بريوش من مطبخي طريقة جزائرية

عنوان الموضوع : بريوش من مطبخي طريقة جزائرية
مقدم من طرف منتديات العندليب

هذه الوصفة عندها مدة طويلة عندي وكنت نعملها وبعدها تخليت عليها
البارح تفكرتها وعملتها لفطور هذا اليوم وحبيت تشاركوني فيها

المقادير :
كيلو فرينة
ملح
3 مغارف كبار شكر تسكار
3 مغارف صغار خميرة الخبز
2 مغارف كبار حليب غبرة
كوب زيت
ماء الزهر +ماء للعجن

الطريقة

نخلط كل المواد الجافة + الزيت وندفيء الماء مضاف إليه ماء الزهر بحيث كمية ماء الزهر تكون أكبر من الماء حتى يطلق نكهته في العجين ونعجن مليح
نغطي بكيس ونتركه يتخمر .. بعد التخمير نشكل كويرات ونرصهم في بلاطو مدهون بالزيت ونخليهم يتخمرو مرة ثانية
لما يتخمرو ندهن بالبيض ونذري السينوج أو الجلجلان وندخلهم للفرن حتى يطيبو

وهذه بعض الصور ماصورتش كل المراحل لأني ماكنتش معولة نحطو في المنتدى

https://im31.gulfup.com/xGQtq.bmp

https://im31.gulfup.com/mzBzu.bmp

https://im31.gulfup.com/Wlg91.bmp

ملاحظة : الي تحب البريوش يجيها حلو تقدر تزود كمية السكر

ـ أنا البارح عملت نصف الكمية يعني بدل 1كغ فرينة حطيت 500غ وهكذا وقطعتلي 15 حبة بحجم حبة البرتقال
ولأني حبيته يجيني حلو حطيت 3 مغارف سكر

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :

اههههههههههههه يا الحركاتية حكمتك تخرجي في الليل هههههههه حكمتك قطي انا الاولى اللي ديت الوصفة ان شاء الله نجربها و نردلك راهو جاء يهبل شكل و باين بنة **واش نقولك خويتك مازال تعاني مع الصور و انا لما نصغرها في الوينداوز لما نجي نحملها في لبرنامج يتحملي كي شغل دوسي و لما نحطها ما تخرجش ** يعني التعب تاعك راح خسارة وشفتي شاوية صح صح *

__________________________________________________ __________

>>>> الرد الثاني :

رغم انو الصورة مابنتش بصح راهو يبان مليح يعطيك الصحة

__________________________________________________ __________

>>>> الرد الثالث :

شكرا لك غاليتي و جزاك الله خيرا
ربي يحفظك

__________________________________________________ __________

>>>> الرد الرابع :

المشاركة الأصلية كتبت بواسطة amouna oumel bouaghi https://3andlib.xplainer.net/images/...s/viewpost.gif اههههههههههههه يا الحركاتية حكمتك تخرجي في الليل هههههههه حكمتك قطي انا الاولى اللي ديت الوصفة ان شاء الله نجربها و نردلك راهو جاء يهبل شكل و باين بنة **واش نقولك خويتك مازال تعاني مع الصور و انا لما نصغرها في الوينداوز لما نجي نحملها في لبرنامج يتحملي كي شغل دوسي و لما نحطها ما تخرجش ** يعني التعب تاعك راح خسارة وشفتي شاوية صح صح *

ههههههههههههههه صح حبيبتي نخرج غير فالليل كما الخفافيش والسبب هو العمل وفرصتي الوحيدة الليل

بصح على حساب مانشوف ماشي وحدي نخرج في الليل أنا وانت من حق يسمونا خفافيش المنتدى هههههههههههه

نهنيك على أنك أول واحدة ندي الوصفة https://3andlib.xplainer.net/images/smilies/19.gifhttps://3andlib.xplainer.net/images/smilies/19.gifhttps://3andlib.xplainer.net/images/smilies/19.gifhttps://3andlib.xplainer.net/images/smilies/19.gif وإن شاء الله تعجبك لما تجربيها

بالنسبة للصور لو كان فيه طريقة نتواصلو فيها على المباشر نعلمك خطوة خطوة وتنجحي فيها

وما عندي ما نقول شاوية ونص https://3andlib.xplainer.net/images/smilies/19.gifhttps://3andlib.xplainer.net/images/smilies/19.gif

__________________________________________________ __________

>>>> الرد الخامس :

المشاركة الأصلية كتبت بواسطة أم ياسين الزهراء https://3andlib.xplainer.net/images/...s/viewpost.gif رغم انو الصورة مابنتش بصح راهو يبان مليح يعطيك الصحة

الله يسلمك عزيزتي

الصور موجودة بالاك تظهر كبيرة في الأول ومن بعد تصغر

ولا النت ثقيلة
ان شاء الله تشوفيهم من بعد

شكرا لمرورك