ميني مطلوع بالفرينة محشي من مطبخي طبخ جزائري
عنوان الموضوع : ميني مطلوع بالفرينة محشي من مطبخي طبخ جزائري
مقدم من طرف منتديات العندليب
السلام عليكم و رحمة الله
مقادير المطلوع:
كيلو فرينة + ملعة كبيرة و نصف خميرة الخبز+ملعقة صغيرة سكر + باكي خميرة القاتو + ملعقة صغيرة ونصف ملح نخلط الكل في العجانة و نلمها بحليب و بيضة اكونو دافيين حتى نحصل على عجينة طرية ..و اخيرا نزيد شوي مرغرين نجمع بيها العجين مليح نخليها تخمر مرة و نزيدلها عجنة خفيفة باه نهبط الطلوع تيعها اكورها قد حبات المندرين و نخليها تخمر
نفردها بالحلال و نزيد نخليها تخمر مرة اخرى
https://im40.gulfup.com/IdeSd.png
https://im40.gulfup.com/dCxhT.png
https://im40.gulfup.com/nAWYh.png
بعد مطيبتها في مقلاة عاملتها خصيصا لمثل هذه العجائن ثقيلة و لا تحرق لا تستعمليها لاي شيء اخ
الخبيزات طلعت خفيفة و اسفنجية
https://im40.gulfup.com/62wOo.png
مقاير الحشو
كما تحبي اختي وزدت فرماج قطع و كتشب نسيت مصورتهمش
https://im40.gulfup.com/qRReV.png
البيض
كيفية التحضير
بيض ملح فلفل اسود معدنوس سنة ثوم و نشكلها بحجم المطلوع في مقلة متلصقش
https://im40.gulfup.com/w8UEF.png
مرحلة التجهيز النهائي
https://im40.gulfup.com/Rrmwh.png
والله مخلاوني نكمل التصوير النهائي هبلوني ولادي و معهم الضياف
بصحتكم اتمنى تجريبها,
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بصحتكم و ربي يحفضلك و لادك
__________________________________________________ __________
>>>> الرد الثاني :
روعة ام بدرالدين
حبيت نسالك هل قلتي
نضيف حليب وبيض دافيين
لان الكتابة غير واضحة
__________________________________________________ __________
>>>> الرد الثالث :
يعطيك الصحة بركةالله فيك اختي على الوصفة
__________________________________________________ __________
>>>> الرد الرابع :
هايلة اختي وبصحتك
الولاد هذا واش يحبو ربي يحفظهم
__________________________________________________ __________
>>>> الرد الخامس :
نعم دائما العجائن لفيها خميرة السوائل دائما تكون دافية و خاصة في الشتاء حتى البيضة حطيها مع لحليب ان اخذتها من اللاجة باه يطلعولك والا العجينة تنزل بسبب برودة السوائل. موفقة
وشكرا للجميع.
