تطلق الترفوش)
https://im33.gulfup.com/ELttT.png
ونعاودو القلية التانية
كيف كيف بنفس الطريقة يعني تحطيها في بياض البيض وتقليها
https://im33.gulfup.com/LYiaT.png
وكي نخلصي وتقطريها امسحيها تاني
وهكا تكون عندك واجدة باه تستعمليها
https://im32.gulfup.com/OXoNb.png
ومام هكا تقدري تخبيها فلكونجيلاتور في باط محكم الاغلاق وتخليها ووين تحتاجيها تجبديها
......
الطياب:
حبة بصلة مرابية مليح
شوية سمن
ملح (ماتكثريش كما فالطياب العادي)
فلفل أسود (لي يكون ابيض باه ميجيش يبان فلمرق)
وعود او عودين قرفة (لااازم)
وأكيد طرف لحم
تقليهم مليييح مع بعضاهم وتمرقي وتخلي لحم طييب
كما يطيب صفي المرقة تاعك
ورجعي الطرف تع اللحم ... وحطي السكر(درك حسب شحال درتي)
باه تعقاد المرقة وباه يولي طاجين لحلو بيان سور ههههه
(لكان عندك لمرقة بزاف حاولي تخليها تغلي شوية حتى تنشف لانو طاجين لحلو مايجيش فيه لمرقة بزاف)
هنايا دركا يجي دور الشبح الصفرة
ترميها وتخليها تغلي شوية
ماطولش بزاف
تحبي أرمي معاها فالأخير حبيبات لوز كاملين (يكون مقشر) للتزيين
وشهية طييبة
https://im35.gulfup.com/T9VqZ.jpg
أنا هنا أني درت معاها تفاح محشي أيضا
ان شاء الله كما نديرو راني نحطهولكم بتفصيل
خير من بلهدرة برك
وتاني رميت حبات عين باه نزين (العين لازم تحطيها في ماء دافي لمدة قبل ماترميها)
نتمنى تكون عجبتكم
وبالهناء والشفاء
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
عجبتني انا يا سالي
يعطيك الصحة اختي وان شاء الله ماتكونش ىخر مشاركة
عجبتني تاع ندخل عليكم بالبراكة هههههههه
تسلمي غاليتي
__________________________________________________ __________
>>>> الرد الثاني :
__________________________________________________ __________
>>>> الرد الثالث :
يعطيك الصحة نقولولها لحم لحلو بصحتكم
__________________________________________________ __________
>>>> الرد الرابع :
الله يسلمك
ومتشرفين ههه
__________________________________________________ __________
>>>> الرد الخامس :
شباح السفرة هايل
مشكوووووووووووووورة
