كارثة مطبخية تحولت إلى طبق لذيذ طبخ جزائري

عنوان الموضوع : كارثة مطبخية تحولت إلى طبق لذيذ طبخ جزائري
مقدم من طرف منتديات العندليب

https://up.djelfa.info/uploads/13466273241.gif

الوصفة 18

البارح حبيت ندير السفيرية على طريقتي الخاصة ، أنا عمري لا كليتها ولانعرف كيفاه يديروها ، نعرف فقط عموما انها كريات بطاطا مقلية مع صوص بيضاء باللحم أو الدجاج و ماحبيتش نقرا الوصفة نتاعها ونتعلمها من المنتدى باش نجيب أفكار من راسي وندير حاجة جديدة.
ياسيدي ، لقيت البطاطا رخيصة شريت 10كغ وقلت نمتعهم بالبطاطا حتى وين تخرج على نيفهم https://3andlib.xplainer.net/images/smilies/biggrin.gif .
روحت غليت حوال 1.5 أو 2كغ بطاطا في الماء ثم قشرتها وجيت نربزها بالفرشيطة بصراحة وجعني ذراعي من مجرد الفكرة https://3andlib.xplainer.net/images/smilies/biggrin.gif قلت في بالي مالا الروبو واش نديرو بيه ، قارنيتور وخلاص https://3andlib.xplainer.net/images/smilies/mad.gif، حطيتها في الروبو تترحى واش نحكي واش نخلي https://3andlib.xplainer.net/images/...s/rolleyes.gif عمري لاشفت البطاطا دارت هكذا كأنها غراء صيني https://www.cheesebuerger.de/images/more/bigs/a093.gifماحبتش تترحى خلاص وجيت نخرجها من الروبو ماحبتش تخرج لصقت كامل في بعضاها عجينة وحدة https://3andlib.xplainer.net/images/...s/confused.gif ماجيت نهبطها طار ذراعي https://3andlib.xplainer.net/images/...s/rolleyes.gif وليت قلت نرحي الكمية اللي مازالت في رحاية اليد ...والو كانها مطاط وليت فرغتها في كاسرول وهي هكذاك نص مرحي ونص كتل وبقيت نتفرج واش نقوللكم أكثر من مجزرة الديول ...البطاطا في وجهي في يديا وفي قشي كامل هنا خرج الدخان من وذنيا آآآآآآآآآ خلاص قالي راسي نرميها https://www.cheesebuerger.de/images/more/bigs/c004.gif، تفكرت سلاحف النينجا مساكن غاضوني ، تعوذت من الشيطان الرجيم وفكرت https://www.cheesebuerger.de/images/more/bigs/a065.gifولثمة ضربت في راسي فكرة ، قلت هي خلات وطفرت مالا نغامر ونشوف :

1- البطاطا : كسرت عليها 4 بيضات وحطيت شوية ملح ( ماكثرتش ) وخلطتهم مليح معاها ودهنت المول نتاع الفور بالزبدة مليح وفرغت البطاطا فيه وإلى الفرن. كي تنفخت وحمارت من تحت حمرتها شوية من فوق وطفيت.
2- الصوص :
* قليت في شوية زيت حبة بصل كبيرة مقطعة بدون ملح وكي بدات تتحمر ( ماتخليوهاش تحمار ) ،أضفت صدر دجاج ( مقطع قطع صغيرة ) ونص علبة فطر
https://im36.gulfup.com/EMr7K.jpg
*وكي بدأ يتحمر أضفت الملح + فلفل أسود وثوم ورند +1 حبة جزر كبيرة يتيمة كانت في الثلاجة مسكينة + كمشة جلبانة
https://im36.gulfup.com/Ok15R.jpg
*وقليت شوية برك وأضفت ماء ( ماشي بزاف قدر ما تغطي المكونات فقط ).
https://im36.gulfup.com/JaAq5.jpg
*كي غلى المرق غلقت الكوكوط وخليتها على نار هادئة باش تنضج المكونات بدون أن ينشف المرق.
* بعد ما خليت البطاطا بردت حوالي 15د
https://im36.gulfup.com/sf6Uy.jpg
مررت سكين على الحواف و قطعتها كأنها كيك وقدمتها في صحن وسقيتها بشوية مرق وخضر ودجاج وفطر وقدمتها مع كسرة رخسيس .
https://im36.gulfup.com/sIr0n.jpg

صراحة طبق لذيذ جدا مع أنني من الغضب ماكنتش في وعيي والله طبخت وماعلاباليش إذا المكونات هاذي مع بعض تعطي طبق لذيذ أو رايحين نباتو بلا عشاء https://www.cheesebuerger.de/images/more/bigs/c027.gif.
الحمد لله مرت بسلام https://www.cheesebuerger.de/images/more/bigs/c016.gifوتعشات عائلتي في جو من المرح وعجبهم الطبق مع أنهم مايعجبهم والو https://www.cheesebuerger.de/images/more/bigs/a122.gif

حبيت نقول باللي ماشي ديما كي ندير مجزرة نرميها في المجاري لسلاحف النينجا هههههه راسي ساعة على ساعة يخرجني من المآزق هههه https://www.cheesebuerger.de/images/more/bigs/e142.gif

تحياتي https://3andlib.xplainer.net/images/smilies/1.gif


>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

مرحبا مرحبااااا يا العمرية
يعطيك الصحة هههههههههههههههههههههههههه راكي حرة من الحراير
مزيدا من النجاح والابداع
ويعطيك الصحة عالوصفات اللي درتي في الموضوع الاخر

__________________________________________________ __________

>>>> الرد الثاني :

اولا يعطيك الصحة عزيزتي الهام دايما نتعلمو منك كيفاش نخرجو من المازق الله عليك
انا ثاني لو كان كنت مكانك ما كنتش رميتعا و كنت عصرت مخي ودرتها قراتان لانو الحل الوحيد

__________________________________________________ __________

>>>> الرد الثالث :

ههههههههههههههه هااااااااااااااااي الهامممم الهام اواو https://www.cheesebuerger.de/images/more/bigs/a077.gif

المهم حنونتي كي منعتي و مفجرتيش الكوزينة هههههههههههhttps://www.cheesebuerger.de/images/more/bigs/c028.gif

iهادي البطاطا تقدري دريها بصوص حمرا باللحم مرحي ومن فوق البيشامال مممممممممhttps://www.cheesebuerger.de/images/more/bigs/c010.gif

سلاحف النينجا درك تلقايهم قعين يصليو في صلاة الشكر لله تهناو اليوم من وصفاتك ههههههه

__________________________________________________ __________

>>>> الرد الرابع :

هههههههههههههههه وحدك يا الهام
اعطني نذوق قبل مانقول رأيي

__________________________________________________ __________

>>>> الرد الخامس :

هههههههههههههههههههههه

و الله يا إلهام دايما بعفايسك و ديما تقتلينا بالضحك و الله مانيش نضحك على الكارثة تعجبني طريقتك في السرد ههههههههههههه

بصحتك حبيبتي أكيد جاتك بنينة بعد المجزرة الرهيبة ههههههههههه

علابالي بيك شاطرة و تعرفي تنقذي نفسك من المواقف اللي كيما هذي
المرة هذي ما راحش تشاركيني ثاني في الطبق اللي درتيه يخي كامل ليا