كسكس المناسبات على اصوله بالخطوات المصورة من مطبخي من مطبخي

عنوان الموضوع : كسكس المناسبات على اصوله بالخطوات المصورة من مطبخي من مطبخي
مقدم من طرف منتديات العندليب

السلام عليكم غالياتي

الكسكس او الطعام كل واحد كيفاه يسميه حنا في الشرق نسموه البربوشة هو من اشهر الاطباق التقليدية
كاين لي يعملو مرقة بيضا وكاين لي يعملو مرقة حمرا
حنا في الاعراس والمناسبات نعملوه مرقة بيضا باللحم والحمص والجريوات
حبيت اليوم نشاركم طريقتي في اعداد كسكس مرقة بيضا لان يجي بنين بزااااف لايقاوم بشهادة لي ذاقوه عندي
بدون اطالة نخليكم مع الوصفة

المقادير:

نحتاج لحم خروف ومن الاحسن يكون فيه شوية من الدهون يعني مشحم شوية

حبة كبيرة بصل
سنينات ثوم
حبة صغيرة طماطم ماتكونش حمرا يعني ماهيش طايبة مليح باه المرقة تجي بيضا
م ك كصبر مرحي
نصف م ك راس الحانوت
شوية فلفل اسود
ملح
زوج م ك زيت ما نكثروش خصوصا اذا كان اللحم مشحم
حبة صغير ةلفت
حبات من الجريوات
حمص
طبعا الكسكس و لازم يكون رقيق

الطريقة:
اولا نحضر المقادير

https://https://cdn.top4top.net/i_8f1836d3a91.jpg

في طنجرة نحط اللحم ونرابي البصل والثوم والطماطم ونضيفهم ونضيف باقي المكونات

https://https://cdn.top4top.net/i_cf6251f16e1.jpg

نحطهم على نار هادئة نضيف نصف كاس ماء ونخليهم يتقلاو جيييييييدا مرة على مرة نحرك

https://https://cdn.top4top.net/i_9762be05071.jpg

نقشر حبة لفت ونضيفلها للحم ونخليه يكمل يتقلا على نار هادئة حتى اللحم يدخلو الطياب كيما يقولو العجايز https://3andlib.xplainer.net/images/smilies/biggrin.gif
يعني مابقالوش بزاف يطيب

https://https://cdn.top4top.net/i_df8f255e911.jpg

في هذا الوقت ناخذ الجريوات نقسمها بالطول وبواسطة سكين نشرحها

https://https://cdn.top4top.net/i_b1577dfd961.jpg

نتبلها بشوية ملح وفلفل اسود وكصبر ونخليها تتشرب

من جهة نرجع للحم بعد ما دخلو الطياب نصفيه
ناخذ طنجرة اخرى نحط فوقها الكسكاس ونفرغ المكونات لي في الطنجرة كامل

https://https://cdn.top4top.net/i_233bf6965a1.jpg

نرجع اللحم في البرمة لي طيبناه فيها وبواسطة ملعقة نرحي حبة اللفت باه تطلق البنة


https://https://cdn.top4top.net/i_6ad1b7db2e1.jpg

ونضيف كمية الماء اللازمة

ملازمش نضيف بزاف الماء قيس مايتغطى اللحم فقط لاني كيما خبرتكم اللحم تقريبا طايب
نفرغ المرقة فوق اللحم وهذا لي يبقى في الاسفل نرموه حنا نسموه التخ نتاع البرمة


https://https://cdn.top4top.net/i_90ba23da251.jpg

وهذا لي نرموه

https://https://cdn.top4top.net/i_a724d43e8f1.jpg

الان ناخذ كمية الكسكس لي تلزمنا نغسلوه ونعصروه بالايدي ونحطوه ينشف شوية من بعد نضيفوله شوية زيت نحرك الكسكسي ونعملو يفور

https://https://cdn.top4top.net/i_f4dc9dac701.jpg

بعد مايفور نضيفلو الملح وكمية من الماء باه يجي خفيف ونخليه يتشرب


https://https://cdn.top4top.net/i_1fb90510541.jpg]




في هذ الوقت نغسل الجريوات ونضيفها للمرقة


https://https://cdn.top4top.net/i_b2a44ccc791.jpg


نعاود نرجع الكسكس يفور للمرة الثانية وبعد مايفور نريحوه بالزبدة يعني نضيفلو كمية من الزبدة ونحرك ونغطيه حتى وقت التقديم

https://https://cdn.top4top.net/i_de25051fab1.jpg

في هذا الوقت تكون الجريوات طابت وهذي المرقة نتاعنا راهي واجدة

https://https://cdn.top4top.net/i_76e086be2c1.jpg


بالنسبة للحمص انا دايما نطيب كمية كبيرة في لاكوكوط نضيفلو الملح والماء كي يطيب نخليه يبرد ونحتفظ به في المجمد
ناخذ كمية من الحمص لي كنت طيبتو قبل نضيفلها شوية من المرقة ونحط على النار يسخن من بعد نزين به الكسكس

هذا النوع من الكسكس نقدوه مع الفلفل المرقد الحار
ناخذ فلفل حار نضيفلو الملح +القليل من الماء والخل والزيت وسنينات ثوم مقطعين بالطول ونحط داخل مقلاة ونغلق عليه حتى يطيب

https://https://cdn.top4top.net/i_2a9294fb361.jpg

والسلاطة الخضراء

https://https://cdn.top4top.net/i_56677708641.jpg

وهذا المرقة لي نسقوه بها

https://https://cdn.top4top.net/i_910b7cc7b31.jpg

تفضلو بسم الله الكسكس راه حاضر

https://https://cdn.top4top.net/i_025286058a1.jpg

نحط الكسكس في صحن التقديم ونزين بالحمص والجريوات

https://https://cdn.top4top.net/i_859c9743331.jpg

ونسقيه بالمرقة

https://https://cdn.top4top.net/i_88f693cf3c1.jpg

ان شاء الله لي ماتعرفش تعمل الكسكسي مرقة بيضا تكون تعلمت ولي تعرف زادت استفدت اكثر
صراحة تعبت في تحميل الصور فقط لي تدخل الموضوع ماتنسانيش من دعوة خير لي ولعائلتي
في امان الله



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

يعطيك الصحة سخفتيني

__________________________________________________ __________

>>>> الرد الثاني :

يعطيك الصحة ام اماني الله يبارك مراة ونص

__________________________________________________ __________

>>>> الرد الثالث :

اوه لو تجو الى ماما تعملكم كسكسي على اصوله تأكون ولا تشبع وبالزبيب والحمص يالله على ذاك المذاق
الكسكس يوقف الركايب يبقى تاج المأكولات

__________________________________________________ __________

>>>> الرد الرابع :

الله يبارك روعة حنا في الغرب تقريبا نفس الكيفية لكن منديروش الثوم ونعملو البطاطة وزرودية

__________________________________________________ __________

>>>> الرد الخامس :

شكرًا ام أماني والله كل وصفاتك روووووعه يعطيك الصحه يامبدعتي انا من معجبينك بارك الله فيك