عنوان الموضوع : ميني مطلوع بالفرينة محشي من مطبخي طبخ جزائري
مقدم من طرف منتديات العندليب

السلام عليكم و رحمة الله

مقادير المطلوع:

كيلو فرينة + ملعة كبيرة و نصف خميرة الخبز+ملعقة صغيرة سكر + باكي خميرة القاتو + ملعقة صغيرة ونصف ملح نخلط الكل في العجانة و نلمها بحليب و بيضة اكونو دافيين حتى نحصل على عجينة طرية ..و اخيرا نزيد شوي مرغرين نجمع بيها العجين مليح نخليها تخمر مرة و نزيدلها عجنة خفيفة باه نهبط الطلوع تيعها اكورها قد حبات المندرين و نخليها تخمر

نفردها بالحلال و نزيد نخليها تخمر مرة اخرى










بعد مطيبتها في مقلاة عاملتها خصيصا لمثل هذه العجائن ثقيلة و لا تحرق لا تستعمليها لاي شيء اخ
الخبيزات طلعت خفيفة و اسفنجية




مقاير الحشو

كما تحبي اختي وزدت فرماج قطع و كتشب نسيت مصورتهمش


البيض

كيفية التحضير

بيض ملح فلفل اسود معدنوس سنة ثوم و نشكلها بحجم المطلوع في مقلة متلصقش




مرحلة التجهيز النهائي



والله مخلاوني نكمل التصوير النهائي هبلوني ولادي و معهم الضياف

بصحتكم اتمنى تجريبها,


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

بصحتكم و ربي يحفضلك و لادك

__________________________________________________ __________

>>>> الرد الثاني :

روعة ام بدرالدين
حبيت نسالك هل قلتي
نضيف حليب وبيض دافيين
لان الكتابة غير واضحة

__________________________________________________ __________

>>>> الرد الثالث :

يعطيك الصحة بركةالله فيك اختي على الوصفة

__________________________________________________ __________

>>>> الرد الرابع :

هايلة اختي وبصحتك

الولاد هذا واش يحبو ربي يحفظهم

__________________________________________________ __________

>>>> الرد الخامس :

المشاركة الأصلية كتبت بواسطة دائمة الحمد
روعة ام بدرالدين
حبيت نسالك هل قلتي
نضيف حليب وبيض دافيين
لان الكتابة غير واضحة


نعم دائما العجائن لفيها خميرة السوائل دائما تكون دافية و خاصة في الشتاء حتى البيضة حطيها مع لحليب ان اخذتها من اللاجة باه يطلعولك والا العجينة تنزل بسبب برودة السوائل. موفقة
وشكرا للجميع.